أنا بكــــــــــــــــــــره الفرنساوى
+9
super_dentist
amr_yadak
tifour
marmer
thescorpion
doby
dr_lala
amalgam
dr_mony_2010
13 مشترك
صفحة 1 من اصل 2
صفحة 1 من اصل 2 • 1, 2 
أنا بكــــــــــــــــــــره الفرنساوى
من طرف dr_mony_2010 9/6/2008, 12:45 pm
من اول ما دخلت الثانوى كان عندى عقده خاصة مع الفرنساوى و لا افقه فيه اى شئ
و القصة دى لقيت فيها نفسى و قلت اجيبها لكم عشان تقروها
القصة
مش عارف بصراحة ليه الفرنساويين بيتكلموا فرنساوي؟؟ يعني إيه لزمتها مطة الدلع اللي في الآخر دي.. وكمان شوية الشرطات اللي فوق الحروف.. شوية ع اليمين وشوية ع الشمال، واحنا مش فاهمين أي حاجة.. يعني فيها إيه لما الفرنساويين يحسنوا مجموعهم ويتكلموا إنجليزي؟؟! على الأقل يوفروا وقت في مط الحروف.. مش عارف ليه الفرنساوي بيفكرني بـ"هند رستم" في دلعها.. إنما الإنجليزي حِمِش كده بيفكرني بـ"عتريس" في (شيء من الخوف).. يعني معلومات اسمها (إنفورميشن).. خلاص انتهينا.. حمش حمش يعني.. إنما بالفرنساوي اسمها (إنفورماسيووووو) صلاة النبي.. ويا سلام لو الواحد أخنف أصلا بقى.. وللاّ عنده لدغة في الراء.. ده يبقى فرنساوي بتاع بلده صح!!
أنا كل علاقتي بالفرنساوي بدأت في الثانوية هي النشيد اللي في أول صفحة في كتاب سنة أولى.. بتاع (أنا اسمي "جون"، وعندي أخت اسمها "مارتين")..غير كده اعتبر إنك بتكلم عالم سمسم!!
المدرس يوقفني في الفصل: اسمك إيه؟
أجاوب بالفرنساوي طبعا: أنا اسمي "جون"، وعندي أخت اسمها "مارتين".
ـ طب عندك كام سنة؟
ـ حضرتك قلت لك: أنا اسمي "جون" وعندي أخت اسمها "مارتين" بقى..
ـ يا بني طب كيف حالك؟؟
ـ يا دي الغباء بقى.. بيجيبوهم منين دول؟؟ يا عم الذكي باقول لحضرتك: أنا اسمي "جون" وعندي أخت اسمها "مارتين".. أظن واضحة يعني!!
نجحنا في الثانوية، ورحت قسم إنجليزي، بس لقيت فيه مادة فرعية فرنساوي.. وطبعاً باحمد الله عديت من كل المواد الإنجليزي ما عدا الفرنساوي، مع إنها مادة فرعية أي كلام يعني.. أول سنة أنجح بس معايا الفرنساوي.. تاني سنة برضه.. تالت سنة برضه.. يا جماعة أنا كده بقيت (مُعيد) في الفرنساوي مينفعش كده.. لازم حل..
دخلت آخر سنة بقى بامتحن آخر امتحان للفرنساوي.. قعدت في اللجنة، ولقيت واحد قاعد قدامي قال لي: هو إنت "أشرف توفيق"؟؟
قلت: ما شاء الله.. هو التليفزيون اللي فاضح الواحد كده!! أيوه حضرتك..
ـ أصل أنا وانت الوحيدين اللي شايلين المادة دي أصلا في الكلية.. والدكتور عارفك بالاسم..
ـ ما شاء الله.. طب كويس.. والدكتور ماقالكش تبلغني رسالة شكر وللاّ حاجة؟؟
ـ نعم؟؟
ـ لا خلاص.. قول لي.. إنت ذاكرت الكتاب بقى بتاع الفرنساوي؟؟
ـ كتاب إيه؟؟
ـ كتاب الفرنساوي بتاع السنين اللي فاتت.. مش ده اللي هنمتحن فيه؟؟
ـ يا عم الدكتور لغى الكتاب أصلا.. وجاب لي ورق هو اللي هييجي منه الامتحان!!
