مذكرات مريضة أسنان

من طرف amalgam 27/10/2008, 11:08 pm

مغامراتى المرعبه عند طبيب الاسنان

انا بموووووووت فى الحلويات يعنى تقدروا تقولوا ان عندى ادمان حاد ونسبه الشيكولاته لو قلت فى الدم بابقى فى حاله صعبه ولو الكراميل ما دخلش جسمى بانتظام ببقى وحشه اوى وآخر بهدله

ده طبعا بؤثر تاثير شديد على صفين اللولى ال فى بقى وبيخليهم يزنوا عليا كتير ,إشى ضرس واشى سنه او ناب يعنى طقم سنانى بإختصار بايظ جدا ومحتاج عمره وتجديد.
وطبعا انا وطبيب الاسنان مالناش تقل على بعض , يعنى فى عدم ارتياح متبادل, وتقدروا تقولوا كده فى بينا وبين بعضنا عدم استلطاف ابدى .
مذكرات مريضة أسنان Zahn

ولكن!!!
وآه من كلمه لكن ...الواحد بيتحوج وبضطر يروح ورجله فى بقه اول ما الاسنان تبدا تعترض.... والضروس تقول يا تسوس, وعندما يصل الالم للعصب!!!! الواحد بيركن كرامته وهيبته على اقرب رف وينزل يجرى على الدكتور ويبوس ايده عشان يخلصه من المعركه ال شغاله جوا نافوخه .
وده ال حصلى بالظبط .... مذكرات مريضة أسنان Squeeze

بعد المسكنات مافقدت مفعولها والعصب مبقاش نافع وانا قولت يالهوتى ى ى ى ى من كتر الوجع.
تم الاتصال بسكرتيره الدكتور وتم تحديد موعد واتنين وتلاته ....... ده لانى كل مره باعتذر واطلع بكل الحجج الواهيه والوهميه عشان اهرب من الكشف بس على مين؟؟؟ فى الاخر رحت بكل غلب ومسكنه بقدم رجل وأاخر اتنين.
دخلت حجره الكشف......
الدكتور بمنتهى اللطف ضحك فى وشى وقالى اتفضلى على كرسى الكشف وعينه بتلمع واضح انه مش فاهم ولا متوقع انه هايشوف العجب جوا بقى ...انا حاولت امهد له انه هايشوف مفاجأه غير ساره و قولتله " انا جيت لما لاقيت مفيش حل تانى."
لكن هو برضو ابتسم وقالى ال ايه افتحى بقك وخلينى اشوف كده !!
يشوف ايه؟؟؟؟
انا متهيألى هايشوف متحف اثرى من ايام الهكسوس وهيلاقى جوا كل انواع التسوس ال شافه وال سمع عنه وال بيتدرس فى كتب طب الاسنان ده غير الجير المتراكم وبقى عامل زى الحفريات ومش بعيد يلاقى بقايا ضرس العقل المتآكل على حشو الضرس ال جنبه واقع ... يعنى ها يتبسط اوى اوى الحقيقه من بقى .....
ومش بعيد يجيب مصورين ويعمل مؤتمر صحفى ويلم شويه دكاتره مبتدأين ويفرجهم الجواهر المكنونه التى ترقد فى قاع فمى منذ زمن سحيق.........
فتحت بقى وغمضت عينى وانا باترعش واترجف من كتر رعبى..
وسمعت كده خير الهم ماجعله خير شهقه تعجب على تنهيده مكتومه تدل على رعب دفين وثم .....صمت بقى.... صمت مالوش حدود قولت افتح عنيا اشوف لايكون الدكتور اغمى عليه ولا حاجه, لاقيته عمال يبص باهتمام جوا فى بقى وكانه بيقول حادى بادى ابدا منين؟؟ من الناحيه دى؟؟
وجاب آله الله اعلم باسمها العلمى وراح مادد ايده بيها جوا بقى النونو
انا حسيت ان حاجه بتضرب فى مخى ..والنور بينور ويطفى وصوت انذار الحريق اشتغل فى ودانى..
كان عايز بس يعرف ان كان العصب مكشوف ولا بايظ ولا العصب اساسا الله يرحمه!!
وقام وكتب ورق كتير ورسم رسومات كده توضح خريطه بقى عشان مايتوهش جوا اخد نفس عميق كده وبدا يشرحلى بكل هدوء قال : "بصى بقى يا ستى ده ضرس بايظ خالص يعنى خلع ..!!
وال جنبه الحشو طاير هنحاول نشوفه كده يا حشو عصب يا اما برضو خلع!! وبعدين فى ضرسين العقل واحد مخروم والتانى ضارب لحد العصب يعنى يا حشو يا خلع !!
والضرس ال على جنب ده طاير نصه والباقى مفتفت خالص يعنى احتمال برضو خلع !!
وبالنسبه للضرس قبل قبل الاخير ده بقى الواضح ان العصب مات يعنى حشو عصب ولو مانفعش يبقى خلع .!!
وبعد كده هانشوف ايه ال فاضل فى الصفين فوق وتحت ونبقى نركب تركيبات بورسلين بدل ال اتخلع ونبقى نعمل شويه تنضيف للجير وتبيض للاسنان وعلاج لثه وشويه حاجات كده تظبيط .."
انا بقى فاتحه بقى بكل سذاجه ومش فاهمه هو الدكتور ده بيتكلم كده على مين؟؟ مذكرات مريضة أسنان Jawdrop

انا ال هايعمل كل ده فى بقى؟؟؟
ولا هو بيتكلم عن الديكور الجديد ال هايعمله فى العياده؟؟ والله باين كده ده بيقولى جير وتركيب وتكسير وخلع ده اكيد على السيراميك والحيطان..
ايه كـــل ده؟؟
خير ؟؟ ليه هو البق كام ضرس اساسا؟؟ ولما هايخلع ويركب ويحشى ويكسر هايستنالى ايه فى طقم سنانى؟؟
انا لما كنت باوضب الشقه واحط سيراميك واعمل نقاشه وديكورات المقاول ماتعبش قلبى كده!!!
انا قولتله اوك يا دكتور نحدد ميعاد لبدء العمل وانا هاسيب رقم تليفونى عند الممرضه واتفق على المواعيد ..
وخرجت للممرضه اديتلها رقم تليفون ورقم موبايل المقاول وخدت ديلى ف سنانى مذكرات مريضة أسنان Whistling