اتعظوا فانه ياتى فجاة ولايفرق بين كبير وصغير

السلام عليكم ورحمه الله وبركاتة
دى اول مشاركة لية فى المنتدى مكنتش احب تكون البداية موضوع حزين كدة بس الظروف هى اللى اضطرتنى لكدة يا جماعة هو اية اللى حصل للناس مبقاش فى حد بيزعل على حد ولا بيحس بحد انا يوم الاربعاء عرفت بموضوع وفاة زميلنا حسام بالفرقة الاولى بالصدفة لولا الورقة اللى كتبوها مكنتش عرفت كتر خيرهم بردو انا طالبة بالفرقة الرابعة ولما كنا فى الفرقة الاولى بردو توفى زميلنا كريم فى اليوم دة بجد كنت تخش الكلية تعرف ان في حاحة ومكنش عندنا ورق نعلقة ولا حاجة كانت الكلية كلها بتعيط بجد مش دفعتنا بس واللى كان بيقرأ القران والصبيان كلهم كانو واقفين مستنينو قدام المشرحة وكلنا بنات وصبيان رحنا صلينا عليه والسكاشن اتلغت اليوم دة ولبسنا اسود عليه مع اننا كنا صغيرين بردو ومكناش لحقنا نعرف بعض لكن يوم الاربعاء اللى فات ولا تحس ان فية حاجة ولا تشوف اى حد متأثر حتى والناس تقلك الخبر وهى مبتسمة عادى جدا لدرجة انى سألت اصحابى هو كان زعلنا على كريم الله يرحمه كان اوفر ولا عدم زعلهم على حسام الله يرحمه هو اللى اوفر انا معرفش حسام بس بجد زعلانة عليه ومتغاظه اكتر من الدفعات الجديدة دى الدنيا والكلية والدراسة وخداهم من بعض محدش بيخاف على حد ولا هو فى دماغة اصلا بجد انا نفسى يتعاملو مع بعض بمشاعرهم شوية ويخافو على بعض ويحسو بألم بعض لان بجد دة اللى المفروض يطلعو بيه من الكلية دى لكن الدراسة كلنا هننجح هنروح فين يعنى لكن صعب تتطلع منها وانت ليك ناس يحبوك ويزعلو لزعلك ويفرحو لفرحك

بارب اغفرله وارحمه ونورقبره
يارب اخلف له دار خيرا من داره واهل خيرا من اهله
اللهم اجر اهله فى مصيبتهما واخلف لهما خيرا منها فان الموت فجأه مصيبة وموت الشاب مصيبة لا يدركهما الا من زاقهما
لا اله الا انت سبحانك انى كنت من الظالمين


انا هقدملكم فيدو هو مؤثر كتير فاللى نفسيتة تعبانة ميتفرجش عليه هو مجموعة شباب بيمثلو ان واحد مات على معصية واهلة زعلو علية جامد بس هو باة فى العذاب اللى منتظره فى القبر
يارب يأثر فيكو ويقدر يغير حاجة فيكو

http://www.mediafire.com/?zmmmxdlzicw

والله عندك حق
بس الكليه كانت باينه اوى يوم الاربعاء ده ان فى واحد زميلهم توفى
انا طالبه بالفرقه التانيه وكنت بشتغل مع اصحابى وعرفنا الخبر ونزلنا على طول
ولقينا فعلا الاولاد كلهم راحوا المشرحه وزمايله البنات كانوا بيعطوا واحنا زعلنا جدا واعدنا ندعيله كلنا
يعنى الكليه اهتمت بردو وشغلوا قران يومها وتانى يوم كمان

ربنا يرحمه ويجعل مثواه الجنه
امين يا رب

اللهم اغفر له وارحمه واسكنه من فسيح جناتك ... ونقه من ذنوبه كما ينقى الثوب الابيض من الدنس

انا عرفت الخبر ده يومها واتاثرت جدا
بس ربنا يجعل قبره روضه من رياض الجنه
ولا يجعله حفره من حفر النار
والمفاجاه بالنسبه لي اني اعرف واحد من اللي كان معاهم وهو حالته خطيره ربنا يشفيه يارب

قال :صلى الله عليه وسلم(مثل المسلمين فى توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالسهر والحمى)
شكرا لكم جميعا وكل عام وانتم بخير