عندما تتالم من اعز الناس..؟؟؟؟

انا كمان هختار العفو والتسامح لان الانتقام ده حاجه صعبه
يعنى ممكن اسامح لحد معين بس لو اتحرحت قوى برده مش فكر في الانتقام لان اللى بيحب بجد مش هيقدر ينتقم
يعنى لو الانسان ده يستاهل ممكن ارجع اعاتبه
بس لو مش كده مش هفكر فيه تانى وهحاول اتجنبه

انا لا هنتقم ولا هعفو واسامح
الانتقام مضيعه للوقت وبغير من نفس البنى ادم مش من نحيه الواحد اللي بنتقم منه بس هيغير طبعنا خالص لكل الناس
اما العفو يعني انا مش هنتقم منه
لكن التسامح ده باه بايد اللي جرحني مش بايدي هو اللي يقدر يحدد مش انا

هو فيه انتقام بطريقه كويسه
اللي زي حقنه الرحمه يعني
منا قلت يا تو لايت انا ممكن اعفو لكن التسامح اللي هو ان العلاقه ترجع بمحبه وكده زي الاول ده تعتمد عليه هو
يعني هو زي ما جرح هو اللي المفروض يشتري الدوا والابر والخيط وكده يعني
ونشكر لكم حسن استماعكم

يا اه يازمن ازاى كنتى بتحبى حد اوى وبعدين تفكرى ف الانتقام منه؟؟؟!!!!!!!!!!!!!!
وبعدين استحاله فى انتقام بطريقه كويسه
انتقام يعنى يعنى هتجرجيه وتعزبيه زى هو ماجرحك
يا اما بقى تفتكرى حبك ليه ومعزته عندك وتحاولى تعفو عنه بس تستفيدى من جرحك ده


انا عن نفسى يا vezant محدش يقدر يداوى جرحى الا انا...... حتى لو كان اللى هيداويه ده اللى جرحنى
لان انا اللى حسيت رالوجع وانا اللى اقدر اداويه وانا معاك ان العلاقه مش هترجع زى الاول
الا لما الجرح يداوى....يعنى كل حاجه وليها وقتها

انا اعترض

انا معرفكيش يا اه يا زمن بس هالتك وصله لغايه هنا
انا منصحش اي حد انه يزعلك او لو عاوز يزعلك يكون قاطع تذكره لدوله تانيه ميكونش بينا وبينها فيه علاقات دبلوماسيه
وربنا يخليكي لمصر ويجعله عامر

انا هنتقم ومش بعيد اغرس سيفى فى قلبه
او اطلع كبدة واقطعه باسنانى
وممكن اكتفى ببعض اللكمات الكفيله بتوريم الخد والعينين

هو انت يعنى عشان معاك سيف بتهددنا
يا عم ده احنا غلابه

واضح انى دخلت عليكم فى الكلام
بس فكرة الموضوع عجبانى
انى انتقم او اسامح تفرق من شخصيه واحد للتانى
بس عن نفسى هبعد من اللى عمل معايا كده واخد وقتى وزى مابيقولوا لغايه لما الجرح يبرد
وبعدين اشوف ممكن العلاقات تبقى كويسه ولا لا
وده اكيد يعتمد على معاملة اللى قدامى حست بغلطتها ولا مش فارقه معاها

انا عجبني جدا الموضوع ده. و رأيي من رأي دعاء ولكن مش هارجع تاني. احنا حبايب و بنخاف على بعض واللي هايلمسني هاقطعله ايده و رجله و لغلوغه

هتقطع كل ده يا تيفور
هههههههههههههه بتشقى والله
نورت التوبيك


كلامك حلو يا مرمر انتى ممكن تسامحى لما هو اللى يطلب السماح
بس يا ترى بقى هتقدرى تسامحى بسهوله وتنسى جرحه ليكى ولا لا
ولا ممكن تقولى انك سمحتيه بس من جواكى مش عارفه تسامحيه

انا بيتهايألي ان انتقام المحب اللي انجرح ده اسوا انتقام

فعلا

بس ممكن يسامح لو باقي ع اللي بيحبه ولقى تفسير للجرح اللي سببهوله

يعني مش معندهوش كرامه او اهبل

لكن ممكن تقول فرصه تانيه يثبت فيها الحبيب انه باقي ع اللي بيحبها وينسيها الجرح القديم