رد: شكاوي الاعضاء من الكلية والحياة الدراسية

من طرف tifour 2/5/2008, 4:26 pm

معلش انا كان قصدي بطوطة مش انتي يا twolights بس انتي عارفة هو تخبيط و خلاص

من طرف doby 2/5/2008, 5:37 pm

الامتحان يا جماعه بتاع الجراحه ده مش مشكله اوى دا mcq
ودكتور عبد الحميد قال هيبقى بسيط وسهل وزى بتاع الترم الاول
ولو خلتوه فى بدايه السنه الجايه ممكن نتظبط وانتوا اكيد عارفين ايه اللى ممكن يحصل
واصلا كده او كده هيبقى فى امتحانات فى المواد التانيه اول ما ندخل زى ال medicine او الprosthesis وساعتها مش هتبقى ناقصه الجراحه
وخلينا نرضى بالامر الواقع

من طرف super_dentist 3/5/2008, 9:21 pm

الموضوع شااااااااااائك

انا اعترض

من طرف tifour 3/5/2008, 11:25 pm

ذاكر و خل و انجح و بعدين اعترض يا ولد

من طرف dr_lala 3/5/2008, 11:37 pm

والله بطوطه عندها حق
بس ما باليد حيله
ممكن خير
ان شاء الله خير
يارب خير

من طرف hanan 4/5/2008, 8:29 pm

انا بقى لازم افش غيظى
واقول الجدول فييييييييييييييييييييييييييييييييييييييييييييييين
بجد انا مش عارفه هما مستنيين ايه
الرحمه من عندك يا رب

من طرف lovelystory2007 5/5/2008, 1:37 am

wallahy ma3aky 7a2 de 7aga sa3ba awy el emte7anat kaman esbo3en w mesh 3arfeen el gadwal

rabena y3ena3la el koleya de

من طرف amr_yadak 5/5/2008, 1:41 am

آآآآآآآآآآآآآآآآآآآآآآآآآآآآآآآآآمين يا رب

من طرف tifour 5/5/2008, 3:10 am

طبعا انا مش معاهم انا معاكي (بهاء سلطان)

من طرف Be Yourself 8/5/2008, 10:56 am

من طرف brave 4/10/2008, 1:38 am

انا لله وانا اليه راجعون
ولا حول ولا قوة الا بالله
وحسبنا الله ونعم الوكيل

من طرف drzozo 19/10/2008, 4:01 pm

يا جماعة انا عضو جديد في اعدادي اسنان و مش عارفة حاجة عن الكلية خالص و متبهدلة
ممكن حد يقدملي نصيحة خصوصا و اننا بقينا شغالين يوم السبت

من طرف super_dentist 19/10/2008, 6:43 pm

اهلا بيكي في الكليه
و المنتدى طبعا

هو الصعوبه في الاول بس انكو مش واخدين على الانجلش
انا بصراحه مش عارف ايه النظام بتاع اعدادي دلوقتي بس احنا كنا بناخدها في علوم و كانت خنييييييقه جدا

من طرف amr_yadak 19/10/2008, 7:27 pm

هههههههههههه يا عم افتح نفسها الاول بدل التعقيد ده
على فكره .. اعداي دلوقتي بقت اسهل كتير من الاول
بس انتي علشان في البدايه وطالعه من ثانوي والنظام كله متغير حاسه انك مش فاهمه حاجة
انا برده اول ما دخلت الكليه ويمكن كمان لحد بعد نص السنة كنت خايف اشيل تالت اربع مواد لكن في الاخر الحمد لله طلعت التامن على الدفعه
فمتقلقيش خالص وان شاء الله هتندمجي عن قريب جدا في الكليه والدفعه
صحيح انتم في علوم انما اعتقد في اللايحه الجديده انتم بتدرسوا بعض المواد في اسنان
فدا احسن كتير لانكم بتحسوا ان ليكم علاقه باسنان .. وكمان هتنخرطوا مع طلاب الفرق الاعلى منكم .. ودا هيفيدك كتير
على عكس الوضع ايامنا .. معتبتش ناحية كليتنا غير لما جيت ادفع المصاريف ولما جيت اخد رقم جلوسي .. اكتر من كده مفتكرش

من طرف twolights 19/10/2008, 7:48 pm

انتى نورتينا يا زوزو

مش تقلقى خالص من الموضوع ده ...كلنا كنا كدا ف الاول ومش فاهمين حاجه بردو
شويه بس عما تتعودى ع النظام والدراسه بالانجلش
وفعلا زى ما قال عمرو انتم نظامكم احسن مننا على الاقل بتحسى انك ف طب اسنان فعلا وبتدرسوا بين علوم واسنان
لكن احنا كنا على طوووول ف علوم ومكناش نعرف اى حاجه عن اسنان

