الهويه

اكيد لازم نحتفظ بهويتنا وشخصيتنا واصلنا ونفتخر بهم ايضا ولابد ان نتيقن اننا افضل منهم باسلامنا وديننا ولكن من يريد الهجرة يريدمعرفه الحضارات الاخري ورؤيه الجديد والعالم الاخر واكتسابعاداتاكثرتحضر.وايضانتيجه لاصاله الانسان لابدوانيحن لوطنه.ولكن من وجهه نظري رغم الظلم وسوء الظروف في بلدنا ظلم الغريب اكيد اصعب وامر من ظلم القريب.......ززوشكرا للموضوع

بصراحه لو جاتلي فرصه اني اسافر بره

هاخد ديلي ف سناني واطييييييييييير بسسسسسسسسرعه

بصراحه كل الناس اللي عاشوا الفتره الاولي من حياتهم بره مصر ورجعو مصر عشان الدراسه والكليه او اي ظروف تانيه
بيتعقدوا جدا جدا
مش هقول م الفرق الكبير بين المكان اللي اتولد فيه واللي عاش فيه معظم حياته
وبين البلد اللي رجعلها عشان يقضي فيها بقيت حياته اللي هي مصر لان ف خانه الجنسيه مكتوب مصري

بصراحه مفيش وجه مقارنه خالص ولاتعرف تقارن اصلا

هتقارن بين النظام ولا النضافه ولا التعليم ولا مستوى المعيشه ولا نظام الحياه ولا ايه ولا ايه...................

دا اللي مولودين ف مصر بيهجو منها ويعرضو حياتهم للخطر عشان وهم السفر
وبيتهيقلهم انهم هيحققو اللي عمرهم محققوه

بس كله بيقولك هجرب يعني هيحصل ايه اكتر م اللي بيحصلي ف بلدي

وفي مقوله بسمعها كل يوم ف التلفزيون وبقأها ف الجرنان

ان المواطن المصري أرخص حاجه ف مصر

والاحداث بتثبت كده

وكل ده ومكلمتش عن كميه الظلم المنتشره بطريقه رهيبه
ظلم ف كل حاجه
يكاد يكون مفيش بيت فيكي يا مصر الا ونال من الظلم والقهر كتييييييييييييير

كفايه كده وجعتو قلبي

لا يا بطوطه انا مش معاك خالص
انا عاوزه اقولك حاجه ان معظم الاطفال اللى بيتربوا بره مصر
بيرجعوا مش عارفين ازاى يتعاملوا مع الناس
لانهم بيبقوا فى عزله يا دوب بيتعاملوا مع ابوهم وامهم وجيرانهم ده اذا عرفوا كمان
لا انت هنا بتتربى وسط اهلك وجيرانك وبتعرفى ازاى تواجهى الحياه مش زى اللى هناك
كل حاجه مجابه ليهم وهما قاعدين
ودى بصراحه عن تجربه شفتها فى قاريبى متربيين فى الكويت طول عمرهم ودارسين هناك يادوب بيجوا فى الاجازة
مبيعرفوش يتعاملوا مع الناس ولاحتى اهلهم

لكن ممكن الواحد يسافر بره سنه او اتنين عشان يحوش فلوس لبيته وعياله
بس مش يقضى بيقه عمره هناك
فين الانتماء؟؟؟؟؟
للبلد والاهل

ايوه هو ده الكلام يا امالجم ولووكى
مهما كانت المشاكل لازم بتلاقى حاجه بترجعك لبلدك تانى

انا عمرى ما تنازلت او هتنازل عن هويتى المصريه
هتنازل ليه يعنى وعشان ايه؟؟
عشان اسافر اوروبا واقلد الغرب!!!!!!!!

