هتضحك يعنى هتضحك

من طرف down_2_u 9/8/2008, 11:12 pm

ازيكم يا جماعه انا جايبه شويه اسئله كده والاجابات بتاعتها بس ايه هتضحك يعنى هتضحك

س : - طوبه وقعت من فوق عماره ولوح الأزاز الي تحت ما انكسرش ليه؟؟
ج : - لأن الطوبه ماوقعتش علي الأزاز.

س : - طيب فرخه بتعدي الشارع ماتت فجأة ليه؟؟
ج : - لأن الطوبه وقعت عليها.

س : - ليه واحد حاطط جنبه كوباية شاي وهو نايم ؟؟
ج : - لأن الشاي منبه.

س : - طيب ليه حاطط جنب كوب الشاي فنجان قهوة ؟؟
ج : - عشان اذا ما رنش الشاي.

س : - طيب ليه يحط كوباية مايه فاضيه وكوباية مايه مليانه؟؟
ج : - عشان يمكن يشرب ويمكن ما يشربش.

س : - واحد بيحط سكر على الكرسي قبل ما يقعد ،، ليه ؟؟
ج : - عشان تكوون القعده حلوووة.

س : - حاجه طايرة فى السما وتقووول مياوووووو ،، أيه هيه ؟؟
ج : - قطه بيضه ، مضروووبة بالشلووت.

س : - طيب حاجه سودا طايرة فى السما وتقوول مياووووو ، أيه هيه ؟
ج : - غراب بيستهبل على القطه البيضاء
ههههههههههههههههههههههههه

س : - طيب حاجه زرقا طايره فى السما ،، أيه هيه ؟؟
ج : -دبانه لابسه بنطلووون جينز أزرق.

س : - طيب حاجه سودا وفيها خط أحمر وطايره في السما من الشرق الى الغرب، أيه هيه ؟؟
ج : - دبانه لابسه فستان وحاطه روج أحمر ، ورايحه جواز وحده من صحاباتها .

س : - طيب حاجه سودا وفيها خط أحمر وطايره فى السما من الغرب الى الشرق،،

أيه هي ؟؟
ج : - نفس الدبانه نسيت حاجه في البيت وراحت تجيبها .

س : - نقطة سودا على الحيطه أيه هيه ؟؟
ج : - دبانه.

س : - و نقطتين سود على الجدار ايه هما؟؟
ج : - أكيد فيشه.

س : - طيب تلات نقط سود ، أيه هما؟؟
ج : - دبانه وفيشه .

س : - 54 نقطة سودا ، أيه هما ؟؟؟
ج : - الحيطه مقشره
هههههههههههه

س : - حاجه ضعيفه وطووويله ولونها أبيض أيه هيه ؟؟
ج : - خيط أبيض.

س : - طيب حاجه ضعيفه وطوووويله ولونها أسود أيه هيه ؟؟
ج : - ظل الخيط الابيض .

س : - حاجه بتمشي على الارض وتقوول زززززززز أيه هيه ؟؟
ج : - صرصار راكب علي دبانه.

س : - طيب ناس دخلوو شقه عرفوا ان فيها صراصير أزاي ؟؟
ج : - شافوا الدبان وهو ميت
من الي عمله فيه الصراصير.

س : - طيب ليه القطر بيوقف فى المحطة ؟؟
ج : - عشان ما بيعرفش يقعد.

س : - طيب وليه بيمشي مرررة تانيه ؟؟
ج : - لأنه زهق من الوقوووف.

س : - طيب بيضه وقعت من الطياره ومانكسرتش ليه ؟؟
ج : - ربك ستر.

س : - طيب أزاي نحط غزال في التلاجه على ثلاث خطوات ؟؟
ج : - افتح الثلاجه ،،، نحط الغزال ،،، نقفل التلاجه .

س : - طيب أزاي نحط الفيل على اربع خطوات؟؟
ج : - نفتح الثلاجه ،،، نطلع الغزال ،،، نحط الفيل ،، نقفل الثلاجه .

س : - طيب طياره شايله اجهزه كهربائية ،،حصل عطل فني فيها فلازم نرمي أثقل حاجه نرمي ايه؟؟؟
ج : - نرمي التلاجه عشان فيها الفيل.

س : - واحد قاعد بيعوم في البحر وفجأه مات... ليه؟؟
ج : - لأن الثلاجه الي فيها الفيل وقعت عليه .

