اقتراحات تعديل المنتدى

بسم الله الرحمن الرحيم

احم احم
بعد التحيه لكل اعضاء المنتدى الغاليين اللي حسيت فعلا انهم اخواتي اللي مطلعين عيني

احب اكون اول واحده اشارك برايي

اولا:
اتمنى ان الاستايل والالوان بتاع المنتدى تتغير شويه لانها هاديه وبحس انها فرعونيه شويه

ثانيا:
لما نيجي نكتب الرد بنقى عايزين اختيارات زياده
زي مثلا العبارات الجاهزه للسلام او التحيه او الشكر......كده يعني
وكمان الاسمايلز والانيميز تتحدث شويه

ثالثا:
يكون فيه ايقونه للشكوى
يعني مثلا نضغط ع الايقونه لما يكون الموضوع مكرر
او فيه اي كلام مش مظبوط او صور او اي شكوى

رابعا:
موضوع الصور بتاع الاعضاء
ممكن اي عضو يحط اي صوره
زي مثلا واحده اياكانت بس ماتليقش بالذوق العام
ودي طبعا تختلف من واحد للتاني
يعني واحد يحط صوره واحده دراعها مكشوف او واحده .........
والتاني يحط صوره واحده مش كويسه
كده يعني
وممكن واحد يحط صوره مرعبه والكلام ليكي ياجاره

اقتراحي بقى اننا ممكن نتغلب ع الموضوع ده ان الموقع يكون فيه صور كتير وكويسه
والاعضاء يختارومنها
او ع الاقل لما حد يختار صوره المدير يوافق عليها لو مخالفتش الشروط او الذوق العام
لان اي صوره هتتعرض حيتحاسب المدير عليها قدام ربنا لانه وافق عليها


خامسا:
ممكن يكون للموقع مركز تحميل خاص بيه عشان الصور متتمسحش بعد فتره
انا لقيت الموضوع ده ف معظم المواقع وبصراحه دي فكره رائعه
لان معظم المواضيع فيها صور

سادسا:تعالوا يا بنوتات المنتدى

عندي اقتراح لعمل قسم ف المنتدى للبنات وبس

يعني هيكون فيه مثلا
اعمال واشغال فنيه
موضه واكسسوارات
عنايه بالشعر والبشره
ومواضيع تانيه ممكن نتفق عليها

بس عشان ميكونش في حرمانيه ف موضوع الصور
مش هيكون في صور ارواح ولا اي حاجه مكشوفه
يعني الصور مطموسه ومفيهاش اي حاجه مكشوفه
يعني فستان او اكسسوار لوحده مش لازم المودلز

وبصراحه انا عندي كل حاجه تنفع للقسم ده واوعدكم هيعجبكم جداااااااااااا ان شاء الله

بس عايزه اعرف رايكم ف الاقتراح ده
وعليه ممكن يتنفذ او لا

انا تعبت م الكتابه

ياريت اعرف رايكو ف الكلام اللي تعبت ف كتابته

واعرف اقتراحاتكو الباقيه

والله كلها افكار حلوه ولظيظه

بسش انا عندى طلب لما تغير الاستايل خليك فى الفواااتح بردو مش تغمقها عشان تفتح النفس كدا عاوزين الوان فاقعه ههههههه

ويا ريت يا عمرو لو يكون فى شات فى المنتدى هيبقى جامد جدا

وحاجه كمااان غير الاموشن خليها كبيره كدا وروشه

ولما ارد على موضوع بيظهر رساله انى اشوف رسالتى ولا ارجع للمنتى يا ريت لو تحزفها يا عمرو عشان رخمه اوى

وشكرا لهذه الديمقراطيه يا عمووور

وسلااموووووووووووووووووووووووووووووووووووووز

ليا اقتراح تاني خاص بالاسره
بس انا مش مشتركه فيها
انها ممكن تعمل معرض ف اول السنه
يكون معرض شامل متكامل لاي موهبه اوعمل للطلبه
شعر
رسم
اعمال فنيه
او اي عمل ممكن اي حد يشارك بيه ف المعرض
ومش شرط لاعضاء الاسره بس المشاركه فيه(عشان اعرف اشارك طبعا)
وممكن ده يكون وسيله لتمويل الاسره
متسالونيش ازاي بس هو كده
ممكن تعملو رسم دخول او نسبه ع الحاجات اللي ممكن تتباع


جاتلي فكره حالا :idea:

ممكن نفتح كانتين
حاجه ساقعه بيبس اطلب وادفع
وطبعا شيبسي وبست
كده يعني

بصراحه هينجح جدا ف الكليه
لاننا بنكون عايزين نشرب او ناكل اي حاجه
ومش بيكون ي وقت نطلع بره الكليه ونشتري
وف الاخر نقع من طولنا

ايه رايكو؟

انا مبسوطة جدا من الموضوع دا
انا عندى اقتراحات كتيره :-
1 - انا مع بطوطه ف موضةع منتدى للبنات
بس ثورى يا بطوطه لموضوع الصور ... الصور اللى فالمنتدى كلها محترمة بجد و موضوع تحديد الصور دا مش حلو عشان بيحد من الخيارات قوى
2 - عايزين شريط اخبارى يكون فيه اجدد الموضوعات
3 - كمان ف تعديلات النص لازم تزيد شويه ...يعنى خيارات الخطوط و الالوان
4 - عمل اركان خاصه بالسياسة و الكوره ...و ركن خاص لتنزيل الاغانى و الافلام

