اول مواضيع المنتدى .. رايكم في نشاط الاسرة ..

عاوزينكم تكتبوا هنا رايكم بصراحة شديده في نشاط الاسرة .. واذا كان ليكم اي اقتراح او فكرة جديدة انتم شايفين انها ممكن تخدم الطلاب .. ياريت متتاخروش علينا .. وكمان لو ليكم ملاحظة او عيب انتم شايفينه في التنفيذ ياريت برده تقولوا عليه ..
ودلوقتي احب ابشر اعضاء الاسرة ان احنا ان شاء الله هنبدا نظام جديد في الترم التاني لسنة 2008 وهو نظام الاستعارة
ايه هو نظام الاستعارة : كل فرقة ليها حاجات علميه عند ادارة الاسرة والحاجات دي متوفرة على اسطوانات وكانت متاحة الفترة اللي عدت .. بس مكنش ليها توزيع كافي في نظري
علشان كده احنا هنخلي التوزيع مجاني بنظام الاستعارة .. يعني كل عضو في الاسرة له الحق انه يستعير الاسطوانات العلمية الخاصة بفرقته من مقرر نشاط فرقته لمده يوم واحد بحيث ينسخها عنده على الكمبيوتر وبعدين يرجعها تاني ..
وبكده اكبر عدد من الاعضاء ممكن يستفيد ..
ولا انتم شايفين ايه ..
على العموم انا في انتظار ارائكم واقتراحاتكم وتعليقاتكم ..



:idea: :idea: :idea: :idea: :idea:

اولا: شكرا ليك وشكرا لكل اعضاء الاسره على مجهوداتهم وروحهم الحلوه
ثانيا: انا شايفه ان نشاط الاسره ابتدى يزيد وكتير م الطلبه عرفوا عنها اكتر عن اول السنه او السنه اللي فاتت وكتير بقوا بيدخلو ويسجلو ف الموقع ؛صحيح مش كله بيشارك
بس اكيد هيشاركوا ف يوم م الايام وكفايه الاستفاده
ثالثا: انا عجبني موضوع الاستعاره ده وهيكون كويس وكمان دعايه للاسره ان شاء الله

انا شايفه ان الاسره نشاطها كويس جدا بس ناقصها مكن شوية دعايا لازم تعلنو عن كل حاجه بتتعمل علشان الطلبه يعرفو عن الاسره وانجازاتها الاعلانات دى لازم تكون فى الكليه مش بس ع الموقع لان مش كل الناس بتدخل

انا شايفه أن الاسره بدات تطلع للنور أخيرا وبدأ الكل يعرف شويه عن الاسره وخدماتها للطلبه بس علشان الحلو يكمل لازم تهتم شويه بالدعايه والاعلان عن اي حاجه خاصه بالأسره يبقي ف مكان واضح للكل وياريت يبقي ف مكان ثابت لإعلانات الاسره ودائما للأمام أن شاءالله

شكرا لمشاركتك معانا يا دكتور ابريكوت ... وان شاء الله الفترة الجاية هنحاول نزود قدرة الاعلام عندنا

بجد اسره النور اسره جميله ونشاطها رائع وكمان المنتدي انا شخصيا بحبه جدا وبحس ان كل اعضاؤه اصحابي
بس انا كان عندي اقتراح
ايه رايكو ياجماعه نعمل منتدي تطوير الزات ونتكلم عن الثقه بالنفس وكيفيه تطويرها وكمان المشاكل الي بنقابلها يارب الفكره دي تنول اعجابكو
وعندي كمان فكره ممكن نعمل شات اسره النور ونتكلم كلنا مع بعض
ارجو الرد ............................وشكرا