كرسي الاعتراف

من طرف الدياصتي 30/8/2008, 8:00 pm

ايه فكره الموضوع ..

فكره الموضوع ان كل فتره هيكون فى ضيف على كرسى الاعترااف .

وباقى الاعضاء كل واحد فيهم يساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى اصحابنا .. وكده مثلا ..

وأى اسئله تانيه ..
وبعد كده يختار عضو يجي يقعد علي الكرسي ..علشان يتسأل ..
ويبعتله رسالة علشان العضو يعرف إن قعد علي الكرسي .

اتمنى الموضوع يكون لذيذ ويعجبكو وتوافقو عليه ...

وعلى فكره الموضوع ده والله بشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيت انه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فى الموضوع ونختار مين هيكون اول عضو معاناا .. على كرسى الاعتراف

من طرف super_dentist 30/8/2008, 8:35 pm

فكره جميله يا دياصتي
اختار انت العضو
و احنا نهريه اسئله

من طرف new teeth 30/8/2008, 9:48 pm

اختار تيفور

من طرف amr_yadak 30/8/2008, 11:06 pm

هههههههههههههههههه
ماشي موافقه على تيفور
وخلوكو جريئين واسئلوا ومتخافوش ومتتكسفوش
هنبدا الاسئله :
shereer

في البدايه تكلمنا شويه عن شخصيتك بتحب ايه وبتكره ايه
لحد ما نكون فكرنالك في شويه اسئله ... ومتخفش هتيجي الاسئله بسرعة جدا

من طرف amalgam 30/8/2008, 11:09 pm

ممكن اسال
وللا نستنى الاجابة؟
مواااافقة طبعا
عندي سؤالين واقفين في زوري الصراحة

من طرف down_2_u 30/8/2008, 11:36 pm

لعبه جميله فعلا انا عرفاها
وانا احب اشترك معاكو
بس ياريت ياجماعه حد يعرف تيفور لانه شكله كده مش عارف

من طرف MoonLight 31/8/2008, 12:44 am

لذيذة اوي اللعبة دي يا جماعة
وفكرتها حلوة

بس يارب تيفور يرد

من طرف super_dentist 31/8/2008, 1:56 am

المفروض ياشباب كل اللي عايز يسال يسال عادي
مش بالدور يعني

انا هسال تيفور مجموعه من الاسئله

انت كنت مسافر و انت صغير و لا لأ ؟ و ايه الفرق اللي شفته بين هنا و هناك ؟؟
دكتور تيفور اللي معانا في الكليه غير دكتور تيفور مع نفسه ؟ صح و لا غلط .و هل في تفسير ؟
مين الشخصيه اللي اثرت فيك اوي و لسه بتاثر فيك ؟
و مين الشخصيه اللي كنت حاططها قدامك هدف انك عايز تبقى زيها ؟
ايه اجمل هدف من اهدافك حققته ؟ و ايه اللي لسه عايز تحققه ؟؟
دكتور تيفور متهاون مع نفسه و لا بيحاسب نفسه و يشد عليها اوي ؟
دكتور تيفور هل هو بئر من الاسرار و الشجن لكن تخفيها بسمته المعتاده ؟
عايز اعرف ايه هي علاقة دكتور تيفور مع الصداقه ؟
و علاقته مع الحب و الرومانسيه ؟

دول شوية اساله كده عالماشي
لسه التقيل جاي يا كبييييييييير
فضفض فضفض ماحدش واخد منها حاجه

من طرف amalgam 31/8/2008, 2:07 am

ده استجواب

انا عندي سؤالين دلوقتي
1-كنت فين وانت صغير بالتحديد
عشان انا كنت هناك
يعني اي منطقة من البلد؟

2-ليه مش بتشارك معانا في المكتبة الطبية؟

مع خالص احترامي

من طرف tifour 31/8/2008, 4:06 am

ابتديتو بكبيير القعده

ماشيي ........مانتوا عارفني
و ماله

انا مدي لعمرو اسماء مواقع عشان ينزل منها كتب لأن انا ما بعرفش.
انا كنت في الكويت ( السالميه) لحد العدوان سنة 90 و جيت على 1 اعدادي مدرسة سعيد العريان .
و انا مالحقتش اشوف حاجه هناك لأن هناك كانت حياه مغلقه انما هنا ههههه مفتوحه لحد الركب يووووووه شفت كتير و اتعلمت كتيييييير.

