رد: عوده احمد ونور من جديد

من طرف super_dentist 12/4/2008, 12:20 am

معاكي حق

بس الصوره الجديده بتاعتك جااااااااااااااامده

ههههههههههههههههههههه

ده اكيد احمد ابن الحد هريدي

من طرف الدنيا حلوه 12/4/2008, 12:25 am

هههههههههههههههههههههه اه عن قريب هنزل صور الفرح بتاعت احمد ونور وام احمد بن عم هريدي

من طرف القابض على سيفه 12/4/2008, 7:15 pm

امتى المسلسل العربى دة يخلص بقى

من طرف amalgam 12/4/2008, 8:15 pm

ياترى هيعمل ايه؟
مستنيين على نار
متتأخريش علينا
وبلاش الاعلانات الكتير دي بقى
الحلقة دامدة ددا

من طرف super_dentist 13/4/2008, 2:15 am

دامده ددا ددا ددا يا امالدم

ههههههههههههههههههه

من طرف الدنيا حلوه 13/4/2008, 10:19 pm

الحلقــه الأخيـــره

وقفنا المرة الى فاتت ساعه مااحمد كان بيكلم نور وبيقولها

انو لما يرجع من البلد وسكتتتتتتتتتتتتتتتتتتتتتتتتت

ياتري هيقول ايه دا الى هنعرفوا مع بعض خلال حلقتنا النهارده

احمد : عايز اقولك علي حاجة

نور : قول

احمد : انا ان شاء الله لما ارجع من البلد (وسكت )

نور : ها يابني

احمد : هغير الشقه دي واخد شقه تانيه

نور : اشمعنا يعني

احمد : لسببين بصراحة !!

