خلف كواليس الكلية

من طرف om omar 23/9/2008, 4:27 am

تعالو نتكلم بصراحه اكتر
ونتعمق اكتر في الوش التاني للكليه
بصورة اوضح تشاركوني رايكو في النتايج واللي بيحصل فيها والناس اللي بتداس في الطريق وبتدفع تمن حاجات مش عارفين بالظبط مين وراها
كل واحد يحكي تجربته
ويقول طلع منها بايه
لو ممكن نتكلم نتكلم
لو مش ممكن بلاش
مستنيا ردودكم

من طرف amr_yadak 23/9/2008, 12:16 pm

لا طبعا ممكن نتكلم اوي
انا السنة اللي فاتت حصل معايا موقف في قسم الاورثو
كان اول سكشن عملي لينا المهم الدكتورة دخلت بصوتها العالي اللي مش معروف سببه
تزعق وتقول محدش خلص ليه انتم فشله انتم انتم انتم ...
المهم فانا كنت مخلص الشغل ووريته للمعيدين وادوني الاوكي ... فبعد ما بطلت زعيق
رحت اوريها الشغل علشان تعرف اننا مكناش بنهرج .. المهم قالت لي شغلك كويس يا أستاذ انت اسمك ايه ... قلتها عمرو ... قالت تقديراتك ايه السنين اللي فاتت .. قلت لها الحمد لله بجيب جيد جدا كل سنة ... قالت لي طيب وريني هتعرف تجيبها السنة دي ازاي .. كدهه بدون مقدمات .. كاني يعني كنت غلطان اني طالع اوريها الشغل

المهم ... وانا داخل واحد صاحبي بيسالني انت بتعمل الحته دي ازاي ؟؟ ... فيادوب لسه بقوله بتجيب الحته دي يمين .. لقيت اللي بتزعق .. انت يا استاذ اسمك ايه .. تاني ... قلتلها عمرو راحت موقعه جنب اسمي وخدتني غياب ... وطبعا في اخر السنة مقبول في الارثوا .. انما الحمد لله برده جبت الجيد جدا في العام ...

فالمهم طبعا معروف ان الارثو مش بيعلموا حد .. طيب انا عاوز اسال لما هم مش عاوزين يعلمو حد والناجح واللي شغله حلو في العملي والنظري كمان على فكره كنت مقفله يدوله مقبول ... طيب فاتحين القسم دا ليه ... ياما يخلوه برايفت ياما يعلمونا بجد .. انما كده مينفعش

دا اعتقد اكبر حاجة سلبيه عندنا في الكليه ... غير كده حاجات بسيطه باستثناء موضوع التقديرات ... هااااااااااااا كده انا اتكلمت على اللي انتي قصدك فيه ولا لأ ؟؟؟

وبعد إذنك هنقل الموضوع لقسم قضايا للنقاش والحوار
لان مكانه مش الترحيب ..
وياريت تسجلي على الموقع علشان تعرفي تردي في كل الاقسام

من طرف twolights 26/9/2008, 12:11 am

اكيد هنتكلم وبصراحه كمان
انا السنه اللى فاتت ف سكشن البروسيزز....المفروض اننا بنعلم الستنج بقى ونتاكد منه عشان نكمل باقى الدنشير...فروحت للدكتور عشان اعلم
طلع ليا عيب ف الكانين وانه شفت نص ملى....روحت وعدتله مع انى مش شايفه النص ملى ده اساسا ...بس والله ظبطه ...وروحت تانى وبردو مش راضي يعلمى
المهم قضيت السكشن اتاخر الاسنان واروحله وبردو مش يعلملى
لحد ما المعيد (وبلاش اقول اسماء عشان مش يزعل منى) استغرب وجالى وحاول يساعدنى وظبطه وقالى كدا تمام
وروحت اعلم وبردو مش رضي
اليوم ده انا كرهت نفسى وكرهت الكليه باللى فيها ...وحسيتهم بيتحكموا فينا بشكل غريب
ده المعيد هو اللى مظبطهولى كمان ومكنش عاجب الدكتور
وف الاخر علمت عند دكتور تانى وادانى 4 من 4
يبقى ده نسميه ايه ؟؟

من طرف down_2_u 26/9/2008, 1:10 am

والله يا تو انا شايفه ان الشغل ده مسئله اراء
يعني ممكن معيد يشوفه تمام والتاني يشوفه وحش جدا وده حصلنا كلنا

من طرف down_2_u 26/9/2008, 1:11 am

بس انتي ممكن تختاري معيد واحد انتي بتستريحيله وتتابعي الشغل معاه
ومتشتتيش نفسك

من طرف down_2_u 26/9/2008, 1:15 am

انا بقي حصلتلي مشكله ان كتاب البروسيزيس العملي ضاااااااااااااااااع وانطريت اعيد الشغل كله تاني علشان اعلم الكتاب رغم الدكتور كان عارف اني كان شغلي حلو

