سي السيد2008

من طرف الدنيا حلوه 30/3/2008, 9:02 pm

[99,9% من شعب مصر شاف ثلاثية نجيب محفوظ الشهيرة ويحفظ عن ظهر قلب شخصية سى السيد الذى بيضرب زوجته بالشوز ويروح ينضرب هو بره بنفس الشوز ولكن هل تخيل حد فيكم الوضع اذا كان سى السيد راجل حنون,, رقيق،، شهم مع زوجته واولاده..

انا تخيلت:

سى السيد:

مساء الخير يا امينة من فضلك تحضريلى الاكل عشان جاى تعبان من الشغل .

امينة:

اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

سى السيد:

خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى.

امينة:

عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

سى السيد(والدمعة هتفر من عينه) :

لا يا قويه يا مفتريه اهئ اهئ والله لابعتك عند ماما .هه بس

امينة:

يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم

فى اليوم التالى:

سى السيد ينتظر فى الشباك امينة لما ترجع من مسرحيه(كشكش بيه)
ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

امينة:

ايه اللى مسهرك يا سوسو انا مش قلتلك تنام انت عشان انا هتاخر.

سى السيد:

معلش يا ست امينة انا قلت برضه يمكن تحتاجى حاجة كده ولا كده

امينة:

تيب .. تيب مش عايزة ابوظ الليلة بئى متوجعش دماغى ياسوسو
وانا الصبح حكيلك المسرحيه كلها..اوكـــ

سى السيد:

ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.

امينة تضحك ثم تدخل لتنام وتصفق الباب فى وجهه

فى اليوم اللى بعد التالى:

امينة فى فترة المساء والسهرة مخاطبة سى السيد:

اعمل حسابك ياسى سى,ان فى عريس جاى لعائشه بكره

سى السيد:

مين ياترى..لو كان يعنى من حقى اسال

امينة:

الواد الظابط ده اللى كانت بتعاكسه من الشباك مش فاكره يا سى

سى السيد:

الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة:

خلاص نتكل على الله ونخلى الفرح فى نفس يوم فرح خديجة

سى السيد:

ايه ده!هى خديجة بنتى هتتجوز مبروك الف مبروك

امينه:عقبال ولادك يا ساسو

يوم الفرح:

امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا:

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:

اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
علشان تبئى تقول بيتى دى تانى..رجاله اخر زمن..

وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..

اه لا مؤاخذه ...بيتها

من طرف القابض على سيفه 30/3/2008, 9:12 pm

الستات عندهم الجين المسيئول على الافترى والجبروت واول لما تجيلهم الفرصه
بيبقوا اجاركم الله اخر ظلم وتسلط

من طرف twolights 30/3/2008, 9:18 pm

ايه الرداله المودرن دول

الله يرحمك يا سى السيد
راح وراحت الردااااااااااااااااله معاه

من طرف BEAUTY GIRL 31/3/2008, 4:14 pm

لا يا تو لايتس الردالة مش ماتو ولا حاجة
بس دة كلة حلاوة روح :lol: :lol: :lol:

من طرف twolights 31/3/2008, 7:09 pm

حلاوه روح
حلاوه بالقشطه
اهو راح وخلاص
وزمن الللللللللل
راح خلاص

من طرف vezant 31/3/2008, 8:00 pm

ايه ده
ايه ده
خير اللهم اجعله خير حاسس اني هرجع خلاص
ممكن باج يا سوسو
الو الو
الو
هل تسمعني
من فضلك
استيقظ
انتهى الكابوس

من طرف super_dentist 1/4/2008, 2:50 am

ههههههههههههههههههههههه

موضوع جامد

شكرا يا اه يازمن

من طرف twolights 1/4/2008, 3:00 am

قول اعوذ بالله من الشيطان الرجيم
يا فيزينت عشان الكابوس المزعج ده
ترجع فين ما خلاص
خليك هناك

من طرف الدنيا حلوه 2/4/2008, 12:16 am

ميرسي علي المرور ومش حبكت تنام هنا يعني يافيزنت المنتدي واسع

من طرف tito 2/4/2008, 2:21 am

شكرا يا اه يا زمن على الموضوع ده
بس نصيحتى بلاش تاكلى تقيل قبل النوم

من طرف amalgam 2/4/2008, 11:12 pm

هههههههههه
شكرا يا اه يازمن
بس اللي يعمل كده سوري مش يبقى راجل
ابقي اتغطي كويس قبل ما تنامي
وتقبلي مروري
ياعمري
هههههههههه

من طرف الدنيا حلوه 2/4/2008, 11:16 pm

ايه ياجماعه انا اللي هنام ده فيزنت مش انا وشكرا ياتيتو علي التعليق وهشوف نصيحتك الجامده دي بعدين

من طرف dr_lala 4/4/2008, 10:01 pm

لا واضح انك كنت نايمه مش متغطيه ومتقله ف الاكل كمان
بس موضوع جامد

من طرف tito 5/4/2008, 3:43 am

لا شكر على واجب يا اه يا زمن
انا بس مش عايزك تحلمى بكوابيس من دى تانى
كلى خفيف علشان تحلمى باحلام سعيدة
زى انتى ومالك لزوجك
كيف تسعدى زوجك
سى السيد بس القديم مش ده طبعا
والكلام الجميل ده

من طرف القابض على سيفه 5/4/2008, 8:37 pm

نوم العوافى يافيزنت ياخويا
قوم كدة وفرفش مفيش حاجه تستاهلدة كله صحتك بالدنيا

من طرف vezant 5/4/2008, 9:13 pm

طبختلنا ايه النهارده يا ام حسين

من طرف القابض على سيفه 6/4/2008, 4:18 pm

ام حسين واخدة اجاةو اسبوعين عما تتعالج من الديدان ال عندها

سي السيد2008

سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008

رد: سي السيد2008