العيب من مين؟

بسم الله الرحمن الرحيم
اما بعد
انا كنت عاوز اسال سوال
هو العيب من مين مننا ولا منهم؟
حال بلدنا فى تدهور هل ده بسببنا ولا بسببهم؟
هل نحن شعب كسول ام شعب صبور ام شعب سلبى؟
هل فعلا هم بيعملوا واحنا بنهدم ولاهما ما بيعملوش واحنا مش لاقيين؟
هل مفيش حد مبدع ولافيه و مش لاقى فرصه؟


اكيد العيب من معرفش!

هو العيب من مين مننا ولا منهم؟
حال بلدنا فى تدهور هل ده بسببنا ولا بسببهم؟

طيب نعرف الاول مين المقصودين بالضمير هم
عشان نرد

بس بصفه عامه
لايغير الله مابقوم حتى يغيرو ما بانفسهم

يعني العيب فيا وفيك وفيهم وفينا اذا مكناش بدانا بنفسنا وكان لينا دور ايجابي
ف البيت والشارع والمجتمع اللي احنا فيه
ومنقعدش نتهم بعض مين السبب مين السبب من غير منتحرك

مش محتاجه كلام العيب مننا ... لسبب بسيط جدا
الرسول صلى الله عليه وسلم قال " كيفما تكونوا يولى عليكم "
فبساطه احنا شعب سلبي زي ما قال الشيخ الشعراوي

واحيانا انا شخصياً بحس بالاحباط الشديد
انما في الاخر بقول اللي انت بتعمله لو هو للناس يبقى تبطله ولو هو لله .. فاللي عند ربنا مش بيضيع

فالحل ان كل واحد يحاول يصلح مش في نفسه وبس .. لان دي نظره سلبيه جدا .. وعمر دينا ما قال اصلح من نفسك فقط
والا بكده نكون اهملنا قاعده شرعيه مهمه وهي الامر بالمعروف والنهي عن المنكر
ودا طبعا مش بالعنف او بفرض الراي زي ما في ناس بتعمل
انما بالكلمه الطيبه وبالعقل

ولازم نحاول نصلح من اللي حوالينا كمان .. ودا مش بيكون بالكلام والشعارات اللي لا بتقدم ولا تاخر
انما بتكون بتقديم نموذج كويس للانسان المسلم
وتقديم خدمات حقيقيه للمجتمع اللي حواليك ..
هتقولوا ازاي .. انا مش مطالب اقولك ازاي .. انا مش هفكر لكل واحد فيكم .. انما كل واحد ظروفه بتتيح له انه يخدم الناس باسلوب معين

وفي النهاية ربنا بيدي الحكم لمن يشاء .. مش لانه كويس او غني او قوي
فربنا ادى الحكم للنمرود وسيدنا ابراهيم موجود على وش الدنيا
وانما بيدي الحكم على ما يكون عليه المحكوم

وبالطبع احنا سيئين جدا وعشان كده كان نظام حكمنا سيء جدا
وربنا يهدي شعبنا الى الطريق الحق

(أن الله لا يغير ما بقوم حتى يغيروا ما بأنفسهم)

علي فكرة بلدنا احسن كتير من غيرها
و اللة لو بعدتوا عنها هتعرفوا قيمتها
اسأل مجرب

يا دينا حب البلد حاجة وحب النظام حاجة تانيه خالص
وكتير من الناس مش بيفرقوا بين الاتنين ودا اكبر غلط
يعني مثلا ممكن واحد علشان مش بيحب النظام يقوم يكره البلد
وميبقاش عنده اي انتماء
ودا طبعا مشكله كبيره جدا

انما بقه حبي للبلد هو اللي بيخليني عاوز نظام محترم بيخاف على مصالح الناس ومخلص للبلد قبل ما يكون مخلص للكرسي وان كان على حساب البلد