من طرف amalgam 26/9/2008, 1:52 am

ايوة فعلا
حاولي انك تتابعي الشغل الواحد مع دكتور واحد تثقي في رأيه
ده حتى الدكتور الواحد لو ورتيله سنة اشتغلها هيطلعلك عيب!!!!!!
أو يقولك اعملي كذا وكذا وتوريهوله زي ماهو تقريبا يقولك: شفتي كده احسن ازاي؟؟ no comment

من طرف الدياصتي 26/9/2008, 6:34 am

لحد ما المعيد (وبلاش اقول اسماء عشان مش يزعل منى) استغرب وجالى وحاول يساعدنى وظبطه وقالى كدا تمام
وروحت اعلم وبردو مش رضي
اليوم ده انا كرهت نفسى وكرهت الكليه باللى فيها ...وحسيتهم بيتحكموا فينا بشكل غريب
ده المعيد هو اللى مظبطهولى كمان ومكنش عاجب الدكتور
وف الاخر علمت عند دكتور تانى وادانى 4 من 4
يبقى ده نسميه ايه ؟؟

يعني المعيد جالك لغاية عندك............دا معناه ان في بارقة امل
و الدكتور التاني ادالك 4 من 4 ............برضه لسه في خير ف الزمن ده
يبقى ده نسميه ايه ؟؟

وبعدين مهنتنا مهنة خيال و رؤية جمالية و بالذات ف حكاية اطقم السنان دي
يعني واحد خياله عالي اوي..........فعايز يرقى بحسك الفني و الجمالي و يعلي مهارات ايدك.........و التاني شايف ان مستواكي عالي اوي وشغلك حلو كطالبة ......................
فالاتنين قيموكي حلو ............حاولي تاخدي الامور ف الكليه من وجهة النظر دي وانتي هاتستريحي خالص ف الكلية اللي عايزه الحرق بجاز متولع فيه قبل كده

نصيحة من واحد واخد الكلية سياحة وتسوق

من طرف twolights 26/9/2008, 7:28 am

يعني واحد خياله عالي اوي..........فعايز يرقى بحسك الفني و الجمالي و يعلي مهارات ايدك.........

مهو كان ممكن يقولى كدا ويفهمنى باسلوب كويس
لكن مش هعلملك الا لما تعدلى الشفت (نص ملى)

المفروض انهم يحسسونا اننا اولادهم او زمايلهم ع الاقل (باعتيار ما سيكون) مش تحكمات وفرض سلطه وبس

الكلية اللي عايزه الحرق بجاز متولع فيه قبل كده

ايدى على كتفك

من طرف dr_mony_2010 26/9/2008, 2:02 pm

و الله يا تولايتس الكلية مش بالفظاعة دى ...
هو أكيد فى أقسام صعبة و المعيدين ساعات بيكونوا صعبين ....
بس احنا اللى اختارنا من الأول الكلية و لازم ناخد جزاءنا
كمان لما الناس توجهك أو تلومك عشان الشغل يبقى أحسن دا مقبول ، بس حاجة زى اللى قلها عمرو دا بجد اللى وحش ف الكلية

من طرف super_dentist 26/9/2008, 2:24 pm

اوحش حاجه في الكليه الاقسام اللي مش بتعلمنا حاجه علشان يحتكرو السوق
مع ان الارزاق دي على الله مش فايديهم هما
بس هنقول ايه

هي مش اقسام بصراحه هو قسم واحد
و لا تعليييييييييييق

من طرف الدياصتي 26/9/2008, 3:25 pm

مهو كان ممكن يقولى كدا ويفهمنى باسلوب كويس

ما تبقيش متحامله على الناس و مش دايما تفهمي الناس بالرأي الوحش
يعني خلي نيتك صافية لله و حلوه كده و انتي هاتخدي الكلام كله حلو و تفسريه ان الناس اللي شغاله دي عايزه مصلحتك