نور : الى هما ايه يعني

احمد : السبب الاول يا ستي الست صاحبة البيت مش مظبوطه كدا

نور : مش مظبوطه ازاي يعني

احمد: عادي يعني مش مستريحلها انا

نور : اها والتاني ايه بقى

احمد : عايز اخد شقه قريبه من بيتكوا

نور : من بيتنا اشمعنى ؟

احمد : هقولك لما ارجع ان شاء الله

نور : لا قولي دلوقتي

احمد : لا مش هينفع دلوقتي والله

نور : بقي كده ياااحمد

احمد : يابنتي عادي والله هقولك لما ارجع

نور : ان شاء الله ترجع بالسلامة

احمد : طيب انا هقفل دلوقتي وابقي اكلمك وقت تاني

نور : طيب بس متتأخرش عليا

احمد : مقدرش اتأخر عليك يا قمر

نور : طيب يلا سلاام

احمد : سلام

وقفل احمد مع نور

وطالع السلم قابل مين

جارته صحبة البيت

جارته : حمد الله علي السلامة يا استاذ

احمد : الله يسلمك

جارته : جيت امته

احمد : لسه حالا

جارته : علي فكرة الحج اتصل بيك أكتر من مرة

احمد : ابويا

جارته : اها

احمد : طيب ماشي انا رايح اصلا حالا

جارته : ابقي طمني عليك لما توصل

احمد : ان شاء الله

وطلع احمد لم حاجاته

وراح ركب العربية الى هتوديه البلد

وركب فعلا

وبعد سااعاات وصل احمد البلد

نزل من العربية

قابل مين ؟؟؟؟

ياتري قابل مين

قابل محمد ابن عمه

محمد : مييييييييييييييييييييييييين احمد ؟؟؟؟

احمد : اها يابني ايه شوفت عزرائيل ههههههههههههههههه

محمد : وحشني يا وله

احمد : وانت كمان والله يا محمد ايه اخبارك

محمد : الحمد لله عايشيييييييييييييين انت عامل ايه يا ولة

احمد : وله ايه ياعم متهدي شوية عليا

محمد : ايه انت بجيت خلاص بندري

احمد : بندري ايه يابني

محمد : انت اتغيرررت يااحمد ومبجتش زي الاول

احمد : يلا يابني علشان توصلني

محمد : اوصلك فين ؟؟

احمد: البيت يابني

محمد : لا لا لا لا تعال نروح البيت عندنا نتغدي الاول

احمد : لا يلا نروح ابويا وامي وحشني وعايز اشوفهم

محمد: طيب يلا انت حر

احمد : طيب يلا

مشيوا الاتنين وراحوا بيت احمد

احمد دخل البيت سلم علي ابوه وامه وقعد اتكلم معاهم

وبالليل بعد مسلم عليهم قال لابوه انا عايزك في كلميتن

ابوه خدوا وخرجوا معرفشي رراحوا فين بس المهم انهم خرجوا

وهما ماشين

الحج : ايه يا احمد خير في ايه

احمد : بصراحه يابا انا كنت عايز اكلمك في موضوع كدا

الحج : قول يا احمد في ايه

احمد : انا معايا بنت في الجامعه بحبها وعايز اخطبها

الحج : ودي من مصر يا احمد

احمد : اها من مصر يابا

الحج : بص يااحمد انت طلبت تروح مدرسه كبيرررة

احمد : اسمها الجامعه ياباا

الحج: انا معرفش في الحاجات دي

احمد : المهم يابا البنت دي بحبها وهي بتحبني وعايز اخطبها

الحج : يابني بنات مصر غيرنا

احمد : لا يابا دي كويسة اوي

الحج : ياااحمد فكر تاني وانا يابني مش هتأخر عنك

احمد : تسلملي يارب يابا وربنا ميحرمنيش منك

الحج : تصدق ان امك لسه مكلماني في الموضوع دا

احمد : موضوع ايه

الحج : كانت عايزه تخطبلك مسعدة بنت خالك

احمد : حرام عليك ياباا دي دايسه علي وشها قطرر قبل كده

الحج : بس يا وله دي بنت خالك برضه

احمد : ماشي يابا سكت اهو

ومشي ابوووه هوه واحمد ماشين بيتمشوا في البلد وروحوا بالليل

احمد كان مستعجل عايز يروح علشان يكلم نور

المهم دخل احمد اوضته وقال هكلم نور

المهم اتصل بيها

نور ردت عليه

احمد : نوور

نور : احمد ازيك

احمد : الحمد لله تمام ازيك انتي عاملة ايه

نور : الحمد لله تمام

احمد : فاكرة يا نور السبب التاني الى كنت بقولك عليه بتاع الشقه

نور : اها طبعا فاكرااه الي انت مردتش تقولي عليه

احمد : ما انا خلاص كلمت الحج

نور : حج ايه ؟ مش فاهمة حاجة

احمد : نور

نور : نعم

احمد : شكلك حلو وانتي بتعملي عبيطة ههههههههههههههههههههه

نور : ههههههههههههههههههههههههههههه لا بجد مش فاهمة في ايه

احمد : نور

نور : يادي نور نعم يابني

احمد: بحبك

نور : نعم !!!!!!!!!!!!!!

احمد : ايه قولت حاجه مش علي مزاجك ؟

نور : نعم !!!!!!!!!!!!!!

احمد : ايه يابنتي عليكي عفريت اسمه نعم ؟؟

نور : ايه !!!!!!!!!!!!!!!

احمد : طيب بقولك ايه هههههههههههههههههههه اعتبريني مقولتش حاجة

نور : مين !!!!!!!!!!!!!!!!!!!

