رد: كرسي الاعتراف

من طرف super_dentist 2/9/2008, 11:14 pm

مع تايد للغسيل مفيش مستحيييييييييييييل

برسيل الكيس بنص جنيه و يكفي الغسله و الهدوم هتخليها زي ما هي مش هتنضف
سدقيني و جربي و اكييييييييد هترمي الهدوم بعد الغسيل

عندك صداع مكسر دماغك ... مافيش حل غير انك تضرب نفسك بالشاكوش على دماغك
بس مش اي شاكوش ينفع ... لازم يكون شاكوش عز
ربنا يخليلنا عز

من طرف amalgam 2/9/2008, 11:22 pm

ههههههههه

انقعي الهدوم في الطشت وحطي مسحوق العفريت
بعد 3 ايام

مش هتلاقي الهدوم وهتلاقي البقعة في الطشت
ha ha ha ha

من طرف twolights 3/9/2008, 12:17 am

والان بعد فاصل السوبر وامالجم
اصدى مسحوق العفريت وشاكوش عز

نكمل حلقتنا مع كرسى الاعتراف

كاميرا 2 على تولايتس

1
2
3
ع الهواااااااااااا

من طرف twolights 3/9/2008, 12:42 am

دا انتي غاليه عندي اوي

مش اكتر من غلاوتك والله

a7ragteni

من طرف twolights 3/9/2008, 1:28 am

اخدتي فكرة وحشة عن دكتور كبير وبعدين غيرتي رايك؟

نووووووووو..دى فكرتى من الاول وطلعت ف محلها
دكتور زى العسل واخونا الكبير فعلا

لو زعلتي من صحبتك هتتجنبيها وتشيلي في نفسك وللا تقوليلها ؟

لا طبعا ...لازم اواجها واعرف ليه زعلتنى كدا
وممكن نعمل اعده عرب واخليكى الحكم يا امالجم ونشرب شاى بالياسمين..ههههههههه

بعد التخرج ان شاء الله مين اهم عندك الشغل وللا البيت؟

الاتنين
لكن ممكن افضل بيتى فتره معينه لحد ما الامور تستقر وارجع شغلى تانى....لكن الاتنين مهمين جدا بالنسبه ليا

والشغل مهم حتى لو مفيش عائد مادي مشجع؟

ايوا....مهم جدا جدا

ويهمك نوع البيشنت ومكان الشغل؟

اكييييييد

يعني انتي مع شغل الحكومة وللا الخاص؟

بصراحه...الخاص

كفاية عليكي كده

كتر خيرك يا بنتى

من طرف amr_yadak 3/9/2008, 1:37 am

ايه ده
ما جوبتيش على اسئلتي ليه ؟؟؟
جاوبي عن الاسئله يا متهمه .. بدل ما احجزك 15 يوم على زمة التحقيق kill

من طرف twolights 3/9/2008, 1:46 am

هههههههههههه
والله كنت بجاوب بس انت اللى سجلت رسالتك قبلى

1- هل انتي بتثقي في اصحابك الانتيم ؟؟؟؟ ولأي درجه ؟

انا اصلا اصحابى الانتيم اوى ليا هما 2 وفعلا بقولهم كل حاجه وبثق فيهم جدااااااااا

- لو في واحده جات قالت لك ان وحده تانيه صحبتك (( الانتيم )) قالت عليكي كلمة بضايقك .. واكيد طبعا هي عرفه انها بضايقك ... هتتصرفي معاها ازاي ؟؟

هروح وهواجها واعرف ليه بتتكلم عليا من ورايا

3- هل انتي بتسامحي بسرعة ولا بتشيلي ؟؟؟

لا الحمد لله يتسامح...واظن انت مجرب يا عمرو

4- طيب لو سامحتي هتقبلي ان علاقتك بصحبتك دي هترجع زي الاول .. ولا اااااااا ؟؟

والله ده هيتوقف على اللى اتقال واللى اترتب عليه....يعنى ممكن تبقى صاحبتى واسامحها عادى بس مش انتمتى يعنى مش اقولها على اسرارى

- هل انتي عندك استعداد انك (( تبيعي )) صحبتك في مصلحة مصيريه بالنسبة لك ؟؟ وخلي بالك من مصيريه دي