ـ طب والناس اللي هيمتحنوا في الكتاب القديم حضرتك قاعدين فين دلوقتي بقى؟؟
ـ يا عم مفيش كتاب قديم خلاص!..
طبعاً كانت مفاجأة عصيبة.. إذا كان أنا أساسًا بقالي كام سنة شايل المادة اللي أنا بدأت أحفظ أسئلتها.. أمال لما تيجي أسئلة تانية من دروس تانية مكتوبة أساسًا باللغة السنسكريتية دي ها اعمل فيها إيه؟؟
طبعًا من قبل ما نتكلم إزاي هنغشّ إن شاء الله.. المراقب جه وقال: يا جماعة لما الامتحان يبدأ اللي عايز حاجة ياخدها من التاني عادي.. تعاون تعاون يعني!!
قلت له: حضرتك إحنا بقالنا أربع سنين شايلين المادة دي.. إحنا ميييييح أساساً.. يعني لو سبتنا مع بعض احتمال نخلي الدكتور هو اللي يشيل المادة!!
بدأ الامتحان.. وطبعاً أول سؤال كان بيقول: تكلم عن السياحة في مصر.. وبما أني حافظ إجابة السؤال ده بالحرف.. فكتبت بالخط العريض:
ـ أنا اسمي "جون"، وعندي أخت اسمها "مارتين"!!
وبعد شوية:
ـ "أشرف"؟؟ إنت عملت السؤال بتاع صح وغلط؟؟
ـ هو رقم كام ده؟؟
ـ يا بني السؤال الرابع..
ـ بس السؤال الرابع ده مفيش قدامه أقواس!!
ـ متقلقش.. هما بس عايزين يغلطونا.. بس على مين!!
ـ يا بني يغلطونا إيه؟؟ الدكتور عارف إنه لو جاب الامتحان بالعربي هنسقط برضه.. هيّه ناقصة غلطات؟؟
ـ يا عم صدقني..
ـ خلاص.. إنت حر.. عموما ما دام السؤال الرابع طلع صح وغلط بقى.. الاتنين الأولانيين صح.. والتانيين غلط.. والأخيرة أنا شاكك فيها!!
ـ متأكد؟؟
ـ طبعا يا بني.. أنا حالل الامتحان كله في أول خمس دقايق.. ومتنساش أنا برضه "جون"، والأجر على الله، وعندي أخت اسمها "مارتين"!!
ـ طب خد المسطرة دي هتلاقي عليها إجابات الامتحان اللي أنا حليته..
ـ طب ما تجيب الورقة أسهل يا بني ما دام كده كده بنحل سوا أساساً!!
ـ لا يا بني اتق الله.. حرام!!
ـ فعلا عندك حق!!
أخدت المسطرة وعشت بقى.. طبعا اللي بيغشش مش فاهم حاجة واللي بيغش مش فاهم حاجة.. تصوروا بقى اللي اتكتب كان إيه أساساً؟؟
اللي أنا فاكره إنها كانت كلمات إنجليزي تماماً بس عليها شوية شُرَط بقى.. إشي ع اليمين وإشي ع الشمال.. وإشي في النص.. شكِّلت الورقة كلها -بالصلاة على النبي- نحوياً فتحة وضمة وكسرة.. زي الفل..
طلعنا من الامتحان مية مية.. الولد راح يقابل الدكتور عشان يراجع معاه.. وطبعا أنا واقف بعيد ولا أعرفه يا حضرة البكباشي.. مراجعة إيه حضرتك؟؟ الدكتور ده لو قال ألماني أنا هاصدقه!!
الولد قال للدكتور: يا دكتور هي إيه إجابات السؤال بتاع صح وغلط؟؟
رد الدكتور باستغراب: صح وغلط إيه يا بني؟؟ مفيش في الامتحان صح وغلط!!
ـ أمال السؤال الرابع ده بتاع إيه؟؟
ـ ده بتاع صحَّح الجملة..