احمد : ههههههههههههههههههه وربنا هبلة

نور : احمد اقفل دلوقتي ونكمل بعدين

احمد : ههههههههههههههههههههههه ليه يابنتي

نور : اسمع الكلام بس يااحمد علشان خاطري

احمد : حاضر يا ستي

نور : سلام يا,,,,,,,

أحمد : ياا ايه ؟؟؟

نور : يارخم ههههههههههههههههههه

احمد : سلام يا رخمه

وبعد مرور اياام حوالي اسبوع تقريباا

وكانت مكالمات احمد ونور عباره عن اتنين خلاص بقي بيحبوا بعض

رجع احمد الشقه القديمه خد حاجته كانت نور ظبطت ليه شقه جديدة

وراح نقل حاجاته في الشقه الجديدة ومستني يعرف رد نور علي اخر سؤال كان سأله ليها

ياتري هتعملي ايه يا نور

وعمالة تفكر ياتري اقوله ايه

كل ما تتخيل الموقف مش عارف تفكر في اي حاجة

احمد : نور

نور : نعم

احمد : بصراحه كدا

نور : ها

احمد : وبدون مقدماات

نور : يارب نخلص هههههههههههههههه

احمد : هنخلص اهو

نور : طيب يلا انطق ههههههههههههههه

نور : دانا يابني لو بحب في ابو الهول كان زمانه نطق ههههههههههههههه

احمد : علي اساس انك بتحبيني يعني

نور : عارف مستر كاظم الساهر

احمد : وهل يخفي القمر

نور : بيغني بئي وبيقول ((( هل عندك شك ))) اظن كده مسمعش صوتك تاني

احمد : لا مش فاهم وضحي حضرتك ههههههههههههههه

نور : طيب اها يا سيدي حاجة تانيه

احمد : اها ايه بقي ؟

نور : يلاهوووووووووووووووي يابني خنقتني

احمد : طيب خلاص خلاص خلاص

نور : ها كنت عايز تقول ايه

احمد : كنت عايز اقولك

اقولك

اقولك

اقووولك

تتجوزيننــــــــــــــــــي

من طرف super_dentist 14/4/2008, 12:02 am

هههههههههههههههههههههههههه
اوعي تكون خلصت يا اه يازمن

هزعل اوي

اكيد في جزء تاني
ههههههههههههههههههههه

من طرف dr_lala 14/4/2008, 1:32 am

وبعد طول انتظار وصلت الحلقه الاخيره
بس بجد جامده جدا
ياريت تشوفيلنا جزء تانى او احمد ونور جداد
بس بلاش الاعلانات الكتيييييييير

من طرف القابض على سيفه 15/4/2008, 3:46 am

قصه مش واقعيه اطلاقا
اكيد حصلت على كوكب عطارد

من طرف super_dentist 15/4/2008, 5:47 pm

بس هي نور وافقت عالجواز و لا ايييييييييييه

من طرف tito 16/4/2008, 2:23 am

قصص حلوة يا اه يا زمن
شوفلنا احمد ونور تانيين
ولو مفيش ممكن اى حاجة
ان شالله هريدى وست ابوها

من طرف الدنيا حلوه 16/4/2008, 11:38 am

طبعا ياسوبر وفقت البنت كانت بتحبه علي الاخر

من طرف الدنيا حلوه 16/4/2008, 11:39 am

هحاول اشوف قصه جديده بس مش دلوقتي علشان احنا في امتحانات ولازم نذاكر ولاايه

من طرف dr_lala 16/4/2008, 10:00 pm

ولا ايه
لازم نذاكر ههههههههههههه

من طرف twolights 17/4/2008, 12:36 am

هههههههههههههههه
نهايه كانت متوقعه جدا جدا
وعلى فكره يا قابض
دى حصلت على كوكب الارض مش عطارد
:lol!:

من طرف super_dentist 17/4/2008, 7:55 pm

مش لازم المكان المهم انهم اتجوزوا و توته توته خلصت الحدوته

من طرف amalgam 18/4/2008, 12:21 am

لولولولولولولولولولويييييييييي
ياالف نهار ابيض
الف نهار مبرووووووووووووووك
طب مش يعزمونا ع الفرح؟

وعقبال الجزء التاني

بس في حاجة....
هو عرفها على ابوه؟
انا فاكرة انه في الاول ضحك عليها وقال لها انه العمدة
مش كان لازم يعترف لها بالحقيقة دي وللا اييييييه؟
شفتي بقى انا مركزة وفاكرة ازاي؟

من طرف القابض على سيفه 18/4/2008, 12:45 am

مهى هى دى الخدعه ابوة هيطلع ابوها هى كمان
كان متجوز امها ايام مكان بيشتغل عامل بنا فى لبنان
وهيطلعوا اخوات فى الاخر
وهتبوز الجوازة

من طرف super_dentist 18/4/2008, 12:55 am

اه منك يا امالجم اه

الاسئله بتاعتك تدل انك فاهمه القصه

ردي يا اه يازمن

ههههههههههههه

من طرف القابض على سيفه 18/4/2008, 2:00 pm

هترد بقى وتقول ايه
جواز احمد من نور باطل
باااااااااااااااااااااااااااااااااطل باططططططططططططططططططططب باااااااااااااااااااااااااااااااااطل

من طرف super_dentist 18/4/2008, 7:29 pm

باااااااااااطل بااااااااااااااااطل

من طرف القابض على سيفه 18/4/2008, 7:45 pm

مفيش حد يمسك شعله واحنا بنقول باطل علشان نعمل شكل كدة

من طرف twolights 18/4/2008, 9:38 pm

شعله وانا موجوده!!!!

متقلقش يا قابض
انا جيييييييييييييييييت
باااطل باااااااااااااااااااطل

من طرف القابض على سيفه 18/4/2008, 9:39 pm

عاوزين اتنين ستات يلبسوا اسود فى اسود كدة ويمشوا ورانا

من طرف amalgam 19/4/2008, 5:48 pm

باطل باااااااااااااطل
ههههههه
هههههههههه