المصلحه ممكن تتعود....لكن الصاحب عمره ما يتعوض

6- هل في حد من اللي حواليكي انتي ممكن تاتمنيه على سر مهم ليكي .. ؟؟ ولا لسه مقابلتيش حد كده

قابلت الحمد لله

ايه شعورك دلوقتي من ناحية نفسك بالنسبة لاصحابك ... يعني ... هل انتي راضيه عن نفسك معاهم ؟؟

الحمد لله راضيه جدا جدا

كفايه كده لاحسن اخربها خالص

ولا خراب ولا حاجه يا عم....كشكشها ما تعرضهاش

من طرف twolights 3/9/2008, 1:50 am

نلتقى بعد الفاصل مع ضيف جديد وحلقه جديده من كرسى الاعترااااااااااف

اعد يا سوبر

يلا كاميرا 2 على سوبر
1
2
3
هوااااااااا

من طرف amr_yadak 3/9/2008, 2:23 am

ههههههههههههههههه حبيب قلبي

بص يا سيدي
- قول اكتر موقف محرج تعرضت ليه .... واكتر موقف بتتمنى انك تنساه ... يعني مش لازم تنساه دلوقتي ..
- هل انت صادق معظم الوقت .... وطبعا دلوقتي مهم جدا انك تكون صادق فيه والا ما تجاوبش
- ايهم تفضل اكتر ... المال ... اتقان العمل ... الشهرة ... السلطه ... زوجة مريحه ... حاجة وحده بس
- هل انت مستعد انك تسافر بره مصر لفتره طويله ؟؟
- انت مرتبط shereer

- لو خيروك انك تعيش حياة طويله تخدم فيها مجتمعك وناسك وتكون مرتاح ماديا بس مش سعيد ... او انك تعيش حياه طويله برده بس في حالك وسعيد ... تختار ايه
- لو واحد صحبك تعرض لموقف ... وتدخلك هيأذيك بس هيخرجه منها ... وممكن تكون أذيه جامده ... هتختار ايه ؟؟
- انت عايش ليه ؟؟
- بتحب مين اكتر باباك ولا مامتك ؟؟
- هل لقيت حد ممكن تقوله على كووووووووووووول حاجة بتشغل بالك ؟؟
- لو انت ماسك منصب مرموق واتاخد منك ... بالعافيه ... هيبقى ايه موقفك منه ؟؟
- هل انت مبسوط بنتايجك الدراسية في السنين اللي عدت .. ولا حاسس انك اتظلمت ؟؟
- هل اتعرضت قبل كده لظلم... حتى لو من جوا البيت ؟؟ وايه هو الموقف دا
- هل انت مبسوط باللي حققناه في اسرة النور ولا ايه موقفك بالظبط ؟؟
- انت ناوي تشتغل السنة اللي جاية في النشاط ولا هتوقف نشاطك في الكليه ؟؟
- عمرك ظلمت حد ؟؟؟ وندمت على ظلمك ليه ؟؟؟ وايه هو الموقف دا ؟؟
- بتكذب ... اكيد ... طيب ايه اكتر كذبه ندمت عليها ؟؟
- كان في سؤال على لساني بس خفت احسن يحرجك هنا فقلت بلاش الطيب احسن .... ما علينا
- مين اكتر عضو في المنتدى بتحب تقرا تعليقاته ؟؟
- ناوي تجوز على طول ولا لما تبني نفسك ... يعني سياسة الامل البعييييييييييييد ؟؟ lough

- هاااااااااااااااا كفايه كده ولا عاوزني اهريك كمان .... على فكره انا مكهرب الكرسي ورابطك فيه علشان لو حاولت تكذب او تهرب ... دا انت هتشوف ايام