طبعا أنا سحبت الواد من إيده.. عشان نهرب من الموقف.. بس السؤال اللي كان شاغل دماغي ومخليني قلقان: يا ترى مين فينا اللي هيطلع الأول ع التاني؟؟ ولو هو طلع الأول عليّ.. يبقى يا ترى مين اللي وراه؟؟
منقووووووووووووووووووووووووووووووووووووووووووووول
و القصة دى لقيت فيها نفسى و قلت اجيبها لكم عشان تقروها
القصة
مش عارف بصراحة ليه الفرنساويين بيتكلموا فرنساوي؟؟ يعني إيه لزمتها مطة الدلع اللي في الآخر دي.. وكمان شوية الشرطات اللي فوق الحروف.. شوية ع اليمين وشوية ع الشمال، واحنا مش فاهمين أي حاجة.. يعني فيها إيه لما الفرنساويين يحسنوا مجموعهم ويتكلموا إنجليزي؟؟! على الأقل يوفروا وقت في مط الحروف.. مش عارف ليه الفرنساوي بيفكرني بـ"هند رستم" في دلعها.. إنما الإنجليزي حِمِش كده بيفكرني بـ"عتريس" في (شيء من الخوف).. يعني معلومات اسمها (إنفورميشن).. خلاص انتهينا.. حمش حمش يعني.. إنما بالفرنساوي اسمها (إنفورماسيووووو) صلاة النبي.. ويا سلام لو الواحد أخنف أصلا بقى.. وللاّ عنده لدغة في الراء.. ده يبقى فرنساوي بتاع بلده صح!!
أنا كل علاقتي بالفرنساوي بدأت في الثانوية هي النشيد اللي في أول صفحة في كتاب سنة أولى.. بتاع (أنا اسمي "جون"، وعندي أخت اسمها "مارتين")..غير كده اعتبر إنك بتكلم عالم سمسم!!
المدرس يوقفني في الفصل: اسمك إيه؟
أجاوب بالفرنساوي طبعا: أنا اسمي "جون"، وعندي أخت اسمها "مارتين".
ـ طب عندك كام سنة؟
ـ حضرتك قلت لك: أنا اسمي "جون" وعندي أخت اسمها "مارتين" بقى..
ـ يا بني طب كيف حالك؟؟
ـ يا دي الغباء بقى.. بيجيبوهم منين دول؟؟ يا عم الذكي باقول لحضرتك: أنا اسمي "جون" وعندي أخت اسمها "مارتين".. أظن واضحة يعني!!
نجحنا في الثانوية، ورحت قسم إنجليزي، بس لقيت فيه مادة فرعية فرنساوي.. وطبعاً باحمد الله عديت من كل المواد الإنجليزي ما عدا الفرنساوي، مع إنها مادة فرعية أي كلام يعني.. أول سنة أنجح بس معايا الفرنساوي.. تاني سنة برضه.. تالت سنة برضه.. يا جماعة أنا كده بقيت (مُعيد) في الفرنساوي مينفعش كده.. لازم حل..
دخلت آخر سنة بقى بامتحن آخر امتحان للفرنساوي.. قعدت في اللجنة، ولقيت واحد قاعد قدامي قال لي: هو إنت "أشرف توفيق"؟؟
قلت: ما شاء الله.. هو التليفزيون اللي فاضح الواحد كده!! أيوه حضرتك..
ـ أصل أنا وانت الوحيدين اللي شايلين المادة دي أصلا في الكلية.. والدكتور عارفك بالاسم..
ـ ما شاء الله.. طب كويس.. والدكتور ماقالكش تبلغني رسالة شكر وللاّ حاجة؟؟
ـ نعم؟؟
ـ لا خلاص.. قول لي.. إنت ذاكرت الكتاب بقى بتاع الفرنساوي؟؟
ـ كتاب إيه؟؟
ـ كتاب الفرنساوي بتاع السنين اللي فاتت.. مش ده اللي هنمتحن فيه؟؟
ـ يا عم الدكتور لغى الكتاب أصلا.. وجاب لي ورق هو اللي هييجي منه الامتحان!!
ـ طب والناس اللي هيمتحنوا في الكتاب القديم حضرتك قاعدين فين دلوقتي بقى؟؟
ـ يا عم مفيش كتاب قديم خلاص!..