تقولي بتكره ايه موت اقولك الغش و عدم انتظام المواعيد
انا رايي ان الشخصيه الناجحه تلتزم بمواعيدها
اكتر حاجه بحبها اني اسوق العربيه....و لوحدي اسمع اغنية وحدي انا و الكاس..ههههه

افضل اسوق وافكر..لما افرح اسوق ..اضايق اسوق..اعيط اسوق....لغاية ساعات لما اوصل مصر او دمنهور ....ساعات المنصوره ....و الف و ارجع تاني.

مين الشخصيه اللي اثرت فيك اوي و لسه بتاثر فيك ؟
ابن خال مرات اخويا و دبور صاحبي في الجيش... ربوني و علموني حاجات كتير اوي اهلي ما علموهاش ليه.
و مين الشخصيه اللي كنت حاططها قدامك هدف انك عايز تبقى زيها ؟
انا من اعداء وضع شخصيه قدامك.. لأنك عمرك ما تلاقي حد كامل...لازم تاخد الحلو بتاع كل شخصيه و تسيب الوحش و بكده تبقى انت احلى الحلوين.

ايه اجمل هدف من اهدافك حققته ؟ و ايه اللي لسه عايز تحققه ؟؟
ان ملاقي الناس بتحبني دي عندي بالدنيا وانا لسه بدور على المجد العلمي

دكتور تيفور متهاون مع نفسه و لا بيحاسب نفسه و يشد عليها اوي ؟
ابدا و حياتك راجل مسخره.........بس محترم

دكتور تيفور هل هو بئر من الاسرار و الشجن لكن تخفيها بسمته المعتاده ؟
اي نععععععععععععععععععععععععععم
عايز اعرف ايه هي علاقة دكتور تيفور مع الصداقه ؟
ما ليش اصدقاء طول عمري...
كلها من وجهة نظري معرفه تخدم طرف واحد ......اللي هو الطرف الاخر طبعا

و علاقته مع الحب و الرومانسيه ؟
و ان خلص الفول انا مش مسئول

دكتور تيفور اللي معانا في الكليه غير دكتور تيفور مع نفسه ؟ صح و لا غلط .و هل في تفسير ؟
اه طبعا...بس التفسيير صعب..هاقولك شغلي مش هاتصدق
هاقولك انا حبي لما الاقي الناس مبسوطه.. وطالما انت مبسوط انا ببقى مبسوط

من طرف الدياصتي 31/8/2008, 10:31 am

بتحب مين من المطربين ..المطربات.. الممثلين و الممثلات... الاكلات المفضله... بتصلي التهجد في رمضان؟؟؟ انت كنت حابب مهنة الاسنان و لا جيت غلط؟؟
و كنت حابب تبقى ايه

من طرف amalgam 31/8/2008, 11:04 am

والله ماقصرت يا كابير
كنت اقصد تشاركنا برايك حتى في المواضيع اللي بنزلها
عشان نعرف الكويس من الوحش

على فكره انا كنت في (حولّي)
ودلوقتي البلد فتحت برده ع الاخر
يعني كنا جيران برده زي هنا
وطبعا لي الشرف
بس غريبة مشفتكش هناك؟

سؤال كمان
تتمنى ترجع الكويت دلوقتي تاني بعد ما فتحت؟

من طرف new teeth 31/8/2008, 11:26 am

ما هو شعورك اول مرة نزلتو فيها مصر؟؟؟؟

من طرف tifour 31/8/2008, 3:49 pm

ما هو شعورك اول مرة نزلتو فيها مصر؟؟؟؟

يا اختي انا كنت بنزل اجازات و بركب الحنطور و باكل دره مشوي
انا مصري و ابووويا مصري

تتمنى ترجع الكويت دلوقتي تاني بعد ما فتحت؟
عادي بس انا عايز ازور دبي او اعيش ف المدينه المنوره.

بتحب مين من المطربين .....جورج وسوف( عشقي الاول و الاخير)
..المطربات.. ( ما حدش بعينه)
الممثلين( محمود عبد العزيز) راجل جد و مسخره ف نفس الوقت
و الممثلات...( مي عز الدين. منه فضالي.. ووبقية المزز شيكابالا و عمرو انكا و الكومبارس سنيه شوتات
الاكلات المفضله. بتحبني هاتلي بطاطس و طبعا الملوخيه..
بتصلي التهجد في رمضان؟؟؟ كنت باصلي 6-8 ايام بس انا ناوي السنة دي ف الجازه اخلصهم كلهم
انت كنت حابب مهنة الاسنان و لا جيت غلط؟؟ ما فيش حاجه اسمها جيت غلط دا قدرك و خطواتك مرسومه و انا ربنا جاعلني سبب في رفاهية حياتكم الجامعيه...يبقى ليه غلط
و كنت حابب تبقى ايه؟؟؟

انا لسه نفسي و منى عيني برغم صعوبتها لوقتي اكون سفير او ملحق ديبلوماسي

باااشااا يعني انا حاسس نفسي كده.