يلا كفايه دلوقتي لحد ما اكون فكرتلك في شويه سخنين كمان plllllllllz

من طرف amalgam 3/9/2008, 11:19 am

ههههههههههههههه
ايه الاسئلة الجامده دي؟
من أعمالكم سلّط عليكم

انا اسئلتي سهلة وبسيطة خااااالص

مارأيك بكرسي الاعتراف؟ وما الهدف منه؟
وما شعورك وانت قاعد عليه؟

أسعد وأسوأ خبرين سمعتهم؟

ايه رايك في التكليف الايام دي؟
وانشاء الله هيكون ايه موقفك منه؟

انت مجامل وللا صريح؟
ايه الرد اللي ممكن يزعلك من الاعضاء؟
ايه الي عاجبك واللي مش عاجبك في المنتدى؟
لو قريت موضوع في المنتدى ومش عجبك, هتقول رأيك وللا تجامل وللا متعلقش وللا تحذف؟
ايه الموضوع اللي شفته في المنتدى واتمنيت انك تكون اللي كاتبه؟

ايه العيب اللي فيك ونفسك تغيره؟
مين الشخص اللي أثر فيك؟
ايه العبارات اللي تحب تسمعها ومش تحب تسمعها؟؟؟

يللا كفاية عليك كده

اتفضل المايك مع حضرتك

من طرف tifour 3/9/2008, 11:43 am

دا بقى ركلاينر قدام التلفزيون
مش كرسي اعتراف

من طرف new teeth 3/9/2008, 12:04 pm

ما هو اكتر سؤال احرجك في حياتك؟؟
ما هو اكتر موقف احرجك؟؟؟
ما هو اكتر موقف محرج حكيته لواحد صاحبك وقلتله ميحكهوش لحد و حكاه؟؟؟
وماذا فعلت به؟؟؟

من طرف super_dentist 3/9/2008, 3:11 pm

كده يا تولايتس
و عمرو راخر ما صدق

استعنا عالشقى بالله
نخش على اسئلة الاستاذ العضو المحترم عمرو

- قول اكتر موقف محرج تعرضت ليه .... واكتر موقف بتتمنى انك تنساه ... يعني مش لازم تنساه دلوقتي ..

اكتر موقف محرج اتعرضتله كنت في اعدادي اسنان و كنت لسه متعلم السواقه جديد و كان في عربيه راكنه في الشارع و انا دخلت تحتها مش عارف ازاي لغاية دلوقتي مع انها عربيه صغيره مش نص نقل يعني بس بعد كده بقيت سويييييق تخصص افراح , خظوبات , حنه طبعا ما اقلكش شكلي و انا بقول لبابا انا دخلت تحت عربيه راكنه كان عامل ازاي ههههههههههههههه
اكتر موقف اتمنى اني انساه كنا في السعوديه و انا في اولى اعدادي و كنا بنلعب لعبه سعوديه اسمها حبشه لو تعرفها يا عموووور زي الاستغمايه كده المهم انا كنت بجري من العيال و طلعت فوق عربيه و لما جيت انط و انا نازل من فوقها رجلي اتكعبلت و وقعت على وشي و دخلت في غيبوبه و كنت هفقد الذاكره كانت ليله ما يعلم بيها الا ربنا انا ماحستش بحاجه طبعا الا لما فوقت تاني يوم في المستشفى الحمد لله

- هل انت صادق معظم الوقت .... وطبعا دلوقتي مهم جدا انك تكون صادق فيه والا ما تجاوبش

طول عمري صادق و ماكذبتش غير قليل جدا و كل ما اكذب اقع في مصيبه

- ايهم تفضل اكتر ... المال ... اتقان العمل ... الشهرة ... السلطه ... زوجة مريحه ... حاجة وحده بس

الزوجه الصالحه معاها هييجي كل الباقي ان شاء الله

- هل انت مستعد انك تسافر بره مصر لفتره طويله ؟؟

اه طبعا مستعد انا مش عارف اصلا ايه اللي رجعني بس هسافر لغاية ما احقق اهدافي و ارجع

- انت مرتبط

sooooooooo private

- لو خيروك انك تعيش حياة طويله تخدم فيها مجتمعك وناسك وتكون مرتاح ماديا بس مش سعيد ... او انك تعيش حياه طويله برده بس في حالك وسعيد ... تختار ايه

حاسس ان السؤال متناقض مع بعضه بس عالعموم انا هختار اني اعيش مع الناس اللي بخدمهم و بيحبوني لله في لله مش للمصلحه

