رد: عوده احمد ونور من جديد

من طرف الدنيا حلوه 30/3/2008, 9:08 pm

الحلقه الــعــــشــرون عوده احمد ونور من جديد - صفحة 2 Biggrin

وقفنا المرة الى فاتت عند ريم كانت تعبانه وكانت في لحظه رومانسية هي واحمد دي بتبص في عنيه وهوه بيبص في وشها

ريم

ريم

ريم

ريم

ياتري كان عايز يقولها ايه

احمد : ريم

ريم : نعم يااحمد في ايه خضتنى

احمد : انتي وشك اصفر شكل الكشري بتاع المحلات بتاع طنطا

ريم : بجد يا احمد

احمد : اه ورحمة خالي حسن

ريم : طيب هاتلي دكتور ولا اعمل اي حاجه

احمد : حاضر هنزل اشوفلك دكتور تحت في اي حته

ريم : طيب يلا بسررعه

نزل احمد تحت وبيسأل ممرضة

احمد : لو سمحتي يا نيرس

الممرضه : ايوة تحت امرك

احمد : الامر لله يا قمر عوده احمد ونور من جديد - صفحة 2 Cool

الممرضه : بصت ليه كدا وقالتوا خير يا فندم عايز حاجه

احمد : اه واحد كابتشينوا وباكوين بسكويت لو سمحتي عوده احمد ونور من جديد - صفحة 2 Biggrin

قامت الممرضه ضحكت كدا وقالتوا

الممرضه : حضرتك دا مش كنتين دي مستشفي محترمه

احمد : اه مانا عارف عندنا زيها في بلدنا

الممرضه : بلدكوا ؟؟

احمد : اه بلدنا انا شايف الفضول في عنيكي وعايزه تعرفي ايه البلد

الممرضة : ههههههههه بصراحه اه

احمد : طيب مش هقولك

الممرضه : طيب مش مشكله المهم انت كنت عايز تقول ايه ؟

احمد : انا معايا واحده زملتي فوق رجليها مكسورة ولونها اصفر لو سمحتي عايز حد يشوفها

الممرضه : اه طيب اوكي تعالى هاجي معاك اشوف الموضوع يستلزم دكتور ولا لاء

احمد : اوكي اتفضلي

طلعت الممرضه معاه وساعه ماشافت ريم بنوته حلوه وعسولة وشكل نانسى عجرم

(راحت مسكت ايديها كدا علي اساس انها بتقيس ليها النبض يعني وقالت لاحمد )

الممرضه : عايزاك ثواني

احمد : طيب حاضر هشوفها يا ريم شكل الموضوع خطير ولا شكلك هتموتي ونخلص منك

ريم : بعد الشر عليا يااحمد متبقاش كدا

احمد : انتى هترغي يا ستي استني لما اشوف الممرضه الى بره دي

ريم : طيب

خرج احمد بره لقي الممرضه مستنياه

احمد : ايه مالها خير

الممرضه : بص يا استاذ ....امممممم

احمد : اسمي احمد وبلاش استاذ دي شيلي التكليف حضرتك

الممرضه : ميرسي كلك زوق

احمد : اه مانا عارف البلد كلها بتقولي كدا حتي نور بتقولي كدا

الممرضه : نور مين ؟

احمد : هو انتي علي طول عندك الفضول ده ههههههههههه

الممرضه : سوري اني ادخلت في حاجه مش ليا فيها

احمد : لا عادي مفيش مشاكل المهم قوليلي ريم مالها

الممرضه : لالالا هى معندهاش حاجه هي بس لونها مخطوف من الخضه

احمد : ايه دا يعني هيا رجليها مش مكسورة

الممرضه : لا مكسورة بس دلوقتي بقيت كويسة وتقدر تروح كمان 10 ايام ان شاء الله

احمد : عشر تيام ينهار اسود ده احنا مسافرين بكره

الممرضه : مسافرين فين

احمد : رايحين القاهرة تاني احنا طالبه وجاين رحلة

الممرضه : اه طيب مهي مش هتنفع تخرج قبل كدا

احمد : خلاص هنسبها ولما تخف تبقي تيجي

الممرضه : لا متسبهاش هي ممكن تخرج النهارده

احمد : هههههههههههههههه الا قوليلي يا اسمك ايه

الممرضه : اسمي نهي

احمد : عاشت الاسامي يا نهي علي فكرة اسمك جميل اوي وانا بحبه

الممرضه : ميرسي ليك كلك زوق

احمد : ايوه مانا قولتلك عارف البلد كلها بتقول عليا كدا

الممرضه : هههههههههههههههههه

احمد : هههههههههههههه هوه انتي معاكي شبكة ؟

الممرضه : اه معايا

احمد : طيب ممكن رقم موبيلك

الممرضه : اها طبعا اتفضل 0000000000

احمد : طيب انا هروح اشوف بقيت صحابنا وهتصل بيكي اطمن علي ريم وانتي خدي بالك منها

الممرضه : طيب هتيجي امته علشان لو عايزين حاجه في الرسبشن

احمد : علي طول هشوف نور بس واجي

الممرضه : طيب اوكي هستناك

أحمد شكله علق الممرضه

في نفس الوقت دا نور قلبت الدنيا علي ريم واحمد مش لاقيه حد ومش عايزه تسأل حد علشان ميبقاش شكلها وحش وفي الاخر اكتشفت انهم مع بعض هتعمل ايه بقي تعمل ايه تعمل ايه تعمل ايه فضلت تفكرر شويه وفي الاخر وصلت لفكررررررررة

ياتري هتعملي ايه يا نووووووووووووور ؟

طبعا كلكوا عايزين تعرفوا نور هتعمل ايه دا الى مش هنعرفوا مع بعض النهارده لاني هسبها للحلقه الجايه (بهرج طبعا)
عوده احمد ونور من جديد - صفحة 2 Biggrin

