رد: كرسي الاعتراف

من طرف new teeth 5/9/2008, 7:11 pm

ممكن اسال سؤال؟؟؟
اتفضل
يعني اية المبجلة؟؟؟

من طرف new teeth 8/9/2008, 12:07 pm

ياااااااااااااااا جماااااعة؟؟؟
انتو فين؟؟؟؟
هوا الكرسي اتكسر ولا ايه؟؟؟
محدش هيقعد عليه؟؟؟؟

من طرف amr_yadak 8/9/2008, 12:30 pm

السوبر اظاهر لزق في الكرسي lough

من طرف super_dentist 8/9/2008, 12:37 pm

لا مؤاخذه يا جماعه

اصل انا نمت شويه عالكرسي
ههههههههههههههه

من طرف new teeth 8/9/2008, 12:41 pm

نمت!!!
ماشي!!
المهم كان مريح ولا لا؟؟؟
يلا مين هيقعد بعد الباشا وياخد البركة؟؟؟؟ plllllllllz

من طرف super_dentist 9/9/2008, 7:10 am

انا هقوم بقى يا جماحه

يلا يا امالجم ادخلي عالكرسي بسرعه

فاصل و نعود مع برنامج ( خلف الاسوار )

من طرف amalgam 9/9/2008, 12:00 pm

انت نمت عليه وللا ايه؟

woooooow

باعتبار ان محدش بعتلي رسالة
فانا معنديش خلفية

مش كنت تعلق على الكرسي يافطة (مغلق للتنجيد أحسن؟)
عشان اقعد عليه وهو جديد

اوعى تكون كهربته وللا شكشكته
واصلا انا بلف في اقسام المنتدى ومش فاضيه اقعد دلوقتي

خلف الاسوار كمان؟؟؟؟
ليه؟
المتهم برئ حتى تثبت ادانته

من طرف dr_mony_2010 9/9/2008, 12:33 pm

و انا بقول الكرسى منور كده ليه ...

rose

من طرف new teeth 9/9/2008, 5:39 pm

متركب فيه لمبة توشيبا العربي haha

املجم لمبة توشيبا العربي ha ha ha ha

من طرف twolights 10/9/2008, 1:05 am

امالجم اللى قعدت
منوره يا جمييييييييييييل....تحالا لحمو

بعد ما اتخرجتى من كليتنا ايه رايك ف التكليف و فرص العمل لينا؟؟ يعنى فى امل ولا لا ؟؟
ناويه تحضرى حاجه ولا هتكتفى بكدا؟؟
لو جوزك فرض عليكى انك تسيبى شغلك هتعملى ايه؟؟
ممكن تفضلى شغلك وطموحك على بيتك وحياتك الشخصيه؟
تعرفى تفصلى بين حياتك العمليه وحياتك الشخصيه ولا كله بينعكس على بعضه؟؟
لو عرفتى ان صاحبتك اتكلمت عليكى من وراكى هتروحى وتواجهيها ولا هتنفضى؟؟
ثقتك ف نفسك ممكن توصلك للغرور؟
بتصلى التراويح ف المسجد؟؟وصلتى لجزء كام ف القران؟
ايه اكتر حاجه حلوه ف شخصيتك؟
واكتر حاجه وحشه ف شخصيتك ونفسك تغيرها؟
بتعرفى تطبخى؟؟ مش ناويه تعزمينا هههههههههه

ايه اكتر حاجه تتمنيها ف حياتك انها تحصل؟؟
هتعزمينا ف فرحك ولا لا؟؟
لو هتوصفى نفسك ف 3 كلمات بس تقولى ايه؟؟
الخيانه موجوده ف حياتك سواء منك او من غيرك؟

نلتقى بعد الفاصل

من طرف amalgam 10/9/2008, 1:46 am

شكرا موني
شكرا نيو تيث
اللمبة موفرة للطاقة
بل هي شمعة تحترق من اجل الاخرين

بما ان السوبر دبسني في الكرسي وخلع
وبما اني قلت له ان السؤال اللايت ينفع في اليوم الهيفي

وواضح جدا ان تولايتس لا تؤمن بالمثل ده

فانا من هذا المزنق أفوض أمري الي الله
ونبدأ بسم الله

بعد ما اتخرجتى من كليتنا ايه رايك ف التكليف و فرص العمل لينا؟؟ يعنى فى امل ولا لا ؟؟
التكليف على أيامي:حسبي الله ونعم الوكيل
بس الامل موجود في ربنا
والمشكلة انك مش هتحققي فيه طموحك بس ولا تطبقي كل اللي خدتيه في الكلية

ناويه تحضرى حاجه ولا هتكتفى بكدا؟؟
طبعا ان شاء الله
لو جوزك فرض عليكى انك تسيبى شغلك هتعملى ايه؟؟
حسب الظروف