ايدى على كتفك

طيب السبت الساعة 12 قدام معمل البروسييييزز نبتدي باللي مزعلينك الاول

من طرف super_dentist 26/9/2008, 3:43 pm

هههههههههههههههههههههههههههههههههه

لا البروسيزز دول اجدع نااااااااااااس

احنا نبدا من عند الاسلاك الشائكه و كل واحد يجيب معاه بلاير

من طرف الدياصتي 26/9/2008, 3:54 pm

يا باشا افهم النار هتاكل الكل كليله من تحت لفوق

من طرف super_dentist 26/9/2008, 3:57 pm

انا مش معاك يا دياصتي

مايمكن يلحقو يطفوها قبل ماتوصل للقسم اللي احناعايزينه

من طرف الدياصتي 26/9/2008, 4:02 pm

يا بني الجاز اللي متولع فيه مرة قبل كده ما بينطفاش

من طرف amalgam 26/9/2008, 4:25 pm

خلاص ابدؤا من فوق
هههههههههه

هما بيعملوا كده عشان اللي بيشوفوه من اللي اكبر منهم
هي حلقة مغلقة
كان في دكتور برضه من خلف الاسلاك الشائكة
في المحاضرة يسأل:حد فاهم حاجة؟وهو قلقان حد يقول أيوة
نقول لا , تلاقي الابتسامة العريضة وكلمة الحمد لله!!!!

ودكتورة في قسم البيدو تعمل امتحان وتقول بمنتهى السعادة محدش هيعرف يحل حاجة بإذن الله!!!!

مش عارفة ليه المعاملة والاحباط ده؟؟؟؟
ايه اللي يجرى لو نجحنا بكامل قوانا العقلية؟؟؟؟

واحدة فاضل لها ربع ضارب

من طرف new teeth 26/9/2008, 6:26 pm

مش أدرة امسك نفسي من الضحك
متأكدين ان انتوا بتتكلموا عن كلية hahaha

من طرف الدياصتي 26/9/2008, 6:38 pm

لأ عن شفخانة الحاج علي ابو الدهب لتجارة العبيد و الرقيق الأبيض

من طرف samar yousif 26/9/2008, 9:25 pm

يعني المفروض نتعامل مع الاورثو دا ازاي ..؟؟!!

و لا منتعاملش أصلا ..

من طرف super_dentist 26/9/2008, 11:19 pm

انا عندي وصفه سحريه علشان تتعاملو مع الاسلاك الشائكه

( لا ارى لا اسمع لا اتكلم لا افهم )

من طرف amr_yadak 27/9/2008, 12:41 am

يا سوبر لو بايد الواحد انه لايرى ولايسمع ولا يتكلم
مكنتش تعبت نفسي كده

من طرف tito 29/9/2008, 3:45 pm

اللهم لك الحمد ولك الشكر
اللى يشوف بلوة الناس تهون عليه بلوته
داحنا كدة رضا اوى
صحيح الكلية صعبة بس مفيش كوسة والحمد لله
بجد ربنا يعينكم وتخلصوا السنة دى

من طرف dr_mony_2010 29/9/2008, 4:22 pm

منكم لله هتودونا ف داهيه ....
يا جدعان بلاش الاحباط ده .. احنا لسه حتى مدخلناش القسم

من طرف master_dentist 30/9/2008, 5:24 pm

الاورثو ماده لزيزه وسهله كمان

ما يهمكيش من اللى الدكاتره بتقولهولك فى المحاضرات اننتوا ما بتعرفوش تشتغلوا او ناتوا ما بتزكروش كويس
اعتبريهم بيكلموا حد تانى غيرك

وحاولى تلتزمى بالقوانين اللى بيحطوها لنفسهم سواء فى الشغل العملى او النظرى

طبعا اول ما تخشى السكن خصوصا مع الدكتور عطيه حيكرهك فى العيشه واللى عايشينها وممكن يوصلك لدرجه انك تبقى عايزه تنطى من الدور السادس علشان تخلصى منه ومن الكليه ومن الدنيا كلها

بس ده طبعا للى كانو متوقعين الحياه الورديه فى القسم ده بس انتى تبقى عامله حسابك
يعنى ودن من طين وودن من عجين

بالنسبه للشغل حاولى تكونى مع الدكتوره شيماء او نيفين وما توريش الشغل لعطيه

وبعدين حاولى توريه للدكاتره الكبار وتعرفى هما بيعلموا فى العملى على اساس ايه علشان تعرفى هما بينقصوا على ايه

وفى النظرى الامتحانات بتاعتهم بتبقى سباقات كتابه فتحاولى تقسمى الوقت على الاسئله وتجاوبى كل حاجه علشان انا فى الاخر جاوبت 6 اسئله فى التلات ساعات بتوع الامتحان وخلصت ورقة الاجابه وبعدين لا مدولى فى الوقت ولا جابولى ورقة اجابه تانيه

بس الحمد جبت جيد برضه وربنا ستر

وعدين ركزى على ان فيه اربعه برضوا حابوا جيد جدا عندنا

فليه ما تجيبيش انتى كمان جيد جدا

ه>ا وبالله التوفيق

من طرف اخوكى اللمبى

خلف كواليس الكلية

خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية

رد: خلف كواليس الكلية