نرجع مع بعض لررررررريم واحمد والممرضه

دخلت الممرضه الاوضه بتاع ريم

وقعدت تتكلم معاها

الممرضه : ازيك يا ريم دلوقتي عاملة ايه ؟؟

ريم : الحمد لله كويسة احسن شويه

الممرضة : لا لا انتي بقيتي كويسة خالص ايه دلع البنات ده بقي

ريم : هههههههه والله مش دلع بس فعلا رجلي تعباني شويه

الممرضة : ان شاء الله هتبقي كويسة

ريم : ميرسي ربنا يخليكي

وسكتوا الاتنين شويه

وفجأة

ريم والممررضة : امال احمد فين ؟

اتغيررر معالم وش ريم باحمرار غريب كدا ونرفزه والممرضه بكسووف

ريم : خير انتي عايزاه في حاجه

الممرضه : لا ابدا بسأل عليه

ريم : مش عارفه والله راح فين

الممرضة : هوه كان قايلي انه رايح يشوف واحدة صحبته اسمها نور

ريم : ياربي علي نوووووور دي .حتي في الوقت دا بيفكر فيها

الممرضه : بيفكر فيها ازاي يعني

ريم : انتي فضولية اوي

الممرضة : احمد لسه قايلي كدا دلوقتي

ريم : هوه احمد دا مش سايب حد غير لما يعرفوا ياربي علي كدا

الممرضة : هوه انتوا اصحاب دراسه ولا ايه بالظبط

ريم : بصي يا.....اممممم

الممرضة : اسمي نهي

ريم : بصي يا نهي احنا اصلا طللبه مع بعض واحنا التلاته جايين في رحلة تبع الجامعه بس للاسف احنا التلاته الى صحاب اوي يعني ملناش كلام اوي مع بقيت الناس

الممرضة : اه طيب وايه حكايه نور

ريم : حكايتها ازاي يعني

الممرضة : يعني مش عارفه اقصد ايه

ريم : لا عارفة بس ايه

الممرضة : ايه

ريم : اصل مفيش حاجه اقدر اتكلم فيها لاني مش متأكدة من حاجه

الممرضة : طيب لو عايزه تقولي شكك في ايه قوليلي وانا هخلي دا سر بيناا ومتقلقيش انا معرفش حد اوي يعني احمد اتكلمنا مع بعض علشانك بس تصدقي اني استريحتلك

ريم : وانا كمان والله

الممرضة : ( طيب قولي يا هبلة ) - بس في سرها عوده احمد ونور من جديد - صفحة 2 Sm263

الممرضة : ربنا يخليكي يا ريم

ريم : هقولك يا ستي اول حاجه من ساعه متكلمت مع احمد وهوه اهتمامه الكلي بنور كأن مفيش حد تاني معااه بس مش عارفه بقي في حاجه بينهم ولا لاء

الممرضة : وانتي تضايقي ان يكون في حاجه بينهم ؟

ريم : لا طبعا بس

الممرضة : ايه ؟؟؟ طيب خلاص فهمت

ريم : لا متفهمنيش غلط انا قصدي ان المفروض يعرفوني لو فيه حاجه علشان بس مش ابقي ماشيه معاهم كدا

الممرضة : ويمكن يكون اصحاب عادي

الممرضة : ممكن الله اعلم

وسكتوووووووا فجأة وبعدين

الممرضة : طيب عندي سؤال عايزه اسألهولك

.
.
.
.
.
.
.
.
.
.
.
.
.
.
.
.
.
.
.
.
.
.
.

ها حد عرف السؤال

طيب اسيبتكم تفكروا شويه يمكن تعرفوا

المهم ما علينا

شوفنا الحوار الي كان بين ريم والممرضه كان حلو بصراحه الاتنين بيتلأموا علي بعض وشكلهم تحفة

وريم كالعادة هبلة وبتقع في الكلام

المهم نشوف احمد الى راح يشوف نوووور

ونور عملت ايه

نور طبعا لما عرفت ان احمد وريم مش موجودة زعلت جدا انهم سايبنها لوحدها

وفي نفس الوقت احمد ماشي علي البحر وعمال بيفكر

احمد : هوه ايه الى بيحصلي دا

مانا كنت كويس وعايش حياتي

لا مكنتش عايش دلوقتي عرفت طعم ومعني للدنيا

ايوه يااحمد دلوقتي عرفت حاجات كتيرة

طيب نووور وريم ونهي

دول بالنسبالك ايه يااحمد ؟

امممم مش عارف

نور بنت جميلة ولطيفه ووقفت جنبي كتير

ريم عسووولة ودمها خفيف بس مش عارف حاسس فيها بحاجات غريبه كدا

نهي ياعم دي لسه معرفة نص ساعه نفضلها وخلاص

طيب وبعدين هتتصرف ازاي يا احمد وانت الاتنين معتقدين انك بتحب واحد فيهم

وانت فعلا بتحب مين

نرجع لنوووور ونعرف هتعمل ايه يا نور

يا تري يا نور هتعملي ايه

انا ممكن اسبهم وامشي وهما يبقوا علي راحتهم

طيب افرضي يا نور ان احمد مفيش حاجه بينه وبين ريم تبقي خسرتي احمد

طيب انا هسأله

وجابت الموبيل

واتصلت

نور : الووو

احمد : ايوه

نور : انت فين يااحمد

احمد : انا قدام الاوضه بتاعتك

نور : انت هتهزر

احمد : لا والله حتي بصي تك تك

نور : انت كنت فين

احمد : كنت في المستشفي مع ريم

نور : مالها ريم

احمد : وقعت وهي نازله على السلم زي الجردل ورجليها اتكسرت

نور : هوه الجردل ليه رجلين هههههههههههههههههههه

احمد: ههههههههههه اه حاله خاصه ههههههههههه

نور : طيب يلا علشان نروح نطمن عليها

احمد : يلا بيناا

وهما نازلين احمد ونور شافوا مكان لذيذ كدا شكلوا رومانسي فقالت نور لاحمد

نور : احمد متيجي تعزمني علي حاجه هنا

احمد : بس انتي الى تدفعي

نور : اوك موافقه

احمد : موافقه في عينك انتي عايزه واحدة ست تصرف علياا

نور : ههههههههههههه خلاص يابني ادفع انت هتعمل مشكله ولا ايه

احمد: لا خلاص ادفعي انتي علشان ميبقاش شكلك وحش

نور : طيب ههههههههههههههههههه

احمد : اتفضلي

دخلوا قعدوا وتمااااااااااااااااام

في نفس الوقت ريم قلقانه طبعا احمد بقالوا 3 ساعات سابيها لوحدها مفيش حد في وشها غير الممرضة

المهم نادت لنهي وقالتها انا عايزه تليفون علشان مش معايا رصيد

نهي : ليه ؟؟ هتكلمي احمد

ريم : اه اصلي مش عارفه اتاخر ليه

نهي: اوكي اتفضلي موبيلي اتكلمي منه

ريم : ميرسي ليكي يا نهي مش تقلقي مش هطووول

نهي :لا يا حبيبتي طولت براحتك معاكي 1,50 جنيه رصيد

ريم : ههههههههههههههههههههه

اتصلت ريم باحمد

ريم : اممممممممممم مش بيرد

نهي : يمكن الموبيل مش معاه ولا حاجه

ريم : مش عارفه بصراحه استني لما اتصل علي نور

نهي : اوكي

ريم : اممممممممممممممم غير متاح حاليا

نهي : خلاص استني شويه

ريم : مانا مستنيه وانا هعرف اعمل ايه

نهي : هههههههههههههه معلش يا حبيبتي بكره تقومي بالسلامة

ريم : ميرسي ربنا يخليكي انما مش قولتيلي كنتي عايزه تسألي علي ايه امبارح لما الدكتور ندالك