الواحد بدل عاش ف حته بيتاثر بيها وهى كمان بتاثر عليه ومش يعرف يغير كل ده
لكن ممكن اسافر ف دوله عربيه فتره معينه اكون نفسى مثلا وارجع لبلدى تانى
لكن مش اهجرها خالص ده كفايه ان اهلى واصحابى فيها

انا عندي راي في الموضوع الجااااااااامد ده

طبعا مش ممكن حد يتنازل عن هويته المصريه
و لو حد كان سافر بره قبل كده حتى و لو بلد عربي هيعرف قيمة بلده
لانه بجد عمره ما هيحس بالامن غير فيها

كفايه اوي انك تبقى قاعد في بيتك و انت في بلدك مطمن انه مش هيحصلك حاجه و حشه
انما احساس الغربه ده صعب جدا جدا جدا
و الناس اللي سافرت اكيد عارفه كده
انا كنت في السعوديه و بجد ماكنتش برتاح الا لما انزل اجازه لمصر

انا رايي زي لووكي انك لو هتسافر يبقى علشان تحقق هدف معين
انما مش علشان تهاجر من البلد

شكرا عالتوبيك الجميل ده

طبعا انا راي يمكن ناس كتير عارفاه ... موضوع اني بتمني اهاجر او اخد جنسيه دي حاجة من المستحيلات اللي ممكن حتى افكر فيها ...

صحيح بلدنا كلها مشاكل ... وفساد في كل شيء من الالف للياء
فساد في التعليم والصحه وحتى انهيار الاخلاق .. وهو ده اللي خلى كتير جدا من الشعب عاوز يهج بره

انما برجع واقول احنا اللي عملنا في نفسنا كده ... المصري هو اللي اهان نفسه بره وجوه
لكن لو واحد اعتز ببلده واحترم ذاته الدنيا كلها هتحترمه ... وانا ليا تجربه في كده لاني عشت اهم خمس سنين في حياتي بره مصر ... حيث النظافه والتعليم والصحه زي مانتم بتقولوا .. انما كنت لما برجع مصر في الاجازه كنت بحس ان روحي ردت فيا .. مع العلم ان البلد اللي كنا فيها (( السعوديه )) كانو متمسكين بوالدي جدا انما هو اللي نزل علشان اخويا خلص ثانويته العامة ... الخلاصه يعني كنا عايشين هناك احسن عيشه زي مانتم بتقوقوا ... انما الغربه مفيش اصعب منها

ولما جيت مصر صحيح في صعوبات واجهتنا في البدايه لحد ما تاقلمنا عليها ... انما على قد ما شفت في مصر من فساد وانهيار على قد ما انا متمسك اني افضل فيها ... حتى اني مش ناوي اسافر اصلا الا مضطر ولفتره محدوده جدا

صدقوني يا جماعه احنا اكبر بكتيييييييييييييير من اللي فاكرينه .. بس ناقص نفوق ونعرف قدرنا .. وساعتها البلد دي هتكون احسن بلد في كل شيء ... بلدنا مش ناقصها اي حاجة غير ناس بتحبها وبتخاف عليها ..

انتو بتخلطو ما بين حاجات كتير

1. السفر اثناء الطفوله و روحك اللي ببترد لما ترجع مصر ده علشان ان هنا اجازه و فسحه و اهل و خروج لنما هناك حبسه و مذاكره يا خروج للجمعيه او السوق عشان تشتري حاجة البيت ما انا كنت ف الكويت لغاية 2 اعدادي
2. سفر السعديه عشان تحوش قرشين ده تحسين للدخل فقط
و ليس نعمه بل هو شقاء مقدر ماليا لانك هنا مش هتلاقي الفلوس

ومش عايز اسمع عش العصفوره يقضينا و لقمه بجبنه تغنينا و لحاف الحب يغطينا الخ
انت هنا بتشتغل ليل نهار و ماكسيمم بتغطي تكاليف المعيشه
هناك بتشتغل عدد ساعات معين و بتعيش مش محروم و بتحوش
يا عم لو انت هنا عندك فلوس ايه اللي يسفرك عشان الفلوس

