رد: كرسي الاعتراف

من طرف new teeth 6/10/2008, 12:55 pm

ليه كله مستغرب؟؟

من طرف new teeth 6/10/2008, 1:58 pm

احتمال تشفوني قريب بس مش دكتورة

وعيزة احتفال كبير تحكي بي الكلية كلها

ممكن اجي على هيئت بيشنت

يلا يا جماعة مش عيزين تسالو ولا ايه؟؟؟

من طرف amr_yadak 6/10/2008, 2:47 pm

طيب اسال انا بقى شويه كده على السريع ....
طيب انتي في كليه ايه ؟؟
وعرفتي طريق المنتدى هنا ازاي ؟؟؟
ومين من اعضاء المنتدى صاحبك على الحقيقه ؟؟

طيب ايه اكتر حاجة مش بتحبيها في اصحابك ؟؟
هل كنتي تتمني انك تكوني في كليه غير كليتك ؟؟؟
لو اه ... كنتي تتمني تكوني في كليه ايه ؟؟
ايه مشروعاتك بعد التخرج ؟؟

نلتقي بعد الفاصل ...

من طرف new teeth 6/10/2008, 3:49 pm

هقولك حاجة

عيزين تعرفوني دلوقتي ولا اخليها مفاجئة؟؟

من طرف super_dentist 6/10/2008, 5:25 pm

الاسئله بتاعتي

ايه العيب اللي انتي شايفاه فيكي و قدرتي تغيريه ؟
و ايه العيب اللي مقدرتيش تغيريه ؟
ايه اكتر سنه دراسيه كنتي متفوقه فيها ؟
ايه اكتر مرحله حبيتيها اكتر ابتدائي و لا اعدادي و لا ثانوي و لا كليه ؟
ايه الموقف اللي نفسك تنسيه و مش عارفه ؟
ايه هي الحياه بالنسبالك ؟
عامله خطه للمستقبل و لا سايباها كده ؟
ايه هو هدفك العلمي ؟

كفايه كده دلوقتي

من طرف amalgam 6/10/2008, 5:58 pm

يا خبر ابياااااااااااااااااض
نيو مرة واحدة اللي قاعدة
تعالي لحمو يا حبييييييييبي
دحنا هنريحووووووووووووووكي

طبعا عاوزين نعرف

كده مش خليتولي حاجة اسالها؟؟؟؟؟؟

بس ولو هسأل اسئلة لايت متخافيش

ايه اللي عاجبك واللي مش عاجبك في المنتدى؟
ايه اكتر قسم بتحبيه وتشاركي فيه؟
وايه اكتر قسم بيفيدك؟
لابسة نضارة؟
ايه لونك المفضل؟
وايه اهم صفة في شخصيتك؟
ايه الفرق بين نيو في المنتدى ونيو الحقيقية؟
اكتبي اسم كل عضووو

& عضو مفقود... ( )

& عضو تفرحي بوجوده .. ( )

& عضو واثق من نفسه ... ( )

& عضو داخل مزاجك ... ( )

& عضو نفسك يغير اسمه ... ( )

& عضــو يجذبـك بأسلوبه وطريقـة ردوده ... ( )

& عضـو أحيانا ينرفزك بـ ردوده ...( )

يللا جاوبي.....

من طرف new teeth 6/10/2008, 9:09 pm

ابدا بأسئلة عمرو الاول

مع اني كنت عيزاها مفجاه

خلاص بقى

طيب اسال انا بقى شويه كده على السريع ....

اتفضل

طيب انتي في كليه ايه ؟؟

انا مش في كلية
انا في الثانوية

وعرفتي طريق المنتدى هنا ازاي ؟؟؟

اختي جرجرتني

ومين من اعضاء المنتدى صاحبك على الحقيقه ؟؟

لالا
بس هيه مش صحبتي اوي هية صحبة اختي

طيب ايه اكتر حاجة مش بتحبيها في اصحابك ؟؟
انهم يكونوا مخبيين عني حاجة ممكن اغيرها في شخصيتي