نهي : كنت عايزه اسأل هوه احمد مواعدك انتي ونور بحاجه

ريم : (سكتت كده) وقالتها هكلمك بصرااحه انا عن نفسي لا ونور مش عارفه

نهي : اه يبقى متزعليش منه

ريم : لا بزعل مش عارفة ليه

نهي : بكره تعرفي ههههههههههههههه

نرجع لاحمد ونور

نور : مين كان بيتصل بيك يااحمد

احمد : دي ريم

نور : احسن انك مش رديت عليها

احمد : هههههههههه مانا قولت انك هتقولي كدا برضه

نور : ههههههههههههههه متفهمنيش غلط لو سمحت

احمد : لا ما انا فاهمك صح

نور: انا بقي كنت عايزك في موضوع كدا بس تجاوبني بصرااحه

احمد : خير

نور : انا كنت عايزه اعرف حاجه واحدة

احمد : قولي يابنتي خير قلقتيني

نور : لا مش تقلق ولا حاجه بس انا مش عارفه

احمد : مش عارفه ايه

نور : اقولهالك ازاي ...؟

احمد : والله ما انا فاهم حاجه

نور : طيب استني هفهمك

احمد : قولي يا سعاد ههههههههههههههه

نور : بس بقي مش تقلب الكلام تهريج

احمد : حاضر انطقي بقي

نور : هوه انا ايه بالنسبالك ؟

احمد : مممممممممممممممممممممممممممم

ممممممممممممممممممممممممممممممم

ممممممممممممممممممممممممممممممممممم

ممممممممممممممممممممممممممممممممممممممم

مممممممممممممممممممممممممممممممممممممممممم

هنعرف نور بالنسباله ايه الحلقه الجايـــــه :sleep: :sleep: :sleep: :sleep:

من طرف القابض على سيفه 30/3/2008, 9:22 pm

زى امه طبعا

من طرف BEAUTY GIRL 31/3/2008, 4:11 pm

شكرا ليكى يا اة يا زمن على الحلقة الجامدة دى
ومالك ومال امه بقى يا قابض علي مصاصتك قصدي سيفك

من طرف twolights 31/3/2008, 11:36 pm

نور دى طلعت جريئه اووووووى

ربنا يستر وميطلعوش اخوات ف الاخر
ههههههههههههه

من طرف vezant 1/4/2008, 12:12 am

معظم القصه الفانخه دي
هههههههههههههههههههههه و
امممممممممممممممممممممممم
يعني بيشتغلو بعض يعني

من طرف super_dentist 1/4/2008, 3:06 am

ههههههههههههههههههههههههههههه

حلقتين جامدين
اكيد هتطلع قريبته في الاخر
ههههههههههههه

عايزين الجديد يا اه يازمن

من طرف amalgam 2/4/2008, 11:58 pm

لالالالالالالالا
هتطلع اخته في الرضاعة
كلهم
كنا في جرة وطلعنا لبرة

وبعدين عرف ازاي ان ريم العبيطة هي اللي بتكلمه
مع انها كانت بتتصل من موبايل نهى الغلسة

هههههههههههههههه
عيني وجعتني في الاخر من الخط النمنم
بس كان لازم اكملها
ما تتاخريش علينا وهاتي الحلقة القادمه بسرعة
تقبلي مروري

من طرف super_dentist 3/4/2008, 7:44 pm

اين الجديد يا اه يازمن

لقد تاخرتي كثيرا
عسى الا يكون قد سرق منك في الطريق

من طرف twolights 3/4/2008, 10:11 pm

وحشتينا يا اه يازمن
عايزين نعرف الجديد مع مريم ونهى ونور
الفاصل بتاعك طول اووووووووووى

من طرف الدنيا حلوه 3/4/2008, 10:21 pm

معلش ياجماعه مشاكل في الانتاج

من طرف super_dentist 3/4/2008, 11:55 pm

و بعدين بقى في الواد احمد ده تلاقيه هو اللي عامل المشاكل

من طرف الدنيا حلوه 4/4/2008, 2:25 pm

بنحاول نحلها ياجماعه الصبر مفتاح الفرج

من طرف twolights 4/4/2008, 3:51 pm

يا صبر ايوووب
ربنا يحلل المشاكل دى يا فرج
لالاااااااااااصدى يا اه يازمن

من طرف dr_lala 4/4/2008, 9:03 pm

اتاخرت كتير يا ااه يزمن
ادينى الحلقه بسرعه ارجوك محتاجه الجرعه

من طرف vezant 4/4/2008, 10:06 pm

يا حزني على احمد
ويا حزني على نور
ويا حزني على عواطف
ويا حزني عل القصه الفااااااااااااااااااااااااااااااااااااااااااااااااااااااااااانخه دي
ايه ده
اه ده
ااااااااااااااااااااااااااااااه ده

من طرف super_dentist 5/4/2008, 5:43 pm

معلشي يا فيزنت اصبر شويه يا خوووووووووووووووووووووووووووويا

هههههههههههههه

من طرف الدنيا حلوه 5/4/2008, 6:26 pm

معلشي ياخ فيزنت عايزه استفسر علي حاجه يعني الفاااااااااااااااانخه ده كلمه عيب ولا مجامله

من طرف القابض على سيفه 5/4/2008, 7:57 pm

اتكلم براحتك يا فزينت ياخويا وال هيرمشلك بعين هقطعلك رقبته
امال انا ماسك فى ايدى السيف ليه

من طرف الدنيا حلوه 11/4/2008, 1:04 am

[size=24]الحلقه الـــواحــد والعشـــرون:D

طبعا نور كانت سالت سوال لـ أحمد ومعرفناش اجابته الحلقه الي فاتت

احمد : عارفة السؤال دا يا نور

نور : مالو

احمد : كنت لسة بسالو لنفسي من حوالي نص ساعة تقريبا

نور: و يا ترى وصلت لايه (( قلبها هيقف ))