طبعاً كانت مفاجأة عصيبة.. إذا كان أنا أساسًا بقالي كام سنة شايل المادة اللي أنا بدأت أحفظ أسئلتها.. أمال لما تيجي أسئلة تانية من دروس تانية مكتوبة أساسًا باللغة السنسكريتية دي ها اعمل فيها إيه؟؟
طبعًا من قبل ما نتكلم إزاي هنغشّ إن شاء الله.. المراقب جه وقال: يا جماعة لما الامتحان يبدأ اللي عايز حاجة ياخدها من التاني عادي.. تعاون تعاون يعني!!
قلت له: حضرتك إحنا بقالنا أربع سنين شايلين المادة دي.. إحنا ميييييح أساساً.. يعني لو سبتنا مع بعض احتمال نخلي الدكتور هو اللي يشيل المادة!!
بدأ الامتحان.. وطبعاً أول سؤال كان بيقول: تكلم عن السياحة في مصر.. وبما أني حافظ إجابة السؤال ده بالحرف.. فكتبت بالخط العريض:
ـ أنا اسمي "جون"، وعندي أخت اسمها "مارتين"!!
وبعد شوية:
ـ "أشرف"؟؟ إنت عملت السؤال بتاع صح وغلط؟؟
ـ هو رقم كام ده؟؟
ـ يا بني السؤال الرابع..
ـ بس السؤال الرابع ده مفيش قدامه أقواس!!
ـ متقلقش.. هما بس عايزين يغلطونا.. بس على مين!!
ـ يا بني يغلطونا إيه؟؟ الدكتور عارف إنه لو جاب الامتحان بالعربي هنسقط برضه.. هيّه ناقصة غلطات؟؟
ـ يا عم صدقني..
ـ خلاص.. إنت حر.. عموما ما دام السؤال الرابع طلع صح وغلط بقى.. الاتنين الأولانيين صح.. والتانيين غلط.. والأخيرة أنا شاكك فيها!!
ـ متأكد؟؟
ـ طبعا يا بني.. أنا حالل الامتحان كله في أول خمس دقايق.. ومتنساش أنا برضه "جون"، والأجر على الله، وعندي أخت اسمها "مارتين"!!
ـ طب خد المسطرة دي هتلاقي عليها إجابات الامتحان اللي أنا حليته..
ـ طب ما تجيب الورقة أسهل يا بني ما دام كده كده بنحل سوا أساساً!!
ـ لا يا بني اتق الله.. حرام!!
ـ فعلا عندك حق!!
أخدت المسطرة وعشت بقى.. طبعا اللي بيغشش مش فاهم حاجة واللي بيغش مش فاهم حاجة.. تصوروا بقى اللي اتكتب كان إيه أساساً؟؟
اللي أنا فاكره إنها كانت كلمات إنجليزي تماماً بس عليها شوية شُرَط بقى.. إشي ع اليمين وإشي ع الشمال.. وإشي في النص.. شكِّلت الورقة كلها -بالصلاة على النبي- نحوياً فتحة وضمة وكسرة.. زي الفل..
طلعنا من الامتحان مية مية.. الولد راح يقابل الدكتور عشان يراجع معاه.. وطبعا أنا واقف بعيد ولا أعرفه يا حضرة البكباشي.. مراجعة إيه حضرتك؟؟ الدكتور ده لو قال ألماني أنا هاصدقه!!
الولد قال للدكتور: يا دكتور هي إيه إجابات السؤال بتاع صح وغلط؟؟
رد الدكتور باستغراب: صح وغلط إيه يا بني؟؟ مفيش في الامتحان صح وغلط!!
ـ أمال السؤال الرابع ده بتاع إيه؟؟
ـ ده بتاع صحَّح الجملة..