هل كنتي تتمني انك تكوني في كليه غير كليتك ؟؟؟

انا لسة مدخلتش الكلية

لو اه ... كنتي تتمني تكوني في كليه ايه ؟؟
انا دلوقتي نفسي ادخل هندسة او اسنان

ايه مشروعاتك بعد التخرج ؟؟
ربنا يسهل

نلتقي بعد الفاصل
يلا خلاص اتفضل بعد الفاصل

من طرف new teeth 6/10/2008, 9:18 pm

اسئلة الأستاز سوبر

ايه العيب اللي انتي شايفاه فيكي و قدرتي تغيريه ؟

العصبية
قدرت اتحكم فيها شوية

و ايه العيب اللي مقدرتيش تغيريه ؟
اني بكتم في نفسي

ايه اكتر سنه دراسيه كنتي متفوقه فيها ؟

سنة ستة ابتدائي

ايه اكتر مرحله حبيتيها اكتر ابتدائي و لا اعدادي و لا ثانوي و لا كليه ؟

تانية وتالتة اعدادي

ايه الموقف اللي نفسك تنسيه و مش عارفه ؟
مش هقدر اقوله

ايه هي الحياه بالنسبالك ؟
صحبة نفسي اتخلص منها ومن غدرها

عامله خطه للمستقبل و لا سايباها كده ؟
سيباها على الله

ايه هو هدفك العلمي ؟
اني اعمل حاجة تفيد بلدي

كفايه كده دلوقتي

وكفاية كدة ليه؟؟؟
كمل يا اخويا

من طرف new teeth 6/10/2008, 9:34 pm

اسئلة حبيبة قلبي املجم

يا خبر ابياااااااااااااااااض
نيو مرة واحدة اللي قاعدة

ايوة نيو هو انا حاجة صغيرة في البلد دي

تعالي لحمو يا حبييييييييبي
انا جية اهو

دحنا هنريحووووووووووووووكي
بلاش الراحة بتعتكوا

طبعا عاوزين نعرف

كده مش خليتولي حاجة اسالها؟؟؟؟؟؟
ليه انتو كدة معدش في اسالة يعني؟؟؟

بس ولو هسأل اسئلة لايت متخافيش
مش هخاف

ايه اللي عاجبك واللي مش عاجبك في المنتدى؟
اللي عاجبني ان انتو عملين زي الأسرة بالظبط وكلكوا عرفين بعضكوا
واللي مش عاجبني ان اللي بيكتب موضوع مش بتردولوا في ناس بيقراو ويمشوا

ايه اكتر قسم بتحبيه وتشاركي فيه؟
المجموعة الادبية

وايه اكتر قسم بيفيدك؟
القسم الديني

لابسة نضارة؟
لا والله بس احتمال البسها قريب

ايه لونك المفضل؟
اللون السماوي او البحر الصافي

وايه اهم صفة في شخصيتك؟
الهدوء برة البيت او مع الناس اللي مش عرفاهم

ايه الفرق بين نيو في المنتدى ونيو الحقيقية؟
مفيش فرق انا في الاتنين واحد
يعني دي شخصيتي الحقيقية

اكتبي اسم كل عضووو

& عضو مفقود... (بطوطة )
بس اكيد لاسباب شخصية
& عضو تفرحي بوجوده .. (كلكوا والله )
مش نفاق
& عضو واثق من نفسه ... (مش عرفة )

& عضو داخل مزاجك ... ( مون لايت)

& عضو نفسك يغير اسمه ... ( تيفور )
علشان مش عارفة معناه(بس عرفة الاسم الحقيقي)

& عضــو يجذبـك بأسلوبه وطريقـة ردوده ... ( مستر)

& عضـو أحيانا ينرفزك بـ ردوده ...( الدياصتي)

يللا جاوبي.....
خلاص جوبت اهو اي خدمة

يلا كملو اسئلة مهي خلاص

بس قولو ايه شعوركوا بعد معرفتو الحقيقة
امانة

من طرف twolights 6/10/2008, 9:48 pm

الشعور مش اتغير يا نيو
قبل وبعد الحقيقه انتى اختنا وزميلتنا
وزى ما انتى قولتى احنا اسره مع بعضنا

rose

من طرف amalgam 6/10/2008, 10:10 pm

كنت متخيلاكي ايييييييييييييه؟؟؟

تيته
عندها 89 سنة

بس انت قلتي انك في ثانوي في توبيك اكتشف مهنتك

فعلا بطوطة عضو مفتقدينه
وياريت نعرف أسبابها عشان نطمن

من طرف new teeth 6/10/2008, 10:14 pm

ماشي يا ام تيتا

لا عادي بترجع تعبانة من الكلية ومش بتعرف تقعد

من طرف الدياصتي 7/10/2008, 1:04 am

انا اسال

ازاي انتي عصبيه وهاديه ف نفس الوقت

انتي بتحبي تتفرجي على الكوره

انتي متنرفزه مني ليه .....دا انا بهزر كده مع الناس كلها

بتحبي تاكلي ايه

لو عزمناكي على حفله ف الكليه هاتيجي؟؟لاني بحب اكلم الناس اللي انا شفتهم على الحقيقه

عندك اخوات صبيان؟؟

من طرف new teeth 7/10/2008, 3:47 pm

انا اسال
اتفضل يا استاز دياصتي

ازاي انتي عصبيه وهاديه ف نفس الوقت
خلقة ربنا
يعني بتنرفز مع الناس اللي انا عرفاهم ووخدة عليم
وهدية مع الباقي

انتي بتحبي تتفرجي على الكوره
يعني مش قوي
انا مع الفريق اللي يكسب
وميلة للاهلي اكتر