احمد: عايز اقولك علي حاجه

نور : اتفضل

احمد: هاقولك شي بسيط ......... بنفع القمر يطلع بدون ما يكون في ليل ؟؟؟؟؟؟؟؟؟

نور : لا طبعا

احمد : بنفع الشمس تشرق من الغرب بدل الشرق .. يا حنين

نور : برضو لأ

احمد : انتي يا نور بالنسبة الي ... قمر بينور كحل اليل ... شمس بتلسعني في الشتا .... مش بس كدة

نور : همممممم وايـه كمان

احمد : يعني بحس انك قريبة مني جدا وعيب كدة

نور: انا اسفه (( وشها احمر ))

احمد: ههههههههههههههه انا كنت بهزر انت فعلا قريبه مني

نور : دا كل الي كنت عايز تقوله ؟

احمد:لا يانور ..... ما تستبقيش الاحداث ... كل شي بوقته .... اتقلي علي الرز

نور : انا سعيدة جدا بكلامك دا يا احمد ... مع اني متوقعتش تقولو

احمد : لييية يعني هههههههههههه حد قلك عليا دكر بط

نور: هههههههههههههههههههه لا مش قصدي

احمد: المهم يا نور احنا بكرة مسافرين الصبح ..... ولازم نشوف ريم و نجيبها معانا

نور : اها طبعا يلا

احمد: طيب والعصير

نور : خليها للمرة الجاية ههههههههههههههه عشان نلحق الساعة 11

احمد : زي ما تحبي يا قمر .... وضرب الكوبيتين مرة وحدة وراح وراها

في نفس الوقت نهى قاعدة بتجرب تتصل باحمد .......بس قاعدة بتتصل على رقم نور مفكرتو احمد ... ( لأن ريم جربت اخر رقم هو رقم نور )

وفجأة

التلفيون يرن

نور: ايوووة مين ؟

نهى : انا نهى الممرضة في المستشفى اللي صاحبتك ريم فيها

نور : اها انا تحت في الريسبشن وطالعة على طول

نهى : انتي مين ياختي ؟؟ مش دا رقم موبايل احمد

نور : لا تلفيوني ... ثواني وطالعين انا واحمد

نهى : اوكي سلام

اول ما طلعت من الاسانسير لقيت نهى بتستناها هتموت طبعا و تشوف مين نور والمفاجأة الكبرى

نهى : انتي نور ؟

نور: انتي بتعرفيني ؟

نهى : لا سمعت عنك

احمد: بقينى اشهر من نانسي عجرم .... افرحي يا بت

نور : ههههههههههههه بس يا احمد استنى نشوف سمعت عني ايه ؟

نهى : لا عادي كل صحابك بيحبوكي حتى احمد ساب ريم وجالك

نور مبسوطه اووووووى

نور: لا هوة مسبهاش هوة كان جاي عشان انا مفضلش لوحدي (( مين البت دي ))

نهى : اها ربنا يخليكو لبعض

نور : يارب (( شكلي هخبطك بحاجه ))

احمد: هههههههههههههههه اية النظام هترغوا كتيير

نهي : لا اتفضلوا ريم جوة

احمد : انا عايز شاي بس لو سمحتي حطيلي عليه حليب وسكر

نهى : ههههههههه دي مستشفى مش كافتيريا

احمد : يا خرابي ... انتي بتحرجيني يا نهى علطول كدة لسه فيكي العادة دي

نهى :اها ........ خلي نور تعملك

احمد: هههههههههههه بقي كدة .... طيب بطلنا لا شاي ولا حليب

نور: في ايه يا احمد

احمد : معرفش والله يا نور ... عادي .. خلينا نروح نشوف ريم

نور : اوك

دخل احمد ونور الغرفة عند ريم لاقوها قاعدة

نور: الف سلامة عليكي يا حبيبتي

ريم: الله يسلمك يا نور

احمد: هتروحي انهاردة ان شاء الله

ريم : هحاول انهاردة عشان بكرة نرجع بقي

احمد : طيب اروح اشوف الريسبشن عشان اخلص حسابك معاهم

ريم : الريسبشن برضو ولا نهي ولا مين بالظبط

نور : نهى ؟؟

ريم : اها نهى

احمد: مالها نهى يا ريم

ريم : يا ابني هي قلقانة عليك اكتر مني هههههههههه

احمد: وانا مالي ... مليش دعوه بيها

ريم : عايزه تعرف كل حاجه عنك هههههههههههههه

نور : ازاي يعني

ريم : بتسأل اسئلة غريبة وعجيبة

نور : زي اية ؟

ريم : مش فاكره

احمد: والله انتى هبلة ... انتي هي .... انا نازل

نور : احمد بسرعة و ما تتأخرش .. مش توقف تحكي ساعة (( وبصت في الساعه))

احمد : هههههههههه لا مش هاقف مع نهى تقلقيش

نور : هههههههههه طيب كويس انك عرفت اللي اقصدة

احمد : مبدأي فالحياة يا بنتي ... القطها وهيا طايرة

نور: ماشي ياعم

احمد : يلا انا نازل

احمد رايح على الاسنسير عشان ينزل يشوف الحساب ....... شاف نهى

ممممممممممممممممممممممممممممم

طنشها وفضل ماشي

المهم خلص حساب المستشفى و الحساباات كلها وجاب عربيه ورجعو على الفندق

وبكرة مسافرين

مممممممممممممممممممممممممممم

طلع احمد و نور والمكسورة ريم علي اوضهم

وهنا دار حوار

بين ريم ونور

ريم : نور انا عايزة اسالك علي حاجه

نور: نعم يا ريم

ريم : انتي ايه رأيك في أحمد

نور : احمد ( ولحظة من التفكير العميق ) مالو ؟؟

ريم : مالك ... ليه اتغير لونك

نور : لا عادي

ريم : ... طيب

نور: ممكن تنامي عشان الصبح نطلع بدري

ريم : اها دا انا هموت وانام

نور : وانا كمان تصدقي ... نفسي انام 50 ساعة من التعب

ريم: اها باين

نور: باين عليا هههههههههههههههه

ريم : اها

نور : طيب يلا ننام

ريم : اوكي يلا

وطفوا النور.... وبعد 5 دقائق ....... رن تليفون نوووووور

صحيت ريم ومسكت التلفون

ريم: الوووووو ... ايوة احمد

احمد : ايوه يا حبيبتي ازيك

ريم : حبيبتك ؟

احمد : اه يا نور اول مرة تسمعيها صحيح .. هههههههه ؟

ريم: بس انا مش نور يا استاذ احمد

احمد: ريم

ريم : اه زفت يا احمد

احمد : مالك ياريم

ريم : لا ابدا مفيش ... ثواني اصحيلك حبيبتك تحكي معها

احمد : ممممممممممم طيب شوفي يا ريم

ريم: نعم

احمد : شوفي يا ماما ... انا لو فكرت احب حد ..... لو فكرت هه .... مش هلاقي احسن من نور علشان احبها