طبعا أنا سحبت الواد من إيده.. عشان نهرب من الموقف.. بس السؤال اللي كان شاغل دماغي ومخليني قلقان: يا ترى مين فينا اللي هيطلع الأول ع التاني؟؟ ولو هو طلع الأول عليّ.. يبقى يا ترى مين اللي وراه؟؟
منقووووووووووووووووووووووووووووووووووووووووووووول
dr_mony_2010- lev 3
-
عدد الرسائل : 503
العمر : 35
تاريخ التسجيل : 24/11/2007
رد: أنا بكــــــــــــــــــــره الفرنساوى
من طرف amalgam 9/6/2008, 5:18 pm
ههههههههههههه
تحفة ملهاش حل
بجد مش عارفة ابطل ضحك
هههههههههههه
ههههههه
هههه
تحفة ملهاش حل
بجد مش عارفة ابطل ضحك
هههههههههههه
ههههههه
هههه
amalgam- observer
- عدد الرسائل : 2553
تاريخ التسجيل : 04/10/2007
رد: أنا بكــــــــــــــــــــره الفرنساوى
من طرف dr_lala 9/6/2008, 7:56 pm
ههههههههههههههههههه
بجد حلوه اوى
بجد حلوه اوى
dr_lala- lev 3
- عدد الرسائل : 472
تاريخ التسجيل : 21/11/2007 -
رد: أنا بكــــــــــــــــــــره الفرنساوى
من طرف doby 9/6/2008, 8:16 pm
ههههههههههههههههههه
ظريفه مووووووووووووووووووت
واحلى حاجه الانجليزى الحمش ده
ياواد ياجامد يابتع الانجليزى :lol!: :lol!:
ظريفه مووووووووووووووووووت
واحلى حاجه الانجليزى الحمش ده
ياواد ياجامد يابتع الانجليزى :lol!: :lol!:
doby- moshrefa
- عدد الرسائل : 667
العمر : 37
تاريخ التسجيل : 18/10/2007 -
رد: أنا بكــــــــــــــــــــره الفرنساوى
من طرف thescorpion 9/6/2008, 8:25 pm
هههههههههههههههههههههههههههههههههههههههه
حلوه اوى يا مونى
وسلاامووووووووووووووووووووووووز
حلوه اوى يا مونى
وسلاامووووووووووووووووووووووووز
thescorpion- lev 4
-
عدد الرسائل : 751
العمر : 34
تاريخ التسجيل : 03/04/2008
رد: أنا بكــــــــــــــــــــره الفرنساوى
من طرف marmer 9/6/2008, 10:09 pm
جاااامدة يا مونى
بس انا بقى كنت الماااااااانى
واول حصة روحتها للاستاذ
قالينا انسوا نكم بنات وجحشم
قاعدت سنتييييين اجحش
لحد ما قلبت بنهيق
بس انا بقى كنت الماااااااانى
واول حصة روحتها للاستاذ
قالينا انسوا نكم بنات وجحشم
قاعدت سنتييييين اجحش
لحد ما قلبت بنهيق
marmer- lev 4
- عدد الرسائل : 800
العمر : 40
تاريخ التسجيل : 27/04/2008
رد: أنا بكــــــــــــــــــــره الفرنساوى
من طرف tifour 9/6/2008, 10:12 pm
هههههههههههههههههه
نتحدى الملل
مصاء الخير
نتحدى الملل
مصاء الخير
tifour- edarah
- عدد الرسائل : 683
العمر : 45
تاريخ التسجيل : 29/04/2008
رد: أنا بكــــــــــــــــــــره الفرنساوى
من طرف tifour 9/6/2008, 10:13 pm
لا حول الله
و ده جالك على كبر يا مرمر دوتش
و ده جالك على كبر يا مرمر دوتش
tifour- edarah
- عدد الرسائل : 683
العمر : 45
تاريخ التسجيل : 29/04/2008
رد: أنا بكــــــــــــــــــــره الفرنساوى
من طرف amr_yadak 9/6/2008, 10:38 pm
ههههههههههههه
جو ما بيل امغ .. جو سوي اجيبسيان
ضحكتيني يا مرمر باجحشم دي
:cheers:
جو ما بيل امغ .. جو سوي اجيبسيان
ضحكتيني يا مرمر باجحشم دي
:cheers:
amr_yadak- admin
- عدد الرسائل : 1046