ممكن تفضلى شغلك وطموحك على بيتك وحياتك الشخصيه؟
الطموح مطلوب بس لا

تعرفى تفصلى بين حياتك العمليه وحياتك الشخصيه ولا كله بينعكس على بعضه؟؟
إلى حد ما

لو عرفتى ان صاحبتك اتكلمت عليكى من وراكى هتروحى وتواجهيها ولا هتنفضى؟؟
لا طبعا هواجهها واعرف ليه عملت كده
عشان الوقف ده مايتكررش

ثقتك ف نفسك ممكن توصلك للغرور؟
لا خاااااااالص
انت شايفة كده؟؟؟
اني ماسكة في نفسي؟

بتصلى التراويح ف المسجد؟؟وصلتى لجزء كام ف القران؟
اه الحمد لله , الجزء 10

ايه اكتر حاجه حلوه ف شخصيتك؟
انتي اللي تقولي بقى

واكتر حاجه وحشه ف شخصيتك ونفسك تغيرها؟
بصدق الناس بسرعة وده عمل لي مشاكل

بتعرفى تطبخى؟؟ مش ناويه تعزمينا هههههههههه
اه الحمدلله, انا تلميذة شاطرة
هو ده هينفعنا
طبعا ياااااريت
بس اطلبوا الاسعاف الاول

ايه اكتر حاجه تتمنيها ف حياتك انها تحصل؟؟
أتمنى أن أنجح وأستقر في عملي

هتعزمينا ف فرحك ولا لا؟؟
أكييييييييييييييد
أتمنى

لو هتوصفى نفسك ف 3 كلمات بس تقولى ايه؟؟
رومانسية-اجتماعية-ملولة

الخيانه موجوده ف حياتك سواء منك او من غيرك؟
لسه محصلش ولا اتمنى انه يحدث

ياااااااااه
تعبت
كفاية

من طرف super_dentist 10/9/2008, 2:51 pm

شوية اسئله عالماشي كده يا امالجم

ايه اكتر موقف محرج اتعرضتيله ؟
ايه اكتر موقف عايزه تنسيه ؟
ايه اجمل هدف حققتيه في حياتك ؟
و ايه اكبر هدف عايزه تحققيه ؟
امالجم بتدور على ايه في الدنيا ؟
الكليه احسن و لا بعد التخرج من ووجهة نظرك ؟
ايه اكتر صفه ممكن تكرهي اللي بيكلمك علشانها ؟
ايه هواياتك ؟
مين اغلى شخص عندك ؟
لو لاقيتي الفانوس بتاع علاء الدين هتطلبي ايه ( حاجه واحده كالعاده )؟

جاوبي و لا مش مزاكره
ههههههههههههههههه

من طرف dr_mony_2010 10/9/2008, 3:42 pm

ايه يا جدعان ارحموا البنت شويه ....

انت ندمت على حاجة عملتيها قوى ... ونفسك ترجعى الزمن و تغيرى الموقف ده؟ و ايه هى - لو ممكن - ؟
ايه هى مواصفات فتى أحلامك ؟
ايه اكلتك المفضلة ؟ و ايه احلى حاجة بتطبخيها ؟
انت شايفه نفسك فين بعد 10 سنين ؟
ايه اكبر هدف حققتيه ف حياتك ؟ و اكبر هدف ما حققتيهوش ؟

كفااااية كده عليك .... عشان ما تقوليش انى تعبتك
سلام

من طرف amalgam 11/9/2008, 12:27 am

5-4
3-2
1

مع أسئلة الزميل المبجل سوبر الهيفي أوي
احنا متفقناش على كده
ماعلينا

ايه اكتر موقف محرج اتعرضتيله ؟
(د.أمين)يوم امتحان شفوي الاوبرتيف سنة تانية
منطقتش غير اسمي
بس نجحت الحمد لله

ايه اكتر موقف عايزه تنسيه ؟
نسيته الحمد لله

ايه اجمل هدف حققتيه في حياتك ؟
اني اتخرجت

و ايه اكبر هدف عايزه تحققيه ؟
ارضي ربنا واهلي

امالجم بتدور على ايه في الدنيا ؟
الامان والنجاح والستر

الكليه احسن و لا بعد التخرج من ووجهة نظرك ؟
سنة الامتياز كانت احلى سنة بجد

ايه اكتر صفه ممكن تكرهي اللي بيكلمك علشانها ؟
الحقد والغرور والانانية

ايه هواياتك ؟
القراءة والمطالعة

مين اغلى شخص عندك ؟
سيدنا محمد وبابا وماما

لو لاقيتي الفانوس بتاع علاء الدين هتطلبي ايه ( حاجه واحده كالعاده )؟
عربية

قطعت نفسي 3yat

نلتقي بعد الفاصل

من طرف amalgam 11/9/2008, 1:39 am

مع اسئلة العزيزة موني

5-4
3-2
1

هوااااااااا

انت ندمت على حاجة عملتيها قوى ... ونفسك ترجعى الزمن و تغيرى الموقف ده؟ و ايه هى - لو ممكن - ؟
أكيد
قدر الله وماشاء فعل