كلام كبير اوى يا عمرو
وانت بس يا دينا عشان بره مصر حسيتى بكده
لكن المشكله كلها بتنحسر فى ان كل واحد معتمد على غيره وبيقعد يقول انا مالى
هو انا يعنى اللى جات على عشان اصلح البلد
ولو كل واحد اهتم بشغله بس كان البلد مبقاش ده حالها
وخلينا نشوفك يا دينا :D :D

انا رايى ان العيب مننا احنا الاتنين من النظام ومن الافراد لان الشعب اتعود على الكسل وعدم حب العمل تلاقى الموظف لو مفيش رقابه يروح الشغل ساعه ويرجع اتعودنا ان الواحد مش بيجى غير بالضرب فوق الدماغ
انتم حتى عارفين فى الامتحانات يكون قبل الماده اربعه ايام والواحد ما يذاكرش اللى اخر يوم بس للاسف النظام هو اللى عودنى على كده من صغرى واصبحت طبيعه لا تتجزأ من الشعب المصرى ارجو الرد باركولى انا بجحت وجبت جيد جدا فى سنه تانيه

ألف مبروووووووووووك

عقبال البكالريوس

بص يا بومبو
مصر دي اجمل بلد في الدنيا بأهلها بس وانا ليه تجربه شخصيه من اسبوع بس تثبت كده
انا كان ليه رد قبل كده في موضوع تاني كنت بقول فيه ان انا مش بحب مصر بس دلوقتي انا بقولك مصر دي مفيش زيها
من واجبنا عليها اننا نخليها احسن بلد في الدنيا
انت لو بتقول ان العيب مننا احنا ومنهم هما كمان
بس هما مين احنا وهم دول
احنا :هو انا وانت واصحبنا واهلينا ومعارفنا وجيراننا
هم : بردو انا وانت واصحابنا واهلينا ومعارفنا وجيراننا
كل واحد فينا مسئول في مجاله
يبقه لو كل واحد فينا صلح من نفسه المجتمع كله هايتصلح لان احنا المجتمع
ومبروك يا برنس علي النتيجه

طبعا كلنا بنحب مصر
وعشان كده عاوزينها تبقى احسن بلد في الدنيا ونغير كل السلبيات اللي فيها
مشربتش من نيلها؟؟؟؟؟

والف مبروك النجاح

الله يبارك فيكم كلكم واتمنى التوفيق والنجاح لكل اعضاء المنتدى ويارب يكون اعضاء الاسره والمنتدى قدوه مميزه فى الكليه

amalgam كتب:طبعا كلنا بنحب مصر
وعشان كده عاوزينها تبقى احسن بلد في الدنيا ونغير كل السلبيات اللي فيها
مشربتش من نيلها؟؟؟؟؟

والف مبروك النجاح

الله يبارك فيك وعقبالك يا رب انا بدات مناقشه الموضوع كطرح اسئله فقط وابديت رايى بعد كده ممكن تقرأه
مش معنى ان ناقشت الموضوع يبقى مشربتش من نيلها ده انا مصرى وابن مصرى وابن مصرى وابن مصرى وابن مصرى الله عليه
بس انا عاوز بلدى تكون الاحسن
للاسف
بتوجعنى اوى لما الاقى بلدنا بترجع لورا كل يوم
بزعل اوى لما الاقى جارى ولا زميلى زلا صديقى ولا حبيبى ولا اخويا مش قادرين يكفوا احتياجتهم علشان الحال اللى احنا فيه
هقولك ياعم اركب اى عربيه ميكروباص وافتح متلا الموضوع ده مع الناس البلد وحال البلد هتسمع

ولكننننننننننننننننننننننننن
يكمن هذا كله فى بعدنا عن ديننا وهرولتنا وراء الدنيا حتى نسينا ان هناك اخره




اللهم اهدنا اهدى شعبنا وحكامنا وقادتنا الى ما فيه خير واصلح بلادنا وردنا اليك ردا جميلا غير مخذِ ولا فاضح