العمر : 38
تاريخ التسجيل : 07/07/2007 -
رد: أنا بكــــــــــــــــــــره الفرنساوى
من طرف super_dentist 10/6/2008, 12:19 am
هههههههههههههههههههههههههه
توبيك جامد عالاخر يا موني
بس انا بحب الفرنساوي
ميغسي بيكو
توبيك جامد عالاخر يا موني
بس انا بحب الفرنساوي
ميغسي بيكو
super_dentist- edarah
- عدد الرسائل : 3332
العمر : 37
تاريخ التسجيل : 17/07/2007 -
رد: أنا بكــــــــــــــــــــره الفرنساوى
من طرف marmer 10/6/2008, 5:21 am
ايييييييييييييييية يا تيفور
انت كنت زميل فى الديوتش ولا اييية
انا بصراحة يا ابنى جالى المرض دة ظماااان
بس للاسف طلعت هبلة ومشيتة
قولتلة لما تكون ونفسك وتبقى مرض علية الايمة ابقى تعالالى
بس للاسف كون نفسة وجة للاستاذ بتاااااااااااااعى
الخاااااااااين
اهئ اهئ اهئ اهئ اهئ
ماعلينا فى دهية
واحنا هنشغل دمغنا لييييييييية
:lol!: :lol!: :lol!: :lol!:
انت كنت زميل فى الديوتش ولا اييية
انا بصراحة يا ابنى جالى المرض دة ظماااان
بس للاسف طلعت هبلة ومشيتة
قولتلة لما تكون ونفسك وتبقى مرض علية الايمة ابقى تعالالى
بس للاسف كون نفسة وجة للاستاذ بتاااااااااااااعى
الخاااااااااين
اهئ اهئ اهئ اهئ اهئ
ماعلينا فى دهية
واحنا هنشغل دمغنا لييييييييية
:lol!: :lol!: :lol!: :lol!:
marmer- lev 4
- عدد الرسائل : 800
العمر : 40
تاريخ التسجيل : 27/04/2008
رد: أنا بكــــــــــــــــــــره الفرنساوى
من طرف marmer 10/6/2008, 5:26 am
احنا فى الخدمة يا عمرو
اضحك ياعم على رحتك
ماانت مجربتش التجحييييييييييييش
انا وبلا فخر اعقدت سنتين اجحش ولا همنى
اضحك ياعم على رحتك
ماانت مجربتش التجحييييييييييييش
انا وبلا فخر اعقدت سنتين اجحش ولا همنى
marmer- lev 4
- عدد الرسائل : 800
العمر : 40
تاريخ التسجيل : 27/04/2008
رد: أنا بكــــــــــــــــــــره الفرنساوى
من طرف dr_mony_2010 10/6/2008, 8:04 am
نووووووووووووووورتم يا جماعة
مرمر ......
من فضلك متقرنيش الالمانى بالفرنساوى .... دا كفاية بس النطق الفظيييع للفرنساوى
اه الالمانى رغم .... بس تحسى انه جامد مش بيدلع زى الفرنساوى
مرمر ......
من فضلك متقرنيش الالمانى بالفرنساوى .... دا كفاية بس النطق الفظيييع للفرنساوى
اه الالمانى رغم .... بس تحسى انه جامد مش بيدلع زى الفرنساوى
dr_mony_2010- lev 3
- عدد الرسائل : 503
العمر : 35
تاريخ التسجيل : 24/11/2007
رد: أنا بكــــــــــــــــــــره الفرنساوى
من طرف marmer 10/6/2008, 7:58 pm
انا عمرى يا حياااااااتى ما سوتهم ببعض
الالمانى تجحييش
ولكن الفرنساوى
كلة ركة وعذوبة
الالمانى تجحييش
ولكن الفرنساوى
كلة ركة وعذوبة
marmer- lev 4
- عدد الرسائل : 800
العمر : 40
تاريخ التسجيل : 27/04/2008
رد: أنا بكــــــــــــــــــــره الفرنساوى
من طرف super_dentist 10/6/2008, 8:00 pm
الفرنساوي ده لغة احساس لازم تبقي حاسه بالكلمه علشان تقوليها صح
لكن الالماني لغه رخمه جدااااااااااااااااااااااااا
انا عارف الاتنين بس بحب الفرنسي اكتر طبعا
لكن الالماني لغه رخمه جدااااااااااااااااااااااااا
