لقاؤنا مع د حسين يحيى 2008

من طرف amr_yadak 20/3/2008, 5:26 pm

*** استكمالا لمابدأناه منذ عامين من اهتمام من قبل ادارة اسرة النور بمشاكل
الطلاب ,كان لنا هذا اللقاء الممتع مع استاذنا العزيز د.حسين يحيى رائد الاسرة
ورئيس قسم العلاج التحفظى قبل الامتحانات ال20% من العام الجارى...

*حضرتك عودتنا على
الصراحة فى التعبير عن مشاكلنا وكمان حضرتك زى ما عودتنا السنه اللى فاتت وفيت
معانا......

*مش عاوزين نطول
وهنبدأ على طول فى الكلام من مشاكل الطلاب اللى كانت اتحلت السنه اللى فاتت لكن
للاسف اتنست السنه دى وكل اللى عاوزينه من حضرتك بس تنبه على المعيدين انهم
ينفذوها.........

- ايه هى؟

* اولا:-المعيدين
بيطلبوا من الطلبه أسنان قبل الشرح وكنا اتفقنا مع حضرتك انهم يدخلوا بأسنان الشرح
معاهم...

- خلاص هنبه
عليهم يدخلوا بأسنان معاهم ..وبالفعل تم
التنبيه على الساده المعيدين أثناء الحوار.

* وقت المعامل
والعياده صغير جدا ومبيكفيش للشغل والشرح...

- فعلا المشكله دى زادت بعد اجازة
يوم السبت وعلى العموم انا هنبه فى المعامل ان المعامل تفضل مفتوحه لحد الساعه
5:30 بس مش عاوز حد يسيب محاضرة ويجى يشتغل فى المعمل كمان يوم الخميس اول ما
المعامل والعياده تفضى من السكاشن هتفضل مفتوحه لحد 5:30 طالما فيها طلبه بتشتغل
والعياده والمعامل هتفضل مفتوحه طول اجازه نصف السنه.

* عدد المعيدين
قليل جدا فى الشرح بالنسبه لعدد الطلاب.......

- انا هحاول اوفر
اكبر عدد من المعيدين فى السكاشن بس انا حاولت اجيب كاميرات عرض فى المعامل ولسه
مجتش.

* طيب ما احنا
ممكن يادكتور نصور الdemonstration مع معيد ونوفرها على
اسطوانات للطلبه.....

- معنديش مانع
....وبالفعل قام د.حسين بالاتفاق مع احد المعيدين ليقوم معنا بتصوير الdemonstration وستقوم الاسرة بالتصوير حين توفر الامكانيات ثم
ستقوم بعرضها على الطلاب.

دا غير برده انكم
بتعملوا عروض جميله على شاشه الكليه.

* حضرتك مش شايف
ان الrequirment كثيرة.....

- لا مش كثيرة,هى
معقوله لكن اهم حاجه مش انك تجيب اكثر عدد من الشارتات,المهم انك تشتغل فعلا ودا
بيبان فى الامتحان العملى اخر السنه.

* عدد الوحدات
قليل جدا بالنسبه لعدد الطلاب ومعظم الوحدات عليها 3 طلاب.......

- انا معاكم فى
كده بس ان شاء الله هحاول تشغيل العياده فى الدور الارضى لصالح القسم بالتعاون مع
الاقسام الاخرى.

* احيانا بيبقى فى
اختلاف كبير بين اراء المعيدين.......

- اول ماتحتاجوا
حاجه تعالوا واسألونا دا حقكم علينا وانا عمرى ما اتأخرت على طالب فى الشرح.

* اللايت فى
المعامل وكمان العيادات فى بعض الوحدات بيبقى فيها عطل.....

- ما هو انتم شفتم
..طلبتم السنه اللى فاتت اننا نركب النور اللى عندنا وركبناه وبرده باظ...لان فيه
طلبه مهمله .. لكن احنا عوضنا الاضاءة بانارة السقف…..وقام الدكتور حسين بالتنبيه على أمناء المعمل بالمحافظه على تشغيل نور
السقف طول فترة العمل.... أما العياده فلو فى اى مشكله فى وحده روحوا على طول
للفنى....ثم قام د.حسين بالتنبيه على
الفنيين بالاستجابه لطلبات الطلاب فى حالة عطل الوحده.