هو انا نسيت اديكم المايك عشان تتكلموا وتقولو رايكم


اتفضلو المايك واطربونا

فين عمرو والسوووووبر

و الشاب احك

وتيفور

انتي فين ياتولايتس انتي والاضيشك

؟؟؟؟؟؟؟؟؟؟؟؟؟؟؟؟؟

انتو خدتو الاجازه وصمتو عن الكلام

السلام عليكم

حبيت أقترح شوية أشياء كده ممكن تفيدكوا
1- شكل الموقع به لمسه فرعونية
يعنى لو نظرنا لمواقع أخرى لشعرنا فيها بالتطور
أهما طريقة الأقتباس لازم نضغط عليه وبعدين نضيف الكلام بعدين نضغط تانى
ليه ما يبقاش نضغط مرة واحدة ويطلع مربع نكتبه فيه كل شئ وبعدين نضغط اوك
يعنى دى طريقة أحسن كتير
وكمان فى نوعية الخطوط ياريت تبقى كتير
وكمان الوشوش ياريت تبقى حديثة
وأهم حاجة وتبتقى مفيدة فى المنتدى الأدبى
تكون فى خاصية تغييير لون الخلفية
بحيث تتناسب أكثر مع نوع العمل وتعيش القارئ الجو
2- بما أنى ليا أهتمام بالمنتدى الأدبى
ياريت يتم تقسيمة الى أفرع يعنى فرع الشعر فرع الرعب فرع الرومانسى وهكذا
بحيث القارئ يستطيع أن يختار بعناية ما يود قراءته
يكفى هذا اليوم
لى عودة
soma

هننظر ف اقتراحاتك دي يا فرشه

هي كويسه

شكرا لمشاركتك الايجابيه

انتي فين ياتولايتس انتي والاضيشك

هههههههههه
مااااااااااااشى يا بطوطه


احنا هنعملكم مفاجاءه قريب جدا
وهتشوفوا اللى عمركوا ما شفتوا
وبناقش كل افكاركم كمان
و

ولا اقولك ...انتوا هتشوفوا وتحكموا

خلوها مفاجاءه

كمان ياريت يكون في حفله زي اللي فاتت
والله كانت جميله وعجباني وعاجبه ناس كتييييييييييييييييييير

ممكن نعمل كمان زي حفله لاعضاء المنتدى
بحيث نتعرف كلنا على بعض اكتر
بصراحه هتبقى هايله واعتقد ان الاعضاء هيوافقو عليها



عايزين نبقى نعمل مناقشه لاقتراحات كل واحد لو سمحت

يعني ..... انا بس بحب اسمع الكل بدون ما اقول راي
بخلي راي للاخر علشان ميبقاش لي تاثير على حد

وفي الاخر هطلع بنتيجه فيها اراء معظمكم
وان شاء الله هعمل اللي اقدر عليه من اقتراحاتكم

دا غير اني بناقش اقتراحاتكم دي مع الادارة اول باول

مقولتيش يعنى يا بطه رايك
فيا وف الاضيشى


عجبتك الفجاْه دى

هههههههههه

السلام عليكم
انا عندي اقتراح يارب يعجبكم
انا شايفه اننا ممكن نعمل منتدي تطوير الزات
يعني هنتكلم عن حجات كتيره قوي زي الثقه بالنفس والحجات الي بتضايقنا في نفسنا ونتبادل الاراء وازاي نغيرها وكمان نساعد بعض............
وايه رايكو كمان نعمل شات طب اسنان علي المنتدي؟





انا عندي سؤال هو يوم السبت هيرجع يوم دراسي انا نفسي يفضل اجازه ياريت تعملو استفتاء ياااااااااااااااااااريت مرسيييييييييييييييييييييي

هههههههههههههه موضوع يوم السبت دا قدم جدا خلاص
احنا فعلا لو تزكري عملنا استفتاء السنة اللي فاتت في الموقع وفي الكليه
وكانت النتيجه اغلبيه ب .. لا

اما موضوع الشات فدا صعب نحطه عندنا لان الكنترول على الشات بيبقى صعب جدا
اما موضوع تطوير الزات فدي بسيطه ممكن تحطي المواضيع اللي انتي عاوزاها في منتدى الثقافي الشامل دي وظيفته

انا عرفه والله ان انتو عملتو استفتاء وعرفه ان الاغلبيه لا بس الي هيكون في الاخر انه اجازه ولا لا؟
انا جبت اكتر منموضوع عن تطوير الزات وحطيته في المنتدي الثقافي الشامل بس انا كان نفسي يكون فه تخصيص اكتر ويكون فيه منتدي باسم تطوير الزات وممكن تاخد راي الغلبيه وعلي العموم مش تزعل مني ومرسي ليك................

خلاص هنشوف الموضوع دا في الادارة