ماتفضحيناش,تعالي,إدخلي وللا لازم أعلي صوتي؟!!!

من طرف amalgam 10/9/2008, 2:18 pm

آنـسـتـي العـزيـزة

آنستي العزيزة.. لو ربنا فك عقدتك.. واتخطبتي .. فإليكِ نصائحي

حتى تأخذي بخطيبك من مركب الخطوبة إلِّي محدش عارف

هاترسى على إيه.. إلى مثوااااه الأخير في قفص النسانيس

قصدي قفص الزوجية السعيد ..

نصائحي لك عند أي عزومة

1 -

الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق

طبعًااا

2 -

العيش أوعي تفضحينا وتقطعيه بسنانك.. ولا الرغيف نصين بإيدك

وكل نص لقمة وتحشري.. أوعي.. العيش بيتقطع بالسكينة في

الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي
حِـفِّي زي ماانتِ عايزة

3 -

الشوووربة.. أبوس كعب رجلك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. السلطانية اللي بتقيميها على بقك في البيت

وتدلدقي على روحك ..

بالمعلقة وبدون صوت.. سخنة, ولعة , برضه بدون صوت

وتسيبي تلت الطبق ع الأقل.. مش تميليه.. عشان تلهطيها لآخر

نقطة

4 -

الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه

5 -

المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات.. مش

تشفطي المكرونة عود عود

6 -

السمك.. مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فلح

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك

7 -

الجمبري.. -إذا كنتي عارفاه-.. أول ماطبق الجمبري ينزل.. بصيله

بقرف واحتقار شديدين.. آل يعني زهقانة من كتر أكل الجمبري

الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي

قاطعة راس الجمبريّاية.. بالشوكة.. أنا ف عرضك إنسي

المصمصة دلوقتي

8 -

البطاطس سواء مسلوقة أو محمرة.. أوعي تهرسيها وتدبيها على

الرز وتدّي ...لا..لآ...لآ...بالشوكة حتة حتة وإنت زي ما تكوني

هاتعيطي من كتر ما البطاطس صعبانة عليكي

9 -

الفاكهة.. لو الفاكهة فيها بذر.. طلعيه من بؤك بالراحة وحطيه في

إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبذر.. إنسي

10 -

ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وفي النهاية مبروك عليكي
وعقبالنا كلنا

ملطوووووووووووووش

من طرف new teeth 10/9/2008, 7:22 pm

حرام عليكي يا املجم
ده هياخد فكرة ان انا مش باكل وهوفر علية
اتريني ........... ha ha ha ha

من طرف battota 10/9/2008, 8:46 pm

'طيب هادلق العصير عليه ازااااااااااااااااي؟؟؟؟؟؟؟؟؟؟؟؟؟؟؟؟؟

نسيتي الباند ده

شكرا يا امالجم
دايما متميزه بمواضيعك

من طرف amalgam 11/9/2008, 1:41 am

هههههههههههه

منورة يانيو
شكرا يا بطوطة وبلاش الغيبة دي

زي اعلان الشاي لما بيقول انا غيرت رايي

من طرف dr_mony_2010 11/9/2008, 2:08 pm

هههههههههههههههههههههه
موضوع تحفــــــــــة يا أمالجم .....

من طرف amalgam 11/9/2008, 4:40 pm

من طرف twolights 12/9/2008, 6:46 am

توبيك جميل يا امالجم
بس انا ضد المبدا ده
انتى لازم تبانى بطبعتك مع خطيبك لان بعد الجواز كل حاجه بتبان
وكدا هيقول انك خدعتيه عشان تتجوزى وخلاص
ده كمان لو ف حاجه مضايقك ف شخصيتك ونفسك تغيرها ممكن تاخدى فتره اللخطوبه وسيله لكدا
ومره فمره هتتعودى وبعد الجواز هتفضلى زى ما انتى

اوعى تزعلى يا امالجم بس والله توبيك مفيد

من طرف twolights 12/9/2008, 8:12 am

فينك يا بطه؟؟ مختفيه ليه عننا؟؟

مش تقلقى هنجبلك التوبيك عشان تدلقى العصير
ههههههههههههه

من طرف amalgam 12/9/2008, 1:45 pm

اكيد طبعا
جست فور فن
مش معقولة واحدة هتعمل كده بجد
وكمان احنا بنات ديليكا
مش محتاجين نمثل اصلا
ههههههههه
نورتي ياتوتا

من طرف new teeth 14/9/2008, 1:09 am

بس الكلام ده يكون ادام طنط حماتي
ولا ايه؟؟؟ hahaha

من طرف amalgam 14/9/2008, 11:12 am

لا متخافيش يا نيو
هيفضل سر بينا

من طرف new teeth 14/9/2008, 9:15 pm

ماتفضحيناش,تعالي,إدخلي وللا لازم أعلي صوتي؟!!!

ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!

رد: ماتفضحيناش,تعالي,إدخلي وللا لازم أعلي صوتي؟!!!