* الطلبه كلها
بتسأل نذاكر منين ومفيش كتاب للقسم......

- ما أنا اتفقت
معاكم كل محاضرة هديكم الdata بتاعتها علشان متكتبوش
فى المحاضرة وتذاكروا منها ودا هيبى أحسن
من الكتاب.

* بالنسبه للx-ray الجهاز بيعطل كثير......

- خلاص ان شاء
الله هنعمل لجنه لفحص الأجهزة وتصليحها فى أقرب وقت ممكن.

* طيب وتقديرات السنه
دى هتكون زى السنه اللى فاتت ......

- يا ولاد أنا
وعدتكم ان التقديرات هتعلى , السنه اللى فاتت ناس كثيرة كانت واخده أكثر من 98% فى
الورقه والنسبه كانت عاليه جدا والسنه دى ان شاء الله هتكون أحسن من السنه اللى
فاتت بس انتوا ذاكروا واطمئنوا ان شاء الله.

* بصراحه السنه
اللى فاتت أنا كانت معايا مشاكل كثير من القسم لكن السنه دى المشاكل الحمد لله قلت
جدا بس كانت فى حاجات محتاجه اعادة تنبيه وحضرتك قمت بالواجب وزياده....شكرا جزيلا
لحضرتك على طول بالك معانا ....

- على أى حال ده
حقكم علينا وانتم أولادنا.

من طرف amalgam 20/3/2008, 10:18 pm

اسمحولي اقول رايي مع اني اتخرجت الحمدلله خلاص
بجد ربنا يخلي د/حسين
مفيش حد بيهتم بالطلبة وبيسمعهم ويساعدهم كده
والله القسم والكلية من غيره ولا تسوى
انا بعتبره مثلي الاعلى ونفسي اكون زيه او في ربع خبرته
وهو اللي كان مهون علينا بجد
وبيعاملنا وبيخاف علينا زي ولاده
ربنا يجازيه خير عننا ويطول عمره
قولو ااااااااااامين

من طرف twolights 21/3/2008, 4:55 am

ااااااااااااااااامين
والله د.حسين زى العسل ....وفعلا اكترد.بيحس بمشاكل الطلبه وبيحاول يحلها
بس حكايه طلب المعيدين للسنان دى لسه موجوده لحد دلوقتى
انا بتهيئلى ان السنه خلصت خلاص
ومش فاضل اد اللى راح

من طرف nona 10/4/2008, 5:10 pm

دكتور حسين مش دكتورى وبس
ده بجد بعتبره أب ليا
مثل أعلى فى العلم والأخلاق والذوق وكل حاجة
بجد ربنا يحميه ويخليهولنا لأنا من أحسن الدكاترة فى الكلية
ده لو مكنش أحسن واحد فيهم كلهم

من طرف super_dentist 11/4/2008, 1:43 am

فعلا الدكتور حسين اكتر واحد متفهم لمشاكلنا و بيحاول يساعدنا

من طرف ملكه السيوف 14/4/2008, 2:38 am

د\ حسين بجد دكتورمثالي واب لينا كلنا في الكلية قبل ما يكون دكتور جامعة علينا مهما اقول مش هقدر اوصف صفاتة الجميلة الطيبة ربنا يكرمة و يبارك لة في صحتة Wink

:) :bounce: :pale: :bball: :D

لقاؤنا مع د حسين يحيى 2008

لقاؤنا مع د حسين يحيى 2008

رد: لقاؤنا مع د حسين يحيى 2008

رد: لقاؤنا مع د حسين يحيى 2008

رد: لقاؤنا مع د حسين يحيى 2008

رد: لقاؤنا مع د حسين يحيى 2008

رد: لقاؤنا مع د حسين يحيى 2008