صفة تضايقك في شخصيتك ؟؟ اذكرها ولا تخجل ؟؟

حلو قوى ان كل واحد يعرف ان فية عيب والاحلى انه يصلحه
انا فيه عيب وهو العصبيه
بس مش عارفه اصلحه بس بحاول اقلله على قد مقدر

يا " رورو "
الرسول صلى الله عليه وسلم قال
انما الحلم بالتحللم
يعني الانسان ممكن يعود نفسه على انه ميتعصبش بسرعة ودي بتيجي مع الوقت بس لازم تحاولي كل ما تيجي تتعصبي تمسكي نفسك
بس

ازيك يا نيهو مرسي علي ردك
هو فعلا لو حد يهمني انا اكيد هعاتبه ولو مش يهمني بصراحه بنفضله بس مش بحب انا فق
وبحاول اكون دبلوماسيه علي قد ماقدر
بس في الاخر الي انا شايله منه بيبان عليا لما بتعامل معاه ده الي بيزعل الناس مني



ازيك يا رورو منورانا
ناس كتير قوي عصبيه وسعات بكون انا منهم بس المفروض ان الانسان يتحكم في نفسه علي قد مايقدر ويكظم غيظه وده كمان بييجي واحده واحده
وكمان لازم نعرف ان الانسان العصبي بيزعل ناس كتير منه وبيخسرهم
وممكن كمان تشوفي حد مش عصبي في موقف انتي لو مكانه هتنفعلي وهو اتصرف بحكمه ون غير عصبيه ونفس الموقف حد اتصرف بعصبيه اكيد هتعجبك الشخصيه الغير عصبيه وهيعجبك تصرفها وهتحسي انها شخصيه كبيره وجميله اعقل من الشخصيه العصبيه
وكمان الشخصيه العصبيه دي بتضيع حقها وبتغلط نفسها في اي موقف

خدي الروشته دي

مش هاقولك ما تتعصبيش

انا هاقولك ما تتسرعييش
لأن العصبيه دايما صفه من صفات المتسرعين
مش شرط تبقي متسرعه في قراراتك لكن في انتظار رد فعل الناس او متسرعه في الحكم على الناس
فطبيعي لما يخيب ظنك تتعصبي

اوزني الامور وخدي وقتك في التفكير و اعقلي المسائل
هتلاقي نفسك تخلصتي من العصبيه

والاستشاره بعد ازبووووووووع

د/ المكباتي هاني
دبلووون صيانة نوبايل ودش و تركيب سيراميك
عضو الجمعيه التعاونيه للزيوت و الرز

روزته كووووووووول اوي يا مان
بس ايه محل البقاله الي انت فاتحه ده؟

السلام عليكم جميعا وشكرا يا دون على الموضوع الجميل
أما انا فعيوبى لا تحصى ولكن أهمها للأسف واللى دايما بيضايقنى
عيب خطير جدا هو الرياء

العفو يا براف
ياريت تقولهم وتفضفض معانا وتدينا الفرصه نساعدك ونقولك راينا
الريء تقصد النفاق ؟ ياريت تتكلم اكتر وتحكي موقف

مش بالظبط كده يعنى فالنفاق كلمة كبيرة قوى
ولكن هو شعور بالرياء أحيانا بعد عمل ما من الممكن أن يكون امام بعض الناس هو من باب(ان النفس لامارة بالسوء)
ولكنى أعلم علم اليقين أن لا احد على وجه الأرض أو فى اى مكان اخر يستطيع أن يغنى عنى من الله شيئا ولكن اقول انه مدخل خطير من مداخل الشيطان لافساد واحباط اى عمل صالح

ولكن ما يواسينى فى هذا الشأن قول فضيلة الشيخ محمد حسان( ان المرائى حقا هو من ارتاح قلبه للرياء واطمأن به أما من جاهد نفسه وأنكر عليها ذلك فهو على خير ان شاء الله)
وأرجو ان اكون ممن يجاهد نفسه فأمراض القلوب هى أخطر الأمراض عافانا الله جميعا وأصلح سرائرنا انه ولى ذلك والقادر عليه

وشكرا على الموضوع الجميل الذى يتيح لنا التوقف مع عيوبنا والتعلم من عيوب غيرنا

مرسي يا براف
جهاد النفس ده اعظم انواع الجهاد وكمان ثوابه عظيم وده مجهود رائع منك انك تجاهد نفسك علي شئ انت مش راضي عنه لا ن ناس كتيييييير قوي لما بتلاقي عيب فيها بتقول ..........انا كده...............
وحاول تستعين بربنا انه يبعد عنك امراض القلوب دي وربنا يعافينا جميعا ومتستسلمش