انتي متنرفزه مني ليه .....دا انا بهزر كده مع الناس كلها
لا عادي جر شكل

بتحبي تاكلي ايه
البطاطس بجميع الانواع

لو عزمناكي على حفله ف الكليه هاتيجي؟؟لاني بحب اكلم الناس اللي انا شفتهم على الحقيقه
اه طبعا هحاول

عندك اخوات صبيان؟؟
عندي اخ واحد

اي خدمة؟؟

من طرف new teeth 9/10/2008, 3:07 pm

اي حد عنده اي اسالة قبل ما اقوم؟؟؟

من طرف الدياصتي 10/10/2008, 12:02 am

لأ قومي قبل ما نلمعك

و نجيبلك ريا و سكيينه يروقوكي

من طرف twolights 10/10/2008, 8:17 am

الف شكر يا نيو

قومى بقى وياريت تقعدى الدياصتى
مش بيقولوا طباخ السم لازم يدوقه

من طرف new teeth 10/10/2008, 4:45 pm

بتقراي افكاري

يلا يا د_دياصتي

عيزاكو تظبطوه وتروقوه

اي خدمة

من طرف twolights 10/10/2008, 9:47 pm

دياصتى باااااشا

ممكن تقولنا انت ف الفرقه الكام؟
ايه رايك ف اسنان؟
ايه رايك ف المنتدى واعضائه؟
تعرف مين من الاعضاء على الحقيقه؟
نفسك تتعرف على مين تانى من الاعضاء؟
ايه اكتر ميزه وعيب ف شخصيتك؟
مغرور؟
لو قولتلك تتمنى ايه ف حياتك تقولى ايه؟(حاجه واحده بس)
اوصف الدياصتى ف 3 كلمات بس
الدياصتى وعلاقته ربنا....بنسبه كام
ايه اهم هدف ف حياتك؟
ايه الحاجه اللى عملتها وندمت عليها؟
راضى عن نفسك؟بنسبه كام؟
ايه الفرق بين الدياصتى ف المنتدى والدياصتى ع الحقيقه
مين قدوتك ف حياتك؟
ايه اكلتك ولونك المفضل؟
مين اقرب عضو ليك هنا؟

نلتقى بعد الفاصل

من طرف الدياصتي 10/10/2008, 10:00 pm

ممكن تقولنا انت ف الفرقه الكام؟

مربوط عالدرجه التالته و الناس درجات
ايه رايك ف اسنان؟

احلى كليه و احلى مهنه
ايه رايك ف المنتدى واعضائه؟

اخوات و اصحاب حلوين اوي
بس يا ريت يسألوا على بعض
تعرف مين من الاعضاء على الحقيقه؟

سوبر عمرو لووكي و دوبي و ماستر و داون و احك و حنان و د تيفور و انتي يا تولايتس
نفسك تتعرف على مين تانى من الاعضاء؟

الباقي كله
ايه اكتر ميزه وعيب ف شخصيتك؟
الفكاهه

مغرور؟

اه جدا
لو قولتلك تتمنى ايه ف حياتك تقولى ايه؟(حاجه واحده بس)

التفوق
اوصف الدياصتى ف 3 كلمات بس

مش شايل هم للدنيا
الدياصتى وعلاقته ربنا....بنسبه كام

حلوة الحمد لله
ايه اهم هدف ف حياتك؟

التفوق

ايه الحاجه اللى عملتها وندمت عليها؟

اني سميت نفسي الدياصتي

راضى عن نفسك؟بنسبه كام؟

اوي جدا خالص و الحمد لله

من طرف twolights 10/10/2008, 10:16 pm

و انتي يا تولايتس

بجد؟؟

من طرف الدياصتي 10/10/2008, 10:20 pm

مش قرينتي؟؟

من طرف الدياصتي 10/10/2008, 10:20 pm

و توأميي

من طرف twolights 10/10/2008, 10:22 pm

من طرف super_dentist 10/10/2008, 11:01 pm

الدياصتي
حبيبي من ايام الجيزه و المهندسين و العاشر من اكتوبر

شوية اسئله طازه

مين اغلى شخص في حياتك ؟
ايه العيب اللي فيك و قدرت تغيره ؟
و ايه اللي لسه مش قادر ؟
الاولويه عندك لإيه الصديق و لا الحبيب ؟
عايز اعرف 3 اهداف انت بتتمنى توصلها بجانب التفوق ؟
ليك شخصيه واحده بتتعامل بيها مع الكل و لا متعدد الشخصيات ؟
هادي و لا بتتعصب بسرعه ؟
من النوع اللي بيكبر دماغه و لا اللي مش بيسيب حقه ؟
ايه رايك في نظام الكليه ؟
الدياصتي حبوووب جدا و لذيذ مع اصحابه بس و لا على طوووووول ؟
ايه اللي بتتمناه من ربنا ؟

كفايه عليك كده