ايه هى مواصفات فتى أحلامك ؟
يعامل ربنا
-متدين-طموح-من عيلة
رومانسي

ايه اكلتك المفضلة ؟ و ايه احلى حاجة بتطبخيها ؟
الكفتة-الكنافة
الاتنين نفس الاجابة

انت شايفه نفسك فين بعد 10 سنين ؟
العلم عند الله يا بنتي

ايه اكبر هدف حققتيه ف حياتك ؟ و اكبر هدف ما حققتيهوش ؟
اني اتخرجت
اكبر هدف اتمنى احققه ان ربنا يرضى عني

كفااااية كده عليك .... عشان ما تقوليش انى تعبتك
كتر خيرك ياموني يا جميلة
نردهالك في الكرسي

من طرف new teeth 12/9/2008, 12:10 am

ممكن اسأل؟؟؟

من طرف new teeth 12/9/2008, 12:11 am

ما هو لونك المفضل؟؟؟
بتحبي الاطفال؟؟؟
لايت لايت plllllllllz

من طرف amalgam 12/9/2008, 12:18 am

حبيبتي نيو تيث
حنينة بتريحني
مبتسألنيش

ما هو لونك المفضل؟؟؟

لوني المفضل أحيانا الموف الفاتح أو البينك والاحمر الغامق

بتحبي الاطفال؟؟؟
أكيييييد
بس مش اشقيا بزيادة

شكرا يا عسل يا لايت انتي
قليل الدسم

انا بقالي 3 ايام اهه صاااااامدة
يللا....

نلتقي بعد الفاصل عشان أقوم ألفّ في المنتدى شوية
حضر نفسك يللي بعدي
محدش نفسه في سؤال (لايت)؟ قبل ماقوم؟

من طرف new teeth 12/9/2008, 12:25 am

انتي لبسة نظارة؟؟؟ hahaha

من طرف amalgam 12/9/2008, 1:36 pm

من طرف MoonLight 12/9/2008, 2:44 pm

ياترى يا أمالجم ايه العيوب اللي شايفاها ف المنتدى؟
وايه العيب اللي شايفاه ف نفسك وعايزة تغيريه؟
ايه أكتر موقف ندمتي عليه؟وأكتر موقف أحرجك؟(اجباري)
ايه هي أصعب لحظاتك؟

أظن مفيش لايت أكتر من كده lol

من طرف amalgam 12/9/2008, 3:19 pm

مع اسئلة الغاليه مون لايت

ياترى يا أمالجم ايه العيوب اللي شايفاها ف المنتدى؟
نفسي المشاركات تبقى اكتر من كده
لان عدد الاعضاء المشاركين قليل جدا

وايه العيب اللي شايفاه ف نفسك وعايزة تغيريه؟
3yat

حتى انتي يا مون؟؟
اني مش بعرف احرج حد واقول لا
عشان كده باجي على نفسي كتير
وكمان اني بثق في اي حد
وفي ناس متستاهلش ده

ايه أكتر موقف ندمتي عليه؟وأكتر موقف أحرجك؟(اجباري)
ممكن أستعين بصديق؟
ممكن ندمت اني مقدمتش السنه دي في الدبلومة
بالرغم انه كان غصب عني لانه كان لازم ورقة اثبات طبيب حر
وللاسف معرفتش اجيبها 3yat

ايه هي أصعب لحظاتك؟
لما بقلي البتنجان hahaha

أو البطاطس

لا
بجد
لما ضرس يتكسر مني ونا بخلعه معرفش أطلعه

اوعي تفكري اني مجنونة عشان بعيط وبضحك في نفس الوقت
shereer

أظن مفيش لايت أكتر من كده lol

من طرف amalgam 14/9/2008, 11:53 am

خلاص مفيش سؤالات تاني؟
ماشي

أنا هقوم بقى يا جماحة

أنا وضبت لك القعدة ياااااا......

عمرو

اتفضل وخد راحتك ع الاخر

من طرف super_dentist 14/9/2008, 12:17 pm

هع هع هع هع

اهلا ياكبييييييييير
ده احنا هنريحووووووووووووووووووكي

شويه كده على ما احضرلك الاسئله التمام

من طرف amalgam 14/9/2008, 12:32 pm

ههههههههههههه
هسأل كام سؤال ع الماشي على ما تحضر الاسئلة المتينة يا سووووووبر

سيادة المدير العام المحترم:
بعد التحية والسلام
وأما بعد:

ايه رأيك في نشاط المنتدى؟
وايه اللي عاجبك واللي مش عاجبك فيه؟
يعني كان زي مااتمنيته وللا أكتر وللا أقل؟
وايه تصورات الفترة القادمة؟

برده بخصوص التكليف:
ايه رأيك فيه دلوقت؟
وانت شايف انه ضروري
وللا قلّته أحسن؟

شوية وهفكر في اسئلة تانية
أومال ده انتا المديييييييييير
ولازم تنوصى