حط الفلوس تحت رجليك تعليك.....حطها فوق دماغك توطيك

3. السفر و الهجره لبلاد محترمه منظمه جو نضيف و مجتمع اسلامي متكاتف اكتر من هنا ميت مره و الامثله كثيره فرصه للتعلم الصح ليك و لاولادك. وانتوا دايما بتشتكو من التعليم المعفن اللي انتو اصلا ضحيته قبل ما تكونو نتاجه

انا مع طلب العلم ولو في الصين
انا نفسي اخلص من البلد دي عشان احنا بنتحارب من اللي حوالينا
نفسهم يهدو نجاحنا و كل حاجه بقت بالواسطه و الغش( انا ماكرهش في حياتي اده)

يا راجل دا حتى الثانويه العامه فيها غش و لعب ف الكنترول

ولعلمكم احمد زويل خلص تعليم ف مصر بس بقى اسمه احمد زويل لما طلع بره

و ده واحد
في الاف مؤلفه علماء و ناس عايشه كانت هاتندفن هنا
ليه بلدك مش بتاعت زويل
بلدك بتاعت اليسا و هيفاء و ابو تريكه و استاذ محمد اللي مروح ف اليوم يوميته 5 جنيه

انا مش عايز اعقدكو انما الحكايه اكبر من الحماسه للوطن الحبيب








شفتو ان نانسي عجرم هاتتجوز دكتور سنان

يا رافعين رايتنا في الخارج

ماظنش انها كانت تقبل بيك يا عمرو و لا يا سوبر عشان انتو بتموتو ف تراب مصر

جاتكو نيله ف حظكم الهباب

بكره تعرف

لانك مش عايز تعرف دلوقتي
مغمي عينيك
بص حواليك

عايزك تنزل الساعه 6 الصبح تجيب ب جنيه عيش و انت تعرف هاتسيب البلد دي لمين

هاتسيبها لاصحاب الوسيه اللي مستعبدينا

و هذا ليس خلافا للراي

بل هي نظرات من زوايا مختلفه لواقع الحياه

طب ما حضرتك لسه اعد فيها اهو يا تيفور

اكيد مش عشان هى احسن بلد ف الدنيا
بس لو دورت جواك هتلاقيك اعد فيها عشان بتحبها ومرتبط باللى فيها حتى

لأ طبعا

انا قاعد علشان خاطر عيونكم

دا انتو تنحسو بلد و تشبكو الواحد و تربطوه وتعملوله عمل ما يوعى يقوم من النوم.








الحكايه مش كده
انا قاعد لأن دي مرحله كان لا بد منها
انما المرحله اللي جايه انا بدور دلوقتي على سفر لبره علشان اتعلم احسن
و ابني لنفسي مستقبل افضل.

بيتهياقلي و توافقيني في الرأي ان تيفور ده لو اتصقل بخبرة اجنبيه مش هيبقى اشطر
هيبقى انفع للطلبه. هيعلمهم الحاجات الجديده بدل تاريخ العلم اللي بياخدوه

مهو ده قصدى يا تيفور
حضرتك هتسافر ةتتلعم اكتر وهترجع عشان تعلمنا احسن من كدا
يعنى عشان بتحبنا وعايز ترتقى بينا
ولو ارتقيت بينا يبقى كلنا هنرفع من قيمه بلدنا وهنحسنها

شوفت بقى ان هدفنا كلنا واحد يا لورد :032:

لأ يا حاجه تولايتس

مش بس الفكره اني ارجع ارتقي بيكم

ما هو لما زويل و غيره رجعو عشان يرتقو بالبلد

السيستم وقفهم و عجزهم

فرجعو برضه تاني بره عشان يرتقو بأنفسهم

انت من ساعة ما طلعت عنبيتين ف دراعك و مناخيرك عليت اوي

اوعدك هابقى اغني : ما شربتش من نيلها