رد: خيانية الصديق او خيانية الحبيب

من طرف ahk 29/6/2008, 12:12 am

صح بس الوصف اللى انت وصفته للصديق ده
انا شيفه فى الحبيب
لأن من رأى ان الحبيب صديق تم ترقيته
بس
ولو مكنش الحبيب كده يبئى مش حبيب
ده رأى

من طرف super_dentist 29/6/2008, 1:02 am

ازاي يا تيفوووووووور

ده حبيبك لازم يعرف كل حاجه بتحصل معاك
الحلو و الوحش

ممكن انت تبقى مش عايز تزعله دي نظريه تانيه
انما المفروض انه صديق قبل ما يكون حبيب

الاختلاف في الراي لايفسد للود قضيه يا تيفووووووووو

من طرف master_dentist 29/6/2008, 3:55 am

اظن ان التخيير بين خيانة الصديق وخيانة الحبيب كالتخيير بين الموت شنقا والموت خنقا

كلاهما تعبيرين مختلفين والمعنى واحد

انا من راى تيفور ان الواحد مرتبط بالصديق اكتر من الحبيب وده يرجع لان الصديق هو اكتر واحد بتقى معاه وقتك
وخصوصا انه بيكون من نفس جنسك فبتبقى مشاكلكوا مشتركه واحلامكوا متشابهة وبتقوله على حاجات ماتقدرش تقول لحبيبك عليها

اما الحبيب وخصوصا لما يكون الحب مشترك انت ممكن تحكيله على مشاكلك وتشركه فيها بس علشان تختبره انما ما اظنش انك ممكن تحكيله على كل مشاكلك زى صديقك لانك ما تحبش تدايقه

بس ده لما يكون الحب من الطرفين ولازم ينتهى بالزواج لان حب من غير زواج امر مرفوض
وغالبا دلوقتى ما فيش حب بيستمر وينتهى بالزواج لان معظم الزواج تقليدى بس ياريت فعلا ان الاتنين يكونوا بيحبوا بعض قبل الزواج حتى لو بدا فى فترة الخطوبه بس

انا نفسى عمرى ما جربت الحب من طرفين ممكن اكون حبيت حد من طرف واحد وساعتها ما اقدرش احاسبه على الخيانه

لذلك اظن ان ارتباطى باصدقائى الحقيقيين اقوى من ارتباطى بحد تانى لذلك خيانة حد منهم ممكن تسببلى اكتئاب

من طرف ahk 29/6/2008, 12:06 pm

رأكيو انتو ال 2 من رأى ابن المقفع
ولكن الى انا شايفه ان علاقة الجبيب دى رباط مقدس (جواز يعنى )
ولو مكنتش تقدر تقوله كل حاجة أو
يكون بنكو احساس ان انتوا روح واحدة
ده عمره ما كان ولا هيبئى حبيب
الحب الى بجد
أسمى علاقة منمكن تشوفها ده رأى الخاص
وبعدين عمر ما يكون فى حبيب من طرف واحد
لأن ده اعتقاد عندك انت وبس
و بالتالى مفيش طرف تانى للمعادلة فأصلا مفيش علاقه
والسلام عليكم ورحمة الله و بركاته

من طرف twolights 29/6/2008, 2:02 pm

انا من راى السوبر واحمد

الحبيب قبل ما يكون حبيب بيكون صديق
ومعنى انى اخترت حبيب انه هيكمل معايا مشوار حياتى
يبقى ازاى اخبى عليه حاجه مهما كانت حلوه او وحشه
لانه already هيبقى معايا وهيعرف كل حاجه

اما بالنسبه انى ازعله دى
معتقدش انى لما الجاله ف مشكله ليا او احكى حاجه مضايقانى واخد رايه فيها ..هتزعله
بالعكس ده هيفرح انى مش اخدت براى حد الا هو ومكانتى هتزيد عنه

لكن مش معاك خالص يا
master_dentist

ازاى بعد ما اخترت حبيبك لسه ناوى تختبره؟
لو لسه مش عرفته على حقيقته وفهمته صح.......يبقى ده مش حبيب وانت مش اخترت صح (مع احترامى طبعا لحضرتك)

من طرف master_dentist 29/6/2008, 7:02 pm

انا فعلا لسه ما اخترتش اصلا

ممكن يكون عندكوا حق ويمكن انا علشان ما جربتش معلوماتى مش كامله يمكن

بس انا حاليا علاقتى باصدقائى اقوى علاقه حتى من علاقتى باقاربى

جايز اكون غلطان بس لما اجرب علاقة الحب دى ممكن راى يتغير

بس مش حقولكوا

من طرف twolights 29/6/2008, 7:13 pm

لا....انت كدا هتفهم غلط

مش شرط اننا نجرب الحب عشان نتكلم عنه
بس دى حاجات معروفه ولازم تبقى موجود ف الحب

عشان تعرف تحب صح...لازم تعرف كل حاجه عن الحب ده
ولازم اللى يجرب يقووووووول :lol!:

من طرف ahk 29/6/2008, 7:50 pm

بص يا مستر دنتست
انت بتقول ان علاقتك بأصحابك أقوى من علاقتك بقاريبك
وعلى فكرة ده حال المعظم ان لم يكن الكل
بس تخيل ان حد من قريبك بئى صحبك الأنتيم
بالمثل هو ده الحبيب بعد ما كان صديق
وبعديت متوديناش فى داهيه هتخلى الناس يقولو علينا خبرة

من طرف master_dentist 29/6/2008, 8:02 pm

ما نت خبره اهه فعلا يا ahk
انت كده عندك حق بس ده لما يكون الحب نما بين اتنين اصدقاء
انما لما الحب يكون من اول نظره
يبقى ايه الحال

من طرف ahk 29/6/2008, 9:24 pm

مهو من أول نظرة دى
يا من طرف واحد ودى الأحسن تنساها
أو من طرفين
وفى الحالة دى هتبئى أقوى علاقة
ههههههههههههههههه

من طرف super_dentist 29/6/2008, 9:44 pm

اشطه عليك يا احك يا جااااااااااااااااامد
هو ده الكلام

من طرف mohamedali 30/6/2008, 1:27 am

مش بقولك خبره يا واد يا كبير

من طرف ahk 30/6/2008, 2:30 am

هتودونا فى داهية

من طرف master_dentist 30/6/2008, 3:11 am

يا عم ولا يهمك ما كل الناس اللى ردت على الموضوع ده خبره برده بس كل واحد على اده

من طرف tifour 30/6/2008, 11:33 pm

انتو كلامكو جميل

و الخبره مش لازم تبقى عمليه او نظريه

انما ممكن تبقى تجميع فكري لمواقف ف الحياه

و كل ما تعيش اكتر تشوف اكتر

من طرف super_dentist 1/7/2008, 3:21 am

كلامك حكم يا تيفوووووووووور

من طرف mohamedali 1/7/2008, 3:30 am

درر والله درر يا تيفور

بس سؤال انت مش ناوى تترقى بقى وتبقى تيفايف وتيسكس والكلام ده ولا ايه

من طرف tifour 2/7/2008, 6:27 pm

ما توديش نفسك ورا الشمس