ريم : اشمعنى يعني.... مفيش غيرها

احمد : لا ابدا .. بس انا بعرف نور كويس... وعارف عنها كل صغيرة وكبيرة

ريم: اه ماهو واضح

احمد: يا بنتي انا معرفش عنك حاجه

ريم : طيب مش مشكلة

وفجأة:eek:

تصحى نوور وتسمع باقى الحوار

اللي هوووووووووووووووو

احمد : طيب انا مش عايز أزعلك يا ريم ... ما انتي عارفة ان انا بحبك

ريم : وانا كمان بحبك

احمد : لا بحبك زي اختي متفهمنيش غلط

ريم: شعور رقيق منك يا احمد بس للاسف في وقت متأخر

احمد : تقصدى ايه

ريم : ايوة يعني ..... انا حتى لو بحبك مش هقدر اكمل معاك عشان نوووور

احمد: يا جزمة ... انا بحب نور اصلا

ريم : شوف يا أحمد مش هنتكلم دلوقتى ... خليها للظروف

احمد: اوكي سلام

ريم : احمد

احمد: نعم يا ريم

ريم: لا ابدا مفيش

طبعا نور سمعت كل حاجه وكانت رد فعلها انها عملت نفسها لسة نايمة عادي وقالت

تستنا عشان تفهم وتشوف احمد هيقلها ايه

وتاني يوم الصبح قدام الباص

احمد واقف مستني ريم ونور

طبعا محدش فيهم لسة وصل ... والباص قدامه 10 دقائق ويمشى

واحمد برن على تليفون نور وهيا مبتردش .... بتكانسل

ووصلت نور وريم

احمد : فى ايه يانور مش بتردى ليه على الموبيل

نور : ماليش مزاج

احمد : مليش مزاج ؟؟؟؟؟؟ طيب براحتك وانا غلطاان اصلا اني اتصلت

نور : اه من ناحية انت غلطان فانت غلطان في حوارات كتير ...

احمد :انتى بتقولى ايه على الصبح ..... الناس بتصحى بتقول صباح الخير

نور: لا انا صاحية اقول صباح الزفت

ريم : نور مالك بس؟

نور: لا مفيش يا ريم

ريم : طيب يلا نركب ..... عايزه اقعد هنا عشان رجلي

نور: لا انا رأيي انك تقعدي جنب احمد ... و كمان عشان الظروف تبقي مناسبه

ريم : ظروف ؟ ظروف ايه يا بنتي ؟

نور : لا ما تشغليش بالك

احمد : يلا ياريم عشان اركبك ... نور مش عارف مالها على الصبح

نور: استاذ احمد ملكش دعوة بيا لحد ما نوصل القاهره ..... و كل واحد بشوف حاله هناك

احمد : طيب يا نور ... انا مش هاكلمك .... بس خليكي فاكرة (( والله الولاد دول غلابة علطول ))

ريم: هوة يا احمد انت زعلتها في حاجه

نور : مين دا الي يزعلني محدش يقدر يزعلني

احمد : يوووووووووووه ... حركات الولاد الصغار دي انا ما بحبهاش .... انا طالع

وطلع احمد ريم........ وطلع ركب وبينو وبين نووور 3 كراسي

المفاجأة ان نور لما قالت الظروف مناسبة .... ريم فهمت ان نور سمعت الحوار بتاع امبارح وقالت فرصه عشان اعرف اوصل للي عايزاة

وركب احمد قدام

بدأ احمد يفكر فى الموضوع ويشوف اية الي حصل عشان تتغير نور للدرجه دى

وبدأت ريم تفكر ازاي تخلي نور واحمد يكرهوا بعض :mad:

وبدأت ريم بعد ما عملت خطه محكمة لكل دا وهتبدأ مع نور

ريم : مالك يا نور مضايقه ليه

نور : مش مضايقه ولا حاجه انتي هضايقيني بالعافية

ريم : لا شكلك مضايقه انا مش لسه عارفاكي يعني

نور : وبعدين بقي يا ريم

ريم : طيب سوري يا نور بس عايزه اعرفك حاجه

نور : وانا مش عايزة اعرف حاجه يا ريم

ريم : طيب ياريت تفهميني مالك علشان شكلك كده ميطمنشي

نور : اقولك والله لقايمة مغيرة الكرسي مع حد تاني ومش قاعده جمبك انتي كمان لو نطقتي بحرف واحد

ريم : لا لا لا خلاص خليكي

نور : طيب اسكتي بقي علشان عايزه شوية هدوء

ريم : حاضر

وسكتت فجأه كده ومسكت الموبيل

بعتت رساله لاحمد

مضمون الرساله

ريم : انا مش عارف نور بتعاملني وحش وعماله تقول كلام غريب مش عارفه ايه الى غيرها كدا

المهم رن موبيل احمد برساله النغمة

احمد : ياتري مين الى بعتلي رساله يارب تكون نور

فتح الرساله لاقها من ريم ومكتوب فييها الكلام الي فاتت

راح قايم

وراح ناحيه نور

احمد : ايه يابنتي مالك

نور : لو سمحت روح اقعد مكانك وملكش دعوة بيااا

احمد : علي فكرة اسلوبك وحش اوي معايا وانا مبحبش الاسلوب دا

نور : ايوه عارفه بس انت شخصيا مينعفش معاك غير الاسلوب دا

احمد : واشمعنا انا شخصيا علي اساس اني احمد زويل هههههههههههههه

نور : دمك تقيل بصرااحة

احمد : انتي كدا بصراحه زوديتها اوي وانا اسف اني قومت من مكاني علشان اشوفك مضايقه من ايه

نور : طيب يلا روح اقعد مكانك وياريت تخليك في نفسك بس

احمد : مممممممم اوكي

ورجع احمد قعد مكانوا تاني

وبدأت نور تتكلم مع نفسها وتقول هوه ايه الي انا عملته دا مكنش المفروض اكلمه بالاسلوب دا

ففكرت في مسدج

ممممممممممممممممممممممم

ممممممممممممممممممممممممممم

مممممممممممممممممممممممممممممممممم

امممممممممممممممممممممم هتكتب ايه في المسدج

من طرف twolights 11/4/2008, 2:10 am

ايه المسدج يا اه يازمن؟؟
:scratch: :scratch:

الحلقه جااااااامده اخر حاجه
متتاخريش علينا ف المسدج

:lol!:

من طرف super_dentist 11/4/2008, 2:32 am

حبيبي احمد انا اسفه جدا

احممممممممممممممممد ............. نووووووووووووووووووووووووووور

ههههههههههههههههههههههههه

ياترى هتكتب ايه
مستنيينك يا اه يازمن

من طرف dr_lala 11/4/2008, 5:29 pm

ياه على اسلوب الاثاره بتاعك ده !
ياترى هتقول ايه فى الرساله

ما تتاخريش يا اه يا زمن

من طرف الدنيا حلوه 12/4/2008, 12:03 am

الحلقــه الـثـــانيــه والعشــرون :D

بدأت نور تتكلم مع نفسها وتقول هوه ايه الي انا عملته دا مكنش المفروض اكلمه بالاسلوب دا

ففكرت في مسدج

ياتري كتبت ايه في المسدج

مسكت الموبيل وقعدت تفكررر

اكتبلة ايه

المهم بعتت المسدج

وكتبتلوا انا اسفه

المهم احمد شاف المسدج وبصلها ورجع تاني يبص قدامه تاني

وفكر يقوم يكلمها بس كرامته مسمحتلوش

فقال يقعد ويستني الظروف هتعمل ايه

وبعد لحظاات

قامت نور جمب احمد وقالته

نور : احمد

احمد : نعم

نور : انا سمعتك انت وريم بتتكلموا امبارح

احمد : بجد يا نور

نور : اه بجد

احمد : والله يا نور كل كلمة قولتها لريم ساعه مكنا بنتكلم كانت من جوة قلبي

نور : اممممممممممممم ( وشها احمر كدا طبعا مضايقه ) طيب ربنا يتتمم ليكم بخير

احمد : لا لا لا استني انتي فهمتي غلط خالص

نور : غلط ايه وصح ايه والله انا مبقتش عارفه الصح من الغلط

احمد : هههههههههههههههه ليه ان شاء الله

نور : احمد بطل تهريج لو سمحت وفهمني في ايه

احمد : طيب اهدي يابنتي احنا في الاتوبيس ومعانا ناس

نور : طيب هديت ممكن تتكلم بقي

احمد : لا ممكن تقعدي بقي وتهدي كدا ولما ننزل ان شاء الله هبقي افهمك كل حاجه

نور : انت بتهرج يااحمد هوه انت فاكر اني هقدر استني لحد منوصل

احمد : مهو في احتمال 50 % منوصلش ههههههههههههه

نور : والله انت رخممممم مووووووووووت

احمد : ربنا يسمحك روحي بقي اقعدي وحاولي تفهمي من ريم علي منبقي نوصل

نور : حاضرر

احمد : ههههههههه والله البنات دي عايزة الولعه مش عايزه الى يكلمهم بالراحة

راحت نور علشان توقع ريم في الكلام

نور : ها يا ريم عاملة ايه دلوقتي

ريم : الحمد لله كويسة

نور : طيب

ريم : بس انتي رجعتي لمودك تاني هوه انتي كنتي مضايقه من حاجة

نور : لا لا ابدا بس مكنتش نمت كويس

ريم : قصدك سمعتي المكالمة بتاعه احمد امبارح معايا

نور : اها

ريم : علي فكرة يا نور انتي صحبتي وصعب عليا اني اضحك عليكي او اقولك حاجه مصحلتش

نور : قولي يا ريم انتي عارفه اني بثق فيكي

ريم : احمد امبارح كان بيكلمك علي موبيك

فانا رديت عليه

فقالي ايوه يا حبيبتي

مش عارفه بقي كان يقصدني ولا يقصدك

نور : هوه انتي كنتي اتكلمتي

ريم : ايوة كنت قولت الوو

نور : اه ممكن يكون مش ركز في الصوت بس

ريم : عايزة اسالك سؤال يا نور

نور : اتفضلي

ريم : هوه انتي بتحبي احمد ؟

نور : نعم ؟؟ بتقولي ايه

ريم : ههههههههههههههههه هوه انتي بتحبي احمد

وفجأة

وفي ولهة من الوقت

سمع الجميع صوووووووووووت كداا

ياتري صوووت مييييييييييين ؟؟؟؟؟؟؟؟؟

صووووووووووت السواق .. الريست يا جماعه هنريح هنا شوية ونكمل بعد ساعتين

نور فرحت اوي انها مريحتش ريم

الكل نزل علي الطريق قدام فندق علشان يشربوا حاجه ياكلوا حاجة كدا يعني

راحت نور لاحمد

نور : احمد

احمد : نعم

نور : انت وانت بتتكلم امبارح كنت عارف ان مين الى معاك

احمد : كنت عارف انها ريم

نور : كنت عارف انها ريم وبتقولها ايوه يا حبيبتي ؟

احمد : لالالا في الاول كنت بكلمها علي اساس انتي

نور : وبعدين

احمد : اتكملنا كلام عادي يعني وفهمتها اني ؟؟؟؟؟

نور : انك ايه ؟

احمد : اني كنت عايزك انتي

نور : طيب وليه مش خليتها تصحيني

احمد : مكنتش عايز اقلقك يا قمر

نور : تقلقني

احمد : اه هههههههههههههه

نور : وربنا انت رخم

احمد : من بعض ما عندكم

نور : طيب هروح اقعد مع ريم علشان مش تبقي لوحدها

احمد : لا استني نفضلها بقي وتعال نتغدي مع بعض

نور : هتغديني ايه طيب

احمد : في سندوتشات فول وطعمية هنا جنان

نور : هههههههههههههههه لا انا هروح اتغدي مع ريم

احمد : طيب هتتغدوا ايه

نور : مش عارفه

احمد : طيب تعالي بس ندخل جوه ونشوف عندهم اكل ايه

نور : طيب اوكي يلا

ريم قاعدة هتولع نور سابتها هي واحمد ودخلوا المطعم

وجتلها فكررررررررررة

عايزه تعمل حاجه علشان اخليهم مش يعرفوا يتصالحوا

ياتري هتعملي ايه يا ريم

يلا يا ريري فكري

وجدتها

اها يا رجلىىىىىىىىىىىىىىىىىىى

رجلىىىىىىىىىىىىىىىىىى

سمع احمد ونور صوت ريم وهي بتتألم سابوا المطعم ومشيوا من غير مايكلوا يعيني ورحوا يشوفوا ريم

نور : مالك يا ريم

ريم : رجلي بتوجعني اوي

نور : من ايه حصل حاجه

ريم : اه اتخبطت فيها

احمد : وكل الدوشة الى انتي عاملاها دي علشان رجلك اتخبطت مكنتش تبقي الخبطه في دماغك وتموتك ونستريح منك