- لو واحد صحبك تعرض لموقف ... وتدخلك هيأذيك بس هيخرجه منها ... وممكن تكون أذيه جامده ... هتختار ايه ؟؟

و الله طول عمري في مشاكل بسبب اصحابي و لو ما وقفتش مع صاحبي في الشده يبقى انا ما استحقش اني اكون صاحبه او صديقه

- انت عايش ليه ؟؟

السؤال ده عجبني جدا
انا عايش علشان احقق اهدافي و اهمها ان ربنا يكون راضي عني بعد كده اي هدف بيبقى سهل حتى و لو كان ظاهر انه صعب

- بتحب مين اكتر باباك ولا مامتك ؟؟

بابا هو صديقي المقرب
و ماما هي سر حياتي
و بحبهم الاتنين جدا جدا جدا

- هل لقيت حد ممكن تقوله على كووووووووووووول حاجة بتشغل بالك ؟؟
اه الحمد لله

- لو انت ماسك منصب مرموق واتاخد منك ... بالعافيه ... هيبقى ايه موقفك منه ؟؟

انا مش من النوع اللي بيسيب حقه الا اذا حسيت انه في طرف تالت في الموضوع
يعني مثلا لو انا اتشالت من المنصب ده علشان في واحد تاني معاه واسطه او كوسه زي ما بنقول بعمل قلق شويه و الله نجحت يبقى خير و بركه ما نجحتش يبقى اكيد ربنا هيعوضني

- هل انت مبسوط بنتايجك الدراسية في السنين اللي عدت .. ولا حاسس انك اتظلمت ؟؟

انت اكتر واحد يا عمرو عارف انا اتظلمت اد ايه بس مفيش امل و انت جربت انك تعمل تظلمات و لا ليها اي فايده
الكوسه ماليه البلد
بس انا الحمد لله مش مهم عندي غير شغلي العملي و الحمد لله انه كويس

- هل اتعرضت قبل كده لظلم... حتى لو من جوا البيت ؟؟ وايه هو الموقف دا

لا ما اتظلمتش قبل كده الا من برا البيت و اعتقد اني جاوبتلك عالسؤال ده في السؤال اللي فات

- هل انت مبسوط باللي حققناه في اسرة النور ولا ايه موقفك بالظبط ؟؟

انت عارف اننا مش بنقبض نظير شغلنا ده
كله لخدمة الناس و بدال احنا فعلا قدرنا نخدمهم يبقى انا سعيد جدا باللي عملناه
اعتقد اننا اقوى اسره جات الكليه في تاريخها

- انت ناوي تشتغل السنة اللي جاية في النشاط ولا هتوقف نشاطك في الكليه ؟؟

كل سنه بقول مش هشتغل بس انت عارف اني ما اقدرش اشوف نشاط و ما اشاركش فيه
دي طبيعتي

- عمرك ظلمت حد ؟؟؟ وندمت على ظلمك ليه ؟؟؟ وايه هو الموقف دا ؟؟

الحمد لله عمري ماظلمت حد , إلا دعوة المظلوم

- بتكذب ... اكيد ... طيب ايه اكتر كذبه ندمت عليها ؟؟

انا كذبت مرات قليله و كل مره اقع في مصيبه
مره فاكرها كنت في الثانوي العام و كان تانيه ثانوي دي بنحضر حصه و ننط من عالصور
و كان فصلنا اكتر فصل مشاغب في المدرسه الاساتذه كانو بيخافو يدخلو الفصل اصلا
المهم كنا بنحضر اول حصه بس و باقي اليوم بنلعب كوره في اي حته عندنا في الاستاد او جنب المدرسه
المهم كل يوم على كده لغاية مايوم مروح البيت لاقيت بابا بيسالني كنت فين قلتله كنت في المدرسه قلي امال جواب الفصل ده جاي لمين اصل الفصل كله اتبعتله جوابات انذار بالفصل علشان كنا بناخد ورقة الغياب معانا و احنا بنلعب هههههههههههههههههههه
من يومها كل ما اروح المدرسه و ارجع يسالني كنت فين اقله حضرت حصتين و لعبت شويه
انتو عارفين بقى طبيعي ان ماحدش كان بيحضر في الثانوي