س : - نملة بتقعد على البحر لما بتحب تقرا،، ليه ؟؟
ج : - عشان تبل ايدها لما تيجي تقلب الصفحه.

س : - طيب اذا ركبت موتسيكل ،، بتحط الفيل قدامها ليه ؟؟
ج : - عشان مايلعبش فى الجرس.

س : - طيب ليه ما بيعوموش في البحر سوااا ؟؟
ج : - عشان ماعندهمش غير مايوووه واحد.

س : - طيب وليه النمله ما بتنمش جنب الفيل ؟؟
ج : - لأن الشيطان شاطر.

س : - طيب أزاي نصطاد الفيل الاحمر؟؟
ج : - نصطاده ببندقية الفيل الاحمر .

س : - والفيل الاخضر ،، أزاي نصطاده ؟؟
ج : - نستناه لما يستوى ونصطاده ببندقيه الفيل الاحمر .

س : - طيب أزاي نصطاد الفيل الازرق ؟؟
ج : - نعمله حركه تحرجه ،، ولما وشه يحمر نصطاده ببندقيه الفيل الاحمر .

س :-أزاي نقعد 4 فيله فى عربيه جيب؟؟
ج: نركب اتنين وره واتنين قدام

س : - طيب ومين الي يسوووق ؟؟
ج : - الي معاه رخصه.

س : - طيب ازاي نركب 8 فيله في سياره شبح ؟؟
ج : - نبيع الشبح ،، ونشتري عربيتن جيب ونركب في كل عربيه 2 ورا و 2 قدام.

س : - أيه هي الحاجه الي بتعوم على وش المايه وأول حرف منها ق ؟
ج : - قطعة خشبه.

س : - طيب وأيه هي الحاجه الي بتعوم علي وش المايه وأول حرف منها ب ؟
ج : - برضه قطعة خشبه.

س : - طيب وأيه هيه الحاجه الي بتعوم علي وش المايه وأول حرف منها ن؟؟
ج : - نفس قطعة الخشب.

س : - وايه هيه الحاجه الي تعوم على وش المايه وأول حرف منها هـ ؟
ج : - هي هي نفس قطعة الخشب.

س : - طيب ايه هيه الحاجه الي بتعوم على سطح الماء وأول حرف منها ي ؟
ج : - يا أخي انت ما بتفهمش ، قلت لك قطعة الخشب

haha

من طرف master_dentist 9/8/2008, 11:39 pm

العنوان يدل انك فعلا لازم تضحك

لانك حتضحك غصب عنك من الهم

اهوهو ده بقى الهم اللى يضحك اللى كنت بقولوكوا عليه

ye3

من طرف down_2_u 10/8/2008, 12:27 am

بقي كده؟ماشي cry

من طرف lovelystory2007 10/8/2008, 12:30 am

ههههههههههههههههههههههههههه

فعلا غصب عنك لازم تضحك ............... جميله اوي يا داون تسلم ايديك
haha

من طرف down_2_u 10/8/2008, 12:32 am

مرسي ليكي ايوه كده افتحي نفسي اصل ماستر شكله كده ملوش نفس يضحك خالص

من طرف master_dentist 10/8/2008, 12:37 am

سورى يا دون انتى زعلتى ولا ايه

اوعى تكونى زعلتى

لو زعلتى

عادى ايه المشكله
haha

من طرف down_2_u 10/8/2008, 12:43 am

وكمان بتضحك
ماشي ياماستر ولا يهمك كله سلف ودين 3yat

من طرف super_dentist 10/8/2008, 2:48 am

ثانكس داون تو يو

من طرف twolights 10/8/2008, 2:55 am

فعلا لازم تضحكينا يا داون
ثانكس

من طرف down_2_u 10/8/2008, 4:34 am

ميرسييييييييييييييييييييييي يا توليتس
ميرسي يا سوبر
يارب تكون بجد عجبتكوا

من طرف amalgam 11/8/2008, 11:54 am

ههههههههههه
شكرا داون

من طرف new teeth 12/8/2008, 2:07 pm

شكرا ليكي يا دون انا مش عرفة امسك نفسي من الضحك
وانا عندي ليكو نكتة حلوة
مرة واحد زهقان ومتضايق ف صحبة بيقله مالك يبني
بيقلة سبشي في حالي
قله ليز
قله ابويا كرنشى من البيت
قالة قلبظ دماغك ha ha ha ha