اي اسئله تاني يلا
عايز اختار حد غيري

من طرف twolights 31/8/2008, 5:04 pm

انا دييييييييييييييييييييييت
اولا ثانكس يا دياصتى ع اللعبه الجامده دى
وهثبتها ان شاء الله

ثانيا اسال تيفا بقى

هو سؤال واحد وصغنن خالث خالث

ايه سر الحزن اللى ف حضرتك ده؟؟
انا متاكده ان حضرتك مجروح جدا جدا من جوا
والجرح ده خلاك مش ليك اصدقاء مقربين
ممكن اعرف ليه؟؟ انا عارفه انه سؤال شخصى جدا بس لو حضرتك مش عاوز تجاوب براحتك
ده حق حضرتك طبعا ومش هزعل

من طرف tifour 31/8/2008, 6:18 pm

انا كنت عايز اقلب بسرعه قبل ما تيجي لاني عارف انك بتنخوري في الحاجات دي و تموتي و تحبي جدا احراج اللي قدامك

بس دا بعدك
ان مجروح ...عادي .....ناس كتير كده
بس مش اصحاب اللي جارحاني
انا ما ليش اصدقاء انتيم لان كل اللي عرفتهم بما فيهم الانتيم بتاعي لو جت مصلحته قدام مصلحتك......هايبيعك طوالي فعشان كده انا باصاحب كل الناس بس مش لاقي الصديق

و انا مش كدا
تاني حاجه اني كلامي عن الصديق و الحبيب اتاكد اهه في القصيده بتاعت دياصتي (الله يخرب بيته)

و انا مش حزين اوي كده و تاني مره هاسألك ...
عمرك شفتيني باعيط او مطاطي راسي للارض؟؟؟؟؟؟؟

ابدا ....لأن ما فيش حاجه تستاهل
دا اللي الحياه علمتهولي

ماشي يا ام لسان و نص.هههههههههههههه

من طرف MoonLight 31/8/2008, 8:13 pm

يااااااه
انت بجد يا تيفور طلعت شخصية جميلة جدا
وبتعلم منك حاجات كتير
فعلا مفيش حاجة تستاهل الحزن ده كله

مع خالص احترامي

من طرف amr_yadak 31/8/2008, 9:05 pm

يلا اختارو حد تاني

من طرف super_dentist 31/8/2008, 10:50 pm

حد تاني ايه
احنا لسه ماخلصناش

مجموعه جديده يا دكتور

ايه الموقف اللي حصل في حياتك و زعلت عليه جدا و مش بتحب تفتكره ؟
و ايه الموقف اللي تتمنى انه يرجع تاني و تعيشه بكل تفاصيله ؟
و ايه اكتر موقف محرج اتتعرضتله في حياتك ؟
هل في شخصيه اتعرفت عليها و ندمت بعد كده انك عرفتها ؟

دكتور تيفور من الناحيه الدينيه ؟ اتكلم معانا شويه عن حضرتك من الناحيه الدينيه ؟
هل عملت عمره او حج قبل كده ؟
لو لاقيت الفانوس بتاع علاء الدين و طلعلك المارد و سالك على طلب وحيد في حياتك عايزه يتحقق هيكون ايه هو الطلب ده ؟
مين اغلى شخص عندك في حياتك ؟
مين اقرب عضو ليك من المنتدى هنا بصراحه و ماحدش هيزعل ؟
حاجه حصلت معاك و انت لسه صغير و اثرت فيك اوي ؟ ايه هي ؟
لو اتمنيت انك تكون في زمن تاني كنت هتكون في اي زمن بظبط الماضي و لا المستقبل ؟
و ليه ؟
و ايه البلد اللي بتتمنى انك تروحها ؟