- كان في سؤال على لساني بس خفت احسن يحرجك هنا فقلت بلاش الطيب احسن .... ما علينا

لا اسال و لا انت خايف ما خلاص مفيش احمر خالص

- مين اكتر عضو في المنتدى بتحب تقرا تعليقاته ؟؟

تيفور الكومنتات بتاعته لذييييذه عالاخر

- ناوي تجوز على طول ولا لما تبني نفسك ... يعني سياسة الامل البعييييييييييييد ؟؟

الحاجات دي مش انا اللي احددها دي نصيب بس لو الظروف متوفره ليه لأ

- هاااااااااااااااا كفايه كده ولا عاوزني اهريك كمان .... على فكره انا مكهرب الكرسي ورابطك فيه علشان لو حاولت تكذب او تهرب ... دا انت هتشوف ايام

حسبي الله و نعم الوكيل فيك يا فخريييييييييييييييييي
كله بتمنها و مسيرك هتعد عالكرسي

من طرف super_dentist 3/9/2008, 3:45 pm

اسئلة الاستاذه العضوه المبجله امالجم

مارأيك بكرسي الاعتراف؟ وما الهدف منه؟

الكرسي حلو و متنجد و تماااااااااااااام
الهدف منه اننا نعرف معلومات اكتر عن بعض اعتقد ان ده شئ كويس
و بنكتشف شخصيات بعض كمان

وما شعورك وانت قاعد عليه؟

حاسس اني في برنامج خلف الاسوار
ههههههههههههههههه

أسعد وأسوأ خبرين سمعتهم؟

اسعد خبر خبر الثانويه العامه يوم النتيجه
اسوا خبر لما حد من اهلي كان عمل حادثه بس الحمد لله جت سليمه

ايه رايك في التكليف الايام دي؟

زي قلته

وانشاء الله هيكون ايه موقفك منه؟
هحضر دبلومه و اسافر
مش حاطه هدف قدامي يعني

انت مجامل وللا صريح؟

احيانا بجامل ناس علشان الصراحه ممكن تعقدهم وقتها
مثلا قبل الامتحانات لما يبقى فاضل وقت قليل جدا و واحد يسالني هنلحق نخلص اقله اه طبعا ان شاء الله ده هيرفع روحه المعنويه و يخليه يشد اكتر من لما اقله مافيش امل يبني و هنشيل اكيد مش هيعرف يزاكر من التوتر

ايه الرد اللي ممكن يزعلك من الاعضاء؟
اي رد في تجريح لشخصي مش للموضوع بيدايقني جدا حتى لو تلميح بس

ايه الي عاجبك واللي مش عاجبك في المنتدى؟
اللي عاجبني انه اول مره كليتنا يكون ليها منتدى بالقوه دي
اللي مش عاجبني ان الاعضاء الدائمين قليلين جدا مع ان في اعضاء كتييييييييير جدا بيدخلو المنتدى ينزلو المحاضرات و الكتب و مش بيكتبو حتى رد تشجيعي

لو قريت موضوع في المنتدى ومش عجبك, هتقول رأيك وللا تجامل وللا متعلقش وللا تحذف؟
حسب الموضوع نفسه و العضو كمان
لو عضو جديد اكيد هشجعه
لو عضو قديم و كتب موضوع خارج اكيد هيتشال

ايه الموضوع اللي شفته في المنتدى واتمنيت انك تكون اللي كاتبه؟
في مواضيع كتير جدا جميله اعتقد الاختيار صعب

ايه العيب اللي فيك ونفسك تغيره؟
مش بحب ازعل حد ده ميزه و عيب في نفس الوقت و بيسببلي تعب نفسي جامد لاني باجي على نفسي كتيير جدا

مين الشخص اللي أثر فيك؟
والدي ربنا يخليهولي مش قادر اتخيل كنت هكون ازاي من غيره
كل مرحله في حياتي ليه فيها دور اساسي
ربنا يخليهولي هو و ماما

ايه العبارات اللي تحب تسمعها ومش تحب تسمعها؟؟؟
احب اسمع الراي بتاع الناس بصراحه حتى لو هيزعلني
و مش بحب حد يترسم عليا

