الهويه

كدا يا تيفور؟؟
هنهون عليك تسبنا لوحدنا

ومحدش يرتقى بينا

هتوحشنا يا لورد.....رنات بقى
ههههههههههه د

برضه ماله الحنين و ان الواحد يسخن انه ما يسبش البلد دي

و بعدين يا تولايتس الرنات بتبقى غاليه ف بلاد الخواجات

فا انا هانساكو اوفر

هاللو افرى بدى

انا نسيت انا انا اللى حطيت الموضوع


لو افتكرتوا اول الموضوع انا كنت بتكلم عن الهجره مش السفر للخارج


وطبعا فى فرق شاسع بين الاتنين

الهجره فى بعض الاحيان بتبقى شىء اجبارى لو كان البلد اللى انت عايش فيه مضطهدك فى دينك او فى عرقك

زى هجرة الرسول (ص) وزى ما فى شيوخ كتير سابت مصر لما النظام اضطهدها زى الشيخ وجدى غنيم بس لما سافروا للخارج نشروا الدعوه وافادوا اكتر ما كانوا جوه


فالهجرة فى حد ذاتها مش غلط


المهم هو انت عايز تهاجر ليه



لو انت عايز فلوس زى حلاتى مثلا اكيد حتسافر لبلد عربى علشان تلم شويه قرشينات يحطوك فى المستوى اللى انت عايزه

بس حترجع تانى زى بقيت الناس علشان تصرف الفلوس اللى لمتها

ولو عايزه شهاده مرموقه اكيد حتسافر لامريكا او اوروبا علشان تحصل على الشهاده دى


بس برده حترجع علشان تستخدم الشهاده دى فى شغلك هنا يبقى اكيد مش حتكمل فى الغربه
الا اذا كان ليك القدره على المنافسه وانك تستمر هناك علشان تحقق سبق علمى زى زويل

بس مش كل الناس عندهم الفرصه دى او القدره على المنافسه


انماالسؤال اللى بطرحه انك بعد ما خدت الشهاده اللى انت عايزها
او جمعت الفلوس اللى تكفيك


هل حتفضل برضه فى الخارج علشان البلد اللى انت قاعد فيها احسن من مصر وخلاص
او لو انت ما حققتش اللى انت عايزه بس قادر تعيش فى الخارج هل حتعيش علشان انت اسمك قاعد فى بلد متقدمه وخلاص


هنا يظهر موضوع الهويه انك ما دام مالكش لزمه فى الخارج ايه اللى يخليك متغرب

وبعدين انا طرحت الموضوع ده لما لاقيت بعض زمايلنا اللى سافروا لسوريا فى التبادل الصيفى منبهره اوى بالسوريين وتعاملهم
ونفسهم يرجعوا تانى علشان يعيشوا فى سوريا علشان تعامل الناس فى مصر قال ايه

ياى سوفاج

فحسيت ان اللى كنت بتكلم معاه وجهلى اهانه شديده كما لو انه ضربنى بالالم على وشى فحبيت اشوف رايكوا ايه فى الموضوع ده لانه بقى ما يتساكتش عليه

هى حصلت بقى احنا اللى منبهرين بالسوريين ونفسنا نبقى زيهم

دى تبقى هزلت

ايه راكوا فى الموضوع ده

يعنى ايه

انا كمان كنت هقول لا تعليق
بس بدل هتقولى يعنى ايه لا تعليق

بصراحه مش عارفه
بس فعلا احنا بلدنا والحمد لله متاخره ف كل حاجه
وبقوا يقولوا علينا شعوب متخلفه
وانا ان شاء الله ناويه اسافر بس هرجع لبلدى تانى مش عارفه ليه ......بردو هرجع....... بس لازم هرجع
ارجع حتى للبلد اللى اتربيت وعشت فيها ....لاهلى واصحابى والناس اللى حبتهم وحبونى

وعلى اريك اصرف الفلوس اللى حوشتها

good comment
يا تولايتس

ما هو ده اللى انا بقوله ما لوش لزمه النبهار اللى على الفاضى والمليان بكل ما هو غير مصرى لمجرد انه غير مصرى


انه ما بقولش ان مصر كويسه

بس بقيت البلاد مش حتلاقى الخدمين مستنين على بوابة المطار


والله المستعان