نور : لا حرام عليك يااحمد متقولش كده بعد الشر عليها

ريم : ان شاء الله انت

نور : لا متقوليش كدا بقي وبس خالص انتي وهوه

احمد : حاضر انا بسيت اهووووو

ريم : ايوه امشي من هنا كمان دي قاعدة بنات انت جاي تقعد معانا ليه

نور : هههههههههههههههههههه ايوة يا احمد يلا اسمع الكلام وامشي بقي

احمد : شوفتي المعفنة الى مش بيطمر فيها حاجة انا جاي اشوفها يمكن تكون فيها حاجة

نور : لا امشي هي كويسة ههههههههههههههههههههههههههههههههه

احمد : طيب يلا نروح نشوف الاكل زمانه برد

نور : لا روح هات الاكل هنا علشان ريم تاكل معانا

احمد : بقي انا هاكل مع ريم دي

ريم : ومالها بقي ريم يا سي احمد

احمد : سي السيد لو سمحتي اتعلموا تكلموا ولاد الناس بقي

ريم : ولاد ناس ههههههههههه ضحكتني

نور : بس يابنتي انتي وهوه كدا هتزعلوا من بعض

احمد : لا لا متقليش يا نور باخد بمبدأ انا اذا تكلم السفهاء فدع القافله تسير

نور : ههههههههههههههههه طيب بس يااحمد علشان خاطري

احمد : بس كدا ده انتى تأمرى يا قمر

ريم : اجبلكوا اتنين عصير ليمون

احمد : اها ياريت وشجاريتن وكرسي وطرابيزة ههههههههههههههه

نور : قصدك كرسين وشجره وطرابيزة ههههههههههههههههههههه

احمد : يا ستي بقول شجرتين علشان تقوم مترجعش هههههههههههههههه

ريم : ان شاء الله اللي يكرهني

احمد : هوه انتي في حد بيحبك اصلا ههههههههههههههه

نور : انا بحبها اختي العسووولة دي

ريم : تسلميلي يارب يا نور

احمد : اعدم عم ابراهيم بتاع الترمس بتجاملك ههههههههههههههه

ريم : ملكش دعوه يا غلس

نور : متقوليش عليه غلس لو سمحتي

احمد : يابنتي قولتلك سيبك منها وتعال نروح نتغدي سوا وهي انشالله ما كلت

نور : لا روح هات انت بقي يااحمد علشان خلاص فاضل في الريست نص ساعه

احمد : حاضر

نور : تاكلي ايه يا ريم ؟

احمد : لا هجيبلها علي زوقي ههههههههههههه سندوتشين طعمية ونخلص من رخامتها

ريم : يابني بطل الرخامة الى فيك دي

احمد : طيب هروح اجيب الاكل واجي

مشي احمد راح يبجيب الاكل

وبعدين ريم بتسأل نور

ريم : نور عايزه اسألك علي حاجه

نور : اسالي يا ريم

ريم : هوه انتي واحمد خلاص يعني ؟

نور : يعني ايه خلاص يعني ههههههههه مش فاهمة حاجة

ريم : بتحبوا بعض يعني

نور: بصي هو بصرراحة مش قالهالي مرة واحدة

ريم : امال قالهالك علي تلت مقاطع

نور : نوو هو يمكن حسسني بيها بس مش قالها

ريم : وانتي بتحبية

نور : ايه ؟

ريم : وانتي بيحيبه

نور : بصراحة ؟

ريم : امال يعني بالسلطة

نور : اه بس مش عارفه هوه بقي ناوي علي ايه

ريم : علي فكرة عايزه اعترفلك بحاجة

نور : تعترفي !!!!!!

ريم : اه

نور : باية !!!!!!!

ريم : انا كنت حاسه اني بحب احمد وهو كمان حسسني انه بيحبني بس بعد مكالمه التليفون عرفت انه بيحبك وكنت شاكه قبل كدا

نور : بيحبني

ريم : اها

نور : بصي يا ريم صعبه اوي اني اختار بين صحبتي وبين الى انا بحبه فانا هسيب الامور تمشي بطبيعتها علشان مش نزعل من بعض

ريم : لا هنزعل من بعض ليه يعني ده انا المفروض اني افرحلك في فرحك هو احنا مش اخوات

نور : ربنا يخليكي يارب يا ريم

ريم قاعدة هتولع (( ايه الي انا هببتوا دا )) جييييت اكحلها عمتها

ولحظااااااااااااااااات من الصمت

و احمد جه بالسندوتشاات

يلا كلوا بسرعه علشان السواق بيقولوا استعدووووا هنمشي

وينتهي الريست بانتهاء الغداا ويرجع الجميع للاتوبيس لاستكمال العوووووووودة

الصمت يسود الاتوبيس ياتري في ايه

ريم مضايقه اوي من الى حصل ومن احمد ومن نور ومش طايقه نفسها ففضلت السكوت

نور بتفكر في احمد يا تري هو كمان بيحبها ولا مجرد اعجاب ولا مجرد واحد بيتسلي وياتري هي اخطأت الاختيار ولا ايه بالظبط

احمد بقي وده مشكلته مشكلة عمال يفكر يعرف نور انو بيحبها ازاي ؟؟

والاتوبيس ماشي في الطريق والسواق هينام وشكلوا هيقلب الاتبويس بيهم وهيموتوا ونخلص منهم كلهم باذن الله

وبعد مرور سبع ساعات تقريبا ومحدش يسألني ليه سبع ساعات علشان هي جت في دماغي كده

السواق : حمدا الله علي السلامة يا جماعة

وصلنا الحمد لله

وصل الرجل ووصل الناس

ونزلت الناس من الاتوبيس

ونزل احمد نور وريم ووقفوا تاكسي

ريم : ميرسي يااحمد معلش تعبتك معايا

احمد : انتي بتقولي ايه يا هبلة احنا اخوات

ريم : تسلم يارب يااحمد

احمد : يارب ياختي يارب

احمد : نور هتروحي فين دلوقتي

نور : هرجع تاني شرم هههههههههههههههه

احمد : طيب استني نروح ريم ونرجع سوا هههههههههههه

ريم : ههههههههههههههه ماشي انا هركب وامشي يا غلسين

نور : هروح طبعا يااحمد مرهقة جدا ومحتاجه اني اريح

احمد : طيب بعد متوصلوا اتصلوا بيا طمنوني عليكوا

ريم : وانت هتروح فين يااحمد

احمد : هروح اخد شوية حاجات من البيت وهنزل البلد

نور : انت هتنزل البلد ؟

احمد : اه

نور : طيب هشوفك امتى تاني

ريم : خليه ياستي قاعد في بلدهم اكرمله ههههههههههههه

احمد : خليكي في حالك يا غلسه انتي

ريم : انا غلسه يااحمد

احمد : بصرااحة اه

نور : عنده حق بصراحه يا ريم

ريم : ماشي ماشي ربنا يسمحكوا

أحمد : يلا علشان تروحوا ووقف احمد تاكسي وركب نور وقالها انا هوصل لريم لحد البيت

نور : لا هاجي معاكوا انا بيتي مش بعيد عن ريم

احمد : هههههههههههه ولا بعيد

نور : يلا مش مهم توقف تاكسيات تاني

السواق : علي فين يا انسة

ريم : المعادي يا اسطي

السواق : هي المعادي دي شارع يعني راحة فين في المعادي

احمد : ايه ياعم انت في ايه مش في راجل واقف المفروض تتكلم معاه ولا انت ابن دزمه معترفش في الاصول

السواق : اللهم طولك يا روح بلاش غلط يا بليدنا انت

نور : خلاص انتوا هتتخانقوا

السواق : لا يا ستي اتفضلوا اركبوا ماهو يوم باين من اوله

احمد : تصدق بالله يا اسطي

السواق : لا اله الا الله سيدنا محمد رسول الله

احمد : انت متنفعش سواق اخرك سباك مش عارف ده احساسي من ناحيتك

السواق : والله يا اخينا انا مش مستريحلك مش عارف ليه

احمد : ياعم هوه انا جاي اتجوز اختك هتقولي مستريحلك ولا مش مستريحلك ايه الناس دي

السواق : ياعم متبطل غلط مش عايز اطول لساني عليك

احمد : تطووول ايه انت عبيط يعم انت ولا شكلك كدا

ريم : خلااااااااااااااااااااااااااص انتوا بتتخانقوا

السواق : والله مانا مركبكوا

احمد : احسن يعني هنركب التروماي يلا ياعم شوف انت رايح فين

ومشي سواق التاكسي

واحمد واقف واحد تاني بس شاب كدا وباين عليه لذيذ

السواق : علي فين يا فندم

احمد : المعادي يا باشا

السواق : اتفضل ياباشا

ونزل فتح شنطه العربية ودخل الشنط وركبهم ومشي

السواق : علي فين بالظبط في المعادي يا استاذ

احمد : شارع ..... عمارة ....

السواق : اوك

وبعد خمس دقايق تقريباا

وصلوا

ريم بتتكلم في التليفون

ريم : ايوه يا ماما

مامتها : ايوه يا ريم

ريم : انا تحت العمارة ورجلي مكسورة

مامتها : مكسورة ؟؟

ريم : اه

مامتها : طيب انا هنزلك حالا

ريم : اوكي بس بسرعه

ثواني معلش ماما نازلة دلوقتي

السواق ولا يهمك يا فندم

احمد : علي فكرة انت زوق يعني

السواق : ربنا يخليك

ونزلت مامة ريم

مامة ريم : مالك يا ريم

احمد : هوه دا وقت مالك يا ريم

ريم : ههههههههههههههههههه بس يااحمد

احمد : حاضر

ريم : يلا نزلوني

نزلت ريم وخرج الراجل شنطها

احمد : ثواني معلش هطلعها وانزلك

السواق : ولا يهمك انا معاك

طلع احمد مسند ريم ومامتها معاه

ونور في العربية ولا نطقت بحرف واحد

المهم طلعت ريم ونزل احمد

احمد : يلا بينا يا باشا

السواق : علي فين ياباشا

احمد : لا مش بعيد الشارع الجاي دا وبعد كدا هتوديني الحدايق

السواق : اوكي

وسكون لحظات كدا

وبعدين نور تتكلم

نور : احمد انزل ثواني عايزاك

احمد : اوكي حاضر

نزلوا الاتنين واحمد شال معاها الشنط لحد موصلها لجو العمارة

احمد : خليكي معايا على التليفون

نور : لا انت رخم اصلا

احمد : ليه بس

نور : عمال تهزر مع ريم ومع مامتها

احمد : يا هبلة ريم دي اختي ومامتها مامتي

نور: بس برضه

احمد : طيب خلاص متزعليش كدا

نور : هتقعد قد ايه في البلد

احمد : ده اصلا فاضل علي الدراسة 19 يوم

نور : يعني هتقعد الـ 19 يوم في البلد يااحمد

احمد : لا طبعا هقعد 18 بس

نور : بتكلم بجد بقي متبقاش رخمممممم

احمد : طيب هقولك هوه اسبوع واحد بس علشان ابويا ميزعلش

نور : طيب ابقي طمني عليك

احمد : وانتي كمان هتوحشيني

نور : ايه

احمد : الراجل واقف مستنينى بره

نور : ههههههههههههههههههههه طيب ابقي كلمني اول متوصل البيت

احمد : حاضر

نور : يلا لا اله اله الله

احمد : سيدنا محمد رسول الله

خرج احمد للراجل

احمد : معلش يا باشا اتأخرت عليك

السواق : ولا يهمك ياباشا

احمد : تسلم يارب

ومشيوا واحمد قالوا علي العنوان وووصل احمد بالسلامه

احمد : اتفضل معايا ياباشا

السواق : الله يخليك علشان شغلي بس

احمد : ماشي ياباشا

مشي السواق واحمد طالع علي الشقه

حب يتكلم في التليفون

ياتري هيكلم مين ؟؟؟

اكيد نووووووووووووووووور

المهم اتصل بيها

احمد : وحشتني

نور : بس يا مجنون

احمد : مجنون ليه

نور : بس بقي يااحمد

احمد : طيب خلاص انا وصلت اهو وطالع علي السلم

نور : حمد الله علي السلامة

احمد : عايز اقولك علي حاجة

نور : قول

احمد : انا ان شاء الله لما ارجع من البلد ...وسكت

نور : ها يابني

احمد : ,,.,.,.,.,.,.,.,.,.,.,.

ده الى هنعرفوا مع بعض الحلقه الجاية

واللى هتكون أخر حلقه معانا فى ام القصه اللى طولت معانا دى :D
تحــــيـــاتى

من طرف super_dentist 12/4/2008, 12:14 am

يييييييييييييييييييييييييه

برضو بتقفلي الحلقه على مواقف

هههههههههههههههههههههههه
مستنيين الحلقه الاخيره
بسرررررررررررررعه

من طرف الدنيا حلوه 12/4/2008, 12:18 am

لا الحلقه الاخيره بقي لازم تشويق يابيه ولاايه