ثانكس امالجم اسئله لايت كده مش زي ناس

من طرف super_dentist 3/9/2008, 3:46 pm

ايه يا حج تيييفا مافيش سؤال في نفسك

من طرف super_dentist 3/9/2008, 3:56 pm

اسئلة العضوه المبجله نيووووووو

ما هو اكتر سؤال احرجك في حياتك؟؟
مفيش سؤال بيحرجني بس في اساله بتدايقني
لما حد يقلي هو انت يبني ليك لازمه في الدنيا و خصوصا لو واحد مخنوق منه بيبقى يومه مش هيعدي

ما هو اكتر موقف احرجك؟؟؟
موقف تاني غير بتاع العربيه
كنت في امتحان العلي كيميا عضويه و كنت لسه واخد الملح اللي هكشف عنه
جاي افتح الكيس اتقطع مني و الملح كللللللللللللله وقع على البنش هههههههههههه
ما اقلكيش شكلي كان عامل ازاي و انا بلم الملح من على البنش
( لم معايا الملح ده و النبي يا كابتن )

ما هو اكتر موقف محرج حكيته لواحد صاحبك وقلتله ميحكهوش لحد و حكاه؟؟؟
وماذا فعلت به؟؟؟
مواقف كتير بالشكل ده
كنت بعرف الواد ده و ما اتعاملش معاه تاني او ما اقلوش حاجه تاني
على راي المثل ( اعرف صاحبك و علم عليه )

من طرف new teeth 3/9/2008, 4:18 pm

عيزين نعرف موقف او اتنين plllllllllz

من طرف twolights 3/9/2008, 6:51 pm

اسال انا بقى
خد عندك يا سوبر
اول سؤال علل

ليه دخلت اسنان؟؟ يعنى مجموعك ولا كنت ناوياها ؟؟
هتفضل شغل الحكومه ولا الخاص؟؟
ايه رايك ف نظام التعليم ف كليتنا؟؟بتفهم ولا .........؟؟

لونك واكلتك المفضله؟؟
لو توصف نفسك ف 3 كلمات بس تقول ايه؟؟
لو معاك مصباح علاء الدين وطلعلك المارد هتطلب ايه؟؟(حاجه واحده وبس) بلاش طمع

لو حد زعل منك او اتكلم عليك من وراك هتروح تواجهه ولا هتكبر دماغك؟؟

ممكن تخون صحبك؟؟
راضى عن نفسك؟؟بنسبه كام؟؟
وصلت لجزء كام ف القران واحنا ف رمضان؟؟

ايه رايك ف شيبن؟؟راضى انك عايش فيها ولا كان نفسك تعيش ف بلد تانيه؟؟
كان نفسك تكمل حياتك ف السعوديه ولا مبسوط انك رجعت مصر؟؟
ناوى تكمل حياتك ف شبين ولا هتسافر بلد تانيه

نلتقى بعد الفاصل

من طرف amalgam 3/9/2008, 11:28 pm

ثانكس امالجم اسئله لايت كده مش زي ناس

plllllllllz

السؤال اللايت ينفع في اليوم الهيفي
الله يبارك لك اذكرني ساعتها

من طرف super_dentist 4/9/2008, 8:08 am

اسئلة العضوه المبجله تولايتس

ليه دخلت اسنان؟؟ يعنى مجموعك ولا كنت ناويها ؟؟
لا مجموعي كان يجيب اعلى من اسنان بس انا كنت ناويها من اولى ثانوي و الحمد لله دخلتها

هتفضل شغل الحكومه ولا الخاص؟؟
الخاص طبعا

ايه رايك ف نظام التعليم ف كليتنا؟؟بتفهم ولا .........؟؟
و الله في ساعات بفهم كويس جدا و في ساعات و لا ..............

