ازاى تعكنن على مراتك؟؟؟؟

ازاى تعكنن على مراتك؟؟؟؟


الصبح وانت رايح على شغلك وهى نايمة تعمد اسقاط اى شئ او اخبط الباب
بصوت عالى علشان تصحيها هى كمان 00 اشمعنا انت ؟ ولو حاولت ترجع تنام
تانى قول لها مادام صحيتى حضري الفطار بقى


اصحى يوم الجمعة بهمة ونشاط
وجهز الافطار لزوجتك بس متنساش انك تستخدم15 طبق واكبر كمية من
الملاعق والشوك و 5 حلل من اللى عندكم فى المطبخ و عشر كوبيات لاعداد
طبق بيض وسندوتش جبنة طبعا يراعى ترك اثار سمنة على الارض مع ترك
التلاجة مفتوحة وقشرالبيض فى الحوض

فى عيد ميلادها زين لها تورتة عيد
ميلادها بخمسين شمعة ولو سألتك لية خمسين رغم ان عندها15سنة بس ؟
اتحجج بضعف الاضاءة فى البيت وانت بتبص على النجفة اللى عندكم اللى
فيها 30لمبة مع ابتسامة صفراء خفيفة

لو عملت ريجيم اجرى على السوبر
ماركت ومحلات الحلويات واملى التلاجة شكولاتة وحلويات وجاتوهات يرعى
التجول وانت مستمتع بأكل الجاتوة امامها

متنساش رأيك فى طبيخها لو
عاملة لحمة قول