ونقول الووووووووووو

من طرف BEAUTY GIRL 19/3/2008, 10:51 pm

[نقول ألووووو ...
ألووو هاى أوسامة .. عامل ايه؟ أنا جينا
هاى يا جينا و أنا أوسامة
هاى أوسامة .. عامل ايه؟ واحشنى موت طحن تقطيييع
مرسى يا جينا .. ربنا يخليكى
أنا مبسوطة أوى يا أوسامة انى عرفت أكلمك .. دانا بمووووت فيك
ربّنا يخليكى يا جينا ... عندك كام سنة؟
تمنتاشر سنه
بتدرسى؟
أكيد ..أنا ف سنة أولى انجليش أكاديمي .. بيزنس أند أدمينستريشن و عندى مشكلة جامدة أوى
أنا محتاجة أوى سدر حنين أفدفدلة .. و انت قريب أوى منى
خير يا جينا؟ أولا أنتى مخطوبة؟
لأ أنا مرتبطة .. كنت أعرف واحد من سبع سنين و كنا بنحب بعض خالص و اتفقنا عالجواز .. أصله كان راجل أوى .. و عنده بى ام .. .. مش قادرة أقولك أد ايه..
أد ايه يا جينا؟
مش قادرة .. مش قادرة
وبعدين؟
لقيته بيحب أنتيمتى و لقيت على موبايله ماسجات منها .. و لما واجهته أنكر و قال انها هى اللى عايزه تكلمه بالعافية و حاول يفهمنى أنو برىء
و بعدين؟
فى الوقت ده أنهرت .. و هو كان عنده صاحبه الأنتيم – بصراحة شاب ممتاز : ابن ناس و بيروح جولدين جيم ....و عنده إبيزا .....– هو مرة قبل كده كان بص لى .. و كانت عينيه بتقول حاجة .. اتصلت بيه و طلبت انه يقابلنى عشان يساعدنى فى المشكلة .. بصراحة ارتحت له أوى أوى و قابلته بعد كده كام مرة
طب و الأولانى يا جينا؟
كنت بارتاحله برضه و بقابله .. عادى
أوكى .. مفهوم مفهوم .. و بعدين؟
و بعدين التانى أبتديت أتعلق بيه جدا و مكنتش بعرف أعيش من غيره .. و ف يوم جاتلى مكالمة من واحده بتقوللى انه مش بيحبنى و بيهرج معايا و كده .. قمت اتصدمت جدا جدا
(يبدأ صوت أوسامه فى التوتر) و التانى كمان صدمك يا جينا؟ ها و عملتى ايه؟
التانى كان عنده ابن خاله خرج معانا مرة و كان بيبصلى بصات غريبة كده و مرة ادانى موبايله .. فكلمته عشان أتأكد من التليفون اللى جالى ... بصراحة كان راجل أوى أوى .. مش قادرة أقولك أد ايه؟
أوسامه:و عنده إيه ... ؟؟؟
عنده لانسر فضى بس بصراحة راجل أوى مش قادرة أقولك أد ايه
معلش يا جينا يا ريت تقوليلنا بالتقريب كده .. أد ايه .. انتى أثرتى المستمعين .. أقصد أثرتى فضولهم
مالوش حل يا أوسامه .. حسيت ان ابن خالة التانى قريب منى أوى و بصراحة اتعلقت بيه و مبقيتش عارفة اعيش من غيره....
طب و التانى يا جينا؟ برضه كنت اتعلقت بيه أوى هو كمان
يعنى كده فى تلاته معلقينك بيهم أوى ؟
أرجوك ماتفهمنيش غلط يا أوسامه- كل واحد كان بيملى عندى فراغ معين
واضح يا جينا انك فراغاتك زيادة
المهم ... اتقدم لى فى الوقت ده ابن صاحب بابا .. بصراحة شاب ممتاز .. ماكنش عندى حجه عشان أرفضه
قوليلى يا جينا: انتى عندك بابا؟ يعنى موجود و عايش معاكو؟
أيوه طبعا .. أنا بحب بابا و متعلقة بيه جدا ..
هو كمان؟
المهم يا أوسامه .. العريس اللى متقدم لى ده مش قادرة أرفضه بيشتغل فى السعودية و جاهز و عنده 180 اس ال كى.. و أهلى بيضغطوا عليّا .. و ف نفس الوقت مش قادره أسيب التانيين .. كل واحد متعلقة بيه بطريقة شكل و كل واحد بيدينى حاجة ناقصانى .. بصراحة يا أوسامه مش عارفة أعمل ايه؟
أسامه : تقريبا بصى يا جينا .. العريس الوحيد اللى يصلحلك هو أبو الهول .. فيه تنوع و متكامل بس للأسف .. هو عنده مركب شمس كحلى ..
و نسمع : كان فيه بنت اسمها تررررررم

ملحوظة:
أسامة منير مذيع برنامج : أنا و النجوم و هواك و المشار اليه هنا .. ماهو إلا بديل لأم غير واعية و أب غير متواجد .. و جينا ماهى الا عينة عشوائية من " بنات اليوم " اللي بتحب واحد وعندها مليون واحد احتياطي [/size][/size]