لونك واكلتك المفضله؟؟
لوني المفضل الازرق
اكلتي المفضله لو تيك اواي يبقى كرسبي
لو بيتي يبقى صنية البطاطس و معاها مكرونه باشاميل

لو توصف نفسك ف 3 كلمات بس تقول ايه؟؟
هادئ ... رومانسي ... مثابر ( يعني مش بزهق بسرعه ) لو ممكن اقول حاجه رابعه هقول واثق

لو معاك مصباح علاء الدين وطلعلك المارد هتطلب ايه؟؟(حاجه واحده وبس) بلاش طمع
هطلب ان الحب و السعاده يملو الدنيا كللللللها الحب لله في لله مش حب المصالح

لو حد زعل منك او اتكلم عليك من وراك هتروح تواجهه ولا هتكبر دماغك؟؟
لو هو حد يهمني هواجهه و اعرف هو عمل كده ليه
اما لو حد مايهمنيش اصلا هكبر دماغي

ممكن تخون صحبك؟؟
لا طبعا . مايبقاش اسمي صاحبه

راضى عن نفسك؟؟بنسبه كام؟؟
اه راضي الحمد لله بس عايز اكون احسن
ممكن اقول بنسبة 80 - 85 %

وصلت لجزء كام ف القران واحنا ف رمضان؟؟
خلصت 18 جزء الحمد لله

ايه رايك ف شيبن؟؟راضى انك عايش فيها ولا كان نفسك تعيش ف بلد تانيه؟؟
شبين جميله و هاديه و صغيره كده اه راضي جدا اني اعيش فيها بس كنت اتمنى اني اعيش في اسكندريه رووووووعه

كان نفسك تكمل حياتك ف السعوديه ولا مبسوط انك رجعت مصر؟؟
في حاجه واحده موجوده في مصر مش موجوده في بلد تاني اني حاسس بالامان وسط اهلي و اصحابي
و ده كفايه اوي
علشان كدا لو ربنا سهل و سافرت اكيد هرجع تاني

ناوى تكمل حياتك ف شبين ولا هتسافر بلد تانيه
ناوي اسافر ان شاء الله بس مش للابد احقق بعض اهدافي و ارجع تاني

نلتقى بعد الفاصل
و ماله

من طرف super_dentist 4/9/2008, 8:09 am

عيزين نعرف موقف او اتنين

مش هينفع يا نيووو احنا في رمضااااااااان و مش عايز انم على حد

من طرف super_dentist 4/9/2008, 8:11 am

السؤال اللايت ينفع في اليوم الهيفي
الله يبارك لك اذكرني ساعتها

لما اليوم بيبقى هيفي الواحد مش بيذكر اي حاجه يا امالجم
و دمتم سالمين

من طرف new teeth 4/9/2008, 4:27 pm

خلاص بعد رمضان

من طرف MoonLight 5/9/2008, 2:39 pm

لما ألحق أسأل السوبر قبل ما يقوم smilllly

كل شخص مننا جواه نسبة حزن ياترى نسبة الحزن جوه السوبر كام في المية؟
ايه العيب اللي شوفته في السوبر وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟
ايه العيب او الصفة اللي ماتقدرش تتحملها في اللي قدامك؟؟؟؟؟
3 كلمات لا تغادر لسانك ابدا؟؟؟
ايه هى اصعب لحظاتك؟؟؟

اسئلة لايت خالص اهي lough

من طرف super_dentist 5/9/2008, 5:53 pm

اسئلة العضوه المبجله مون لاااايت

كل شخص مننا جواه نسبة حزن ياترى نسبة الحزن جوه السوبر كام في المية؟
ممكن اقول 30 %

ايه العيب اللي شوفته في السوبر وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟
العيب اللي غيرته اني كنت متقلب المزاج بس بقيت اعرف اتحكم في مزاجي
العيب اللي مش عارف اغيره اني باجي على نفسي كتير و اعتقد اني مش هغيره طول عمري

ايه العيب او الصفة اللي ماتقدرش تتحملها في اللي قدامك؟؟؟؟؟
الخبث مش بحب خاااااااااااالص اي حد يكون خبيث في التعامل بتاعه و ببعد عند فورا

3 كلمات لا تغادر لسانك ابدا؟؟؟
ان شاء الله - هحاول - اوك

ايه هى اصعب لحظاتك؟؟؟
اصعب لحظات بتمر عليا لما يبقى في حد عزيز عليا بيمر بموقف صعب و انا مش قادر اساعده او مفيش في ايدي حاجه اعملها . ممكن اقول الشعور بالعجز هو اصعب شعور عندي

اسئلة لايت خالص اهي
كتر خيرك يا بنتي