دول شويه عالماشي بردو
لسه في اتقل يا كبييييييييييير

من طرف amr_yadak 31/8/2008, 11:51 pm

ياجماعه ارحموا الراجل شويه
انتم ما صدقتوا ولا ايه ..... خلاص تيفور بعد ما يجاوب على الاسئله يبقى هو اللي ختار العضو اللي نساله
وهيكون النظام كده على طول
اللي يتسال بعد ما يخلص اجابات على الاسئله يختار العضو اللي يتحط مكانه ويكون هو المسئول عن ارسال رساله ليه يقوله انه بقى على كرسي الاعتراف
اظن كده ميه ميه tmam

من طرف amr_yadak 1/9/2008, 12:10 am

معلش يا دياصتي احنا هنطر ننقل الموضوع دا مؤقتا لخيمة النور الرمضانيه
لاننا قررنا نقفل القسم الترفيهي في رمضان وان شاء الله هنعيد افتتاحه في العيد
بعد ما نكون عملنا عليه تعديلات مهمه

من طرف tifour 1/9/2008, 2:43 am

ايه الموقف اللي حصل في حياتك و زعلت عليه جدا و مش بتحب تفتكره ؟
ارتباطي الاول و دام 6 سنين بتوع الكليه و انتهى نهايه مأساويه
وبسببه ما عشتش حياتي السابقه و اتلضم ف الجيش اللي رجرشني وظبطني

و ايه الموقف اللي تتمنى انه يرجع تاني و تعيشه بكل تفاصيله ؟
العيشه العزابي. طبعا الجواز حلو ...بس في اول الحياه كل ما تتطور في عملك هاتكبر في عين البنيه مكسورة الجناح( امنا الغولا) بس ما تخليش الوقت يسرقك.
و ايه اكتر موقف محرج اتتعرضتله في حياتك ؟
و انا راكب عربية الزباله عشان اروح من الجيش
بعدها ما بقاش في احراج
اه نسيت اقول انه كمان كان بنطلوني مقطوع من حته وحشه اوي و كنت ماشي الناس بتألس عليا
هل في شخصيه اتعرفت عليها و ندمت بعد كده انك عرفتها ؟
كتيييير بس ما بقيتش اقف قدام الكلام ده ...ياما بتقابل ناس واطيه

دكتور تيفور من الناحيه الدينيه ؟ اتكلم معانا شويه عن حضرتك من الناحيه الدينيه ؟
انا كنت باخش مسابقات القران لغاية 2 اعدادي في الكويت و حفظت 6 اجزاء
بس البلد دي حولت مساري بعيد عن السكه دي للاسف جدا.

هل عملت عمره او حج قبل كده ؟ و انا عندي سنتين

لو لاقيت الفانوس بتاع علاء الدين و طلعلك المارد و سالك على طلب وحيد في حياتك عايزه يتحقق هيكون ايه هو الطلب ده ؟
يحبب فيه خلقه( دعوة اميييي)
مين اغلى شخص عندك في حياتك ؟

اميي ثم امييي
مين اقرب عضو ليك من المنتدى هنا بصراحه و ماحدش هيزعل ؟
احنا اتفقنا يا مريسه ان انا بعامل كله واحد ولاد و بنات فانا بحبكم في الله كاخواتي الصغيرينبس انا بحب العيال الاشقيا اللي فيكم و هم و هن عارفين نفسهم.

لو اتمنيت انك تكون في زمن تاني كنت هتكون في اي زمن بظبط الماضي و لا المستقبل ؟
و ليه ؟
لأ الرضا بالحال ده جميل فالزمن مش مشكله اوي لأن اينشتين جه ف زمن و زويل جه في زمن بس المهم ان انت تسيب بصمه في زمنك تعلم بيها الزمن اللي انت بتقول عليه

و ايه البلد اللي بتتمنى انك تروحها ؟

دبي الاول عشان اصيع شويه و اكسب فلوس و اعمل معاصي و بعدين المدينه المنوره عشان اتوب

من طرف tifour 1/9/2008, 2:45 am

حد عايز حاجه تانيييي؟؟؟؟؟؟ اخلصو عشان انتو زودتوها

من طرف amalgam 1/9/2008, 9:35 am

والله كلامك جميل يا تيفور
وفيه حكم ودروس مفيدة
شكرا ليك

أنا بقول كفايا عليك كده
اتهريت أسئلة
بس اعذرنا من تقدريرنا واحترامنا ليك

اختار واحد بقى يقعد مكانك
يكون هراك اسئلة ونفسك تنتقم
اللهم اني صائم

من طرف amr_yadak 1/9/2008, 9:57 am

منا قلت لك
اختار انت العضو اللي يتحط مكانك

كرسي الاعتراف

كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف

رد: كرسي الاعتراف