من طرف amr_yadak 20/3/2008, 2:02 am

لا والله حوار كوميدي حلو ... مواضسعك جميله يا بيوتي جيرل

من طرف battota 20/3/2008, 9:05 am

ربنا يحفظ كل بنت وشاب من الهبل وم الشيطان
شكرا ليكي بيوني جيرل

من طرف super_dentist 20/3/2008, 6:03 pm

هههههههههههههههههههههههه

موضوع جامد اوي
و تستاهلي عليه مرسيدس بنز
هههههههههههههههههههههههه

شكرا عالموضوع الجامد ده يا بيوتي جيرل

من طرف amalgam 20/3/2008, 10:05 pm

حلو اوي
معقول في كده؟
ربنا يهدي
شكرا ليكي

من طرف الدنيا حلوه 21/3/2008, 12:43 am

ايه الجمال ده يابيوتي هو في كده

من طرف twolights 21/3/2008, 4:03 am

ههههههههههههههههههه
والله جينا دى بتتعب اوى.... الله يكون ف عونها

من طرف vezant 21/3/2008, 8:22 pm

ايه ال
180 اس ال كي دي
:(

من طرف الدنيا حلوه 22/3/2008, 12:05 am

مصاصه جديده عايز واحده

من طرف twolights 22/3/2008, 11:47 am

الله بموت ف المصاصه
ممكن واحده يا اه يازمن
بليييييييييز

من طرف vezant 22/3/2008, 5:37 pm

يا ريت بس ببلاش طبعا

من طرف القابض على سيفه 22/3/2008, 7:19 pm

الهيئه المصريه للاتصالات

تعلن الهيئه عن فوز جينا ربنا يخليها يارب عن جائزة الهيئه بتحقيق الرقم القياسى 18 ساعه فىاليوم فى الاتصالات وتعلن الهئثه عن شكرها البالغ من اكبر العاملين الى عم سيد بتاع البوفيه ال بيقدم خدمه كبايتين شاى بجنيه وربع مع عدد اتنين بسكوت صنع مرات الحج سيد والفرصه محدوودة حتى زوال العرض ( كدة تمام ياحج سيد )
ويسلم مدير الهيئه الانسه جيينا المكافاة وقدرها 3 دقايق مجانيه وعدد اتنين بوكيه ورد
ملحوظه من ابن مدير الهيئه جينا انتى معتيش بتردى على نمرتى ليه حتى المرسيدس الجديدة بتاعتى مبركتليش عليها والله والله لو مكلمتنيش ل هدخل فى اقرب عمود قدامى علشان انا من غيرك مسواش كرت شحن فئه خمسه جنيه

من طرف dr_lala 22/3/2008, 11:46 pm

هههههههههههههههههههه حلو اوى الموضوع ده يا جينا قصدى يا بيوتى
ربنا يهدى جينا وابن مدير هيئة الاتصالات

من طرف القابض على سيفه 23/3/2008, 3:00 pm

فيزنت لو جينا اعجبت بيك وكلمتك على التليفون تعمل ايه

من طرف battota 23/3/2008, 8:02 pm

ههههههههه

من طرف الدنيا حلوه 23/3/2008, 8:06 pm

هو القابض سيفه يعرف جينا ولا ايه ؟؟؟؟؟؟؟؟؟

من طرف vezant 23/3/2008, 8:58 pm

هقولها جينا القابض على سيفه معجب بكرت الشحن التلات دقايق مجاني اللي اخدتيه من الشركه
وعاوز يتاكد الكرت اللي الشركه ادتهولك سليم ولا لا
ويا بخت من وفق راسين في الحلال
وعجبي

من طرف القابض على سيفه 23/3/2008, 9:23 pm

اولا اسمى القابض على سيفه القابض على سيفه
مش القابض سيفه ؟؟؟
تانيا انا وجينا اتجوزنا خلاص وبتقضى شهر العسل دلوقتى فى سنترال الحمراوى عقبالكم كلكم

من طرف twolights 23/3/2008, 9:33 pm

الف مبروووك
طب مش كنت تعزمنا يا راجل

زعلتنا كده منك من اؤلها

من طرف super_dentist 23/3/2008, 10:09 pm

ايه ده اتجوزتو

انا فرحتلك من قلبي

و هتعملو الخطوبه امتى

ههههههههههههههههههههههه

من طرف twolights 23/3/2008, 10:12 pm

بيقولك اتجوزوا؟؟؟؟

خطوبه ايه هما هيمشى بالعكس
ههههههههههههه

من طرف super_dentist 23/3/2008, 10:15 pm

يمشو براحتهم بقى يا تولايتس
و احنا مالنا

ههههههههههههههههههههههههه

انا هاجي الخطوبه اساسي
هههههههههههههه

من طرف الدنيا حلوه 23/3/2008, 10:19 pm

هو الراجل عزمكم ولا هي رزاله سيبه البنيه بقي في حالها مصدقنا انها لقيت حد راجل معاها بس ياتري انت عندك ايه علشان وافقت السيف خليك بقي قابض عليه

من طرف القابض على سيفه 24/3/2008, 9:44 am

اولا يا متموزيل انا وجينا اطلقنا علشان كرت الشحن طالع فاضى وكانت بتستغفلنى طول الفترة دى كلها
تانيا انتى حاطه عنيكى على سيفى ليه والا اكمنه بيلمع وبترتر

من طرف super_dentist 24/3/2008, 8:53 pm

يعني اطلقتو و ماعزمتناش عالطلاق

اخي عليك

هههههههههههههههههههههههههه

ونقول الووووووووووو

ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو

رد: ونقول الووووووووووو