أكون أو لا أكون

من طرف الدياصتي 30/8/2008, 3:53 am

--------------------------------------------------------------------------------

اكون او لا اكون

بينى وبينك جدار
م الوهم وم الظنون
لازم اخد قرار
اكون او لا اكون
*******
اكون ف الكون مدارك
وابعد عنك مضارك
قلبى حضنك ودارك
وانتى صدرى الحنون
بينى وبينك جدار
لازم اخد قرار
اكون او لا اكون
*******
اكون ف الورد لونه
واكون ورقه وغصونه
وحنين الشوق اصونه
يا قلوبنا خلاص تخون
بينى وبينك جدار
لازم اخد قرار
اكون او لا اكون
********
اكون كلمه ف حروفك
وف كل حاجه اشوفك
وابعد قلقك وخوفك
وابعد كل الظنون
بينى وبينك جدار
لازم اخد قرار
اكون او لا اكون
*******
اكون ف الليل نجومه
وانسى الشوق همومه
اقبل زعله ولومه
اقبل كل الظنون
بينى وبينك جدار
لازم اخد قرار
اكون او لا اكون