بس بردو مش تقلقى هو شهر بالكتير ان شاء الله وتاخدى ع الدراسه وتتعودى

من طرف super_dentist 19/10/2008, 8:40 pm

من طرف drzozo 21/10/2008, 8:13 pm

جزاكم الله خيرا علي الرد عليا
و شكرا علي ترحيبكم بيا
انا بس حبيت اقول ان اللغة بالنسبة ليا مش مشكلة كبيرة جدا لاني الحمد لله بافهم شوية كويسين من الكتب الانجليزي و شايفة ان فعلا زي ما قلتو الحفظ للمصطلحات بييجي مع الوقت
لكن المشكلة الاساسية ان جدول اسنان مش موجود في الكلية اصلا
و كل دكتور ماشي علي مزاجه في الجدول حتي في كلية علوم كل قسم عامل جدول جديد غير الجدول لرسمي في اسنان و كمان الجدول ده بيتعارض مع بقيت الاقسام
كمان في مواد تايهين فيها خالص و مش عارفين نجيب ورق و لا نعمل ايه و خاصة ان الكتب مش نزلت ز احنا تايهين في اللي الدكاترة بيقولوه بين اننلا مش فاهمين و بين ان اللي احنا فاهمينه مش بنلحق نكتبه
يا ريت لو حد يفهمني ازاي انا ممكن اذاكر و اجيب ورق ايه و الدكاترة اللي عندنا نظامهم ايه
خاصة و اني ناوية ان شاء الله ارتب عشان انا مش رضيت ادخل بشري مخصوص عشان يمكن ربنا يكرم الواحد بتقدير حلو في اسنان
اسفة اني صدعتكو بس احنا فعلا تايهين و اكيد انتو حسيتو بالحساس ده قبل كده
و خصوصا في برجلة الجدول
شكرا لاهتمامكوا مرة تانية

من طرف twolights 21/10/2008, 8:22 pm

مش تتاسفى على حاجه يا زيزو انتى اختنا وزملتنا ف الكليه يعنى اسالى براحتك واحنا هنجاوبك

بالنسبه لموضوع الجداول ده انتوا المفروض تكلموا الدكاتره وتعرضوا شكاويكم عليهم وتحاولى تظبطوا مواعدكم معاهم وهما اكيد هيراعوا كدا

اما الورق فهو موجود ف مكتبه الرساله ف كفر عصام او مكتبه الشرقاوى
وحاولى تسجلى المحاضرات او تصوريها من اصحابك عما الكتب تنزل
بس اكيد ان شاء الله الكتب هتنزل قريب مش تقلقى
كل حاجه ف اولها بتبقى صعبه عما تتعودى

ونورتينا مره تانيه

من طرف amr_yadak 21/10/2008, 11:03 pm

هو للاسف يا drzozo انتم لايحه جديده ونظامكم مختلف شويه عن ايامنا علشان كده تلاقي مفيش حد فينا فاهم النظام بتاعكم كويس

انما حتى لو مفيش كتب دايما بيبقى فيه ورق زي ماقالت لك تولايتس في الرسالة او الشرقاوي ... اما موضوع الجدول فهي بقت مشكله عامة وكل الدفع بتشتكي من عدم تنظيم الجدول حتى الفرق الاعلى في سكاشن كتيره جدا داخله في بعض
انما ربنا يسهل اليومين الجايين دول ونعرف نلاقي لهم حل

من طرف dr.semsem 26/10/2008, 1:27 am

ana aktar 7aga mday2any 2nne msh bashof ta2reban 7aga fe sections al conservative (operative endo crown) we da tb3an 3lshan al3adad we 2lly zad alten blla 2n 7azy geh m3a mo3eda fl 2esm kolo by7ebha 3lshan shr7ha gamed gdan fa tla2y nas msh fl group bta3 section 1 gayeen 3lshan y7daro m3ana fa bdal ma group 1 fe section 1 3dado 42 bnwsal t2reban 55 we da tb3an 7aga to5no2. no no no

من طرف amr_yadak 26/10/2008, 1:36 am

اطمنوا ان شاء الله هيبقى في تعديل جامد في الشرح قريب
وهيبقى في داتا شو علشان الكل يشوف الدومينستراشنز

من طرف dr.semsem 31/10/2008, 3:19 am

m7adesh byshof 7aga fe section al operative 7ram 3leko....we ba3deen mawdo3 al data show da lessa alterm altany 3la ma ytnafez

من طرف amr_yadak 31/10/2008, 3:40 pm

ربنا يسهل ونقدر ننجزه قبل الترم التاني
ماهي ايد لوحدها متصقفش
احنا طلبنا من الناس كلها اللي عنده اي عروض فيديو يجيبها
واول ما يتوفر لنا مجموعه كويسه هنختار افضلها ونبدا في عرضها مباشرة

من طرف dr.semsem 2/11/2008, 1:21 am

ya 3m swaro ay mo3ed we howa bysht3'al we nazelo al video 3la al computer msh s3ba ya3ny ya3m bdal ma ngeeb videos bta3et nas mn3rfhash 5aly zetna fe d2e2na.. ye3

من طرف dr hoba 6/11/2008, 10:41 pm

ehna mesh benshof haga 5ales fe section ya raet teshofo hal besor3a cry