انا عارف الاتنين بس بحب الفرنسي اكتر طبعا
super_dentist- edarah
- عدد الرسائل : 3332
العمر : 37
تاريخ التسجيل : 17/07/2007 -
marmer- lev 4
- عدد الرسائل : 800
العمر : 40
تاريخ التسجيل : 27/04/2008
رد: أنا بكــــــــــــــــــــره الفرنساوى
من طرف thescorpion 10/6/2008, 9:42 pm
يا واد انت يا واد
انا كدا هبدا انق
انا كدا هبدا انق
thescorpion- lev 4
- عدد الرسائل : 751
العمر : 34
تاريخ التسجيل : 03/04/2008
رد: أنا بكــــــــــــــــــــره الفرنساوى
من طرف dr_mony_2010 11/6/2008, 3:18 pm
لا يا سوبر معلش
الالمانى دا لغة جميلة
حراااااااام عليك
الالمانى دا لغة جميلة
حراااااااام عليك
dr_mony_2010- lev 3
- عدد الرسائل : 503
العمر : 35
تاريخ التسجيل : 24/11/2007
رد: أنا بكــــــــــــــــــــره الفرنساوى
من طرف twolights 11/6/2008, 10:00 pm
هههههههههههه
نايس توبيك يا مونى
والله انا كنت بحب الفرنسااااااااااااوى زماااااااااااااااااااااااااان
بس دلوقتى مش فاركه فيه اى حاجه
نايس توبيك يا مونى
والله انا كنت بحب الفرنسااااااااااااوى زماااااااااااااااااااااااااان
بس دلوقتى مش فاركه فيه اى حاجه
twolights- observer
- عدد الرسائل : 3278
تاريخ التسجيل : 01/11/2007
رد: أنا بكــــــــــــــــــــره الفرنساوى
من طرف doby 11/6/2008, 10:18 pm
ههههههههههه
ايه الجمال ده
كل شباب المنتدى ثقافتهم عاليه
فرنساوى
المانى
انجليزى
مفيش ايطالى؟
جراتسى سنيوريتا مونى
ايه الجمال ده
كل شباب المنتدى ثقافتهم عاليه
فرنساوى
المانى
انجليزى
مفيش ايطالى؟
جراتسى سنيوريتا مونى
doby- moshrefa
- عدد الرسائل : 667
العمر : 37
تاريخ التسجيل : 18/10/2007 -
رد: أنا بكــــــــــــــــــــره الفرنساوى
من طرف amalgam 12/6/2008, 11:10 am
فعلا الفرنساوي لغة راقية وترى شيك
للاسف برده مش فاكرة منه حاجة
الالماني مجعلصة كده
والايطالي جميلة
جراتسي
:joker:
للاسف برده مش فاكرة منه حاجة
الالماني مجعلصة كده
والايطالي جميلة
جراتسي
:joker:
amalgam- observer
- عدد الرسائل : 2553
تاريخ التسجيل : 04/10/2007
رد: أنا بكــــــــــــــــــــره الفرنساوى
من طرف dr_mony_2010 12/6/2008, 2:14 pm
عندى انتمتى ف ألسن .... و النبى مسمعتكوش و انتو بتقولوا ع الايطالى ظريف
كانت خلصت عليكم
كانت خلصت عليكم
dr_mony_2010- lev 3
- عدد الرسائل : 503
العمر : 35
تاريخ التسجيل : 24/11/2007
رد: أنا بكــــــــــــــــــــره الفرنساوى
من طرف super_dentist 13/6/2008, 12:35 am
بيرفابوري سنيوريتا
حته ايطالي اهي كمان عشان ما ابقاش حرمتكو من حاجه
حته ايطالي اهي كمان عشان ما ابقاش حرمتكو من حاجه
super_dentist- edarah
- عدد الرسائل : 3332
العمر : 37
تاريخ التسجيل : 17/07/2007 -
dr_mony_2010- lev 3
- عدد الرسائل : 503
العمر : 35
تاريخ التسجيل : 24/11/2007
tifour- edarah
- عدد الرسائل : 683
العمر : 45
تاريخ التسجيل : 29/04/2008
صفحة 1 من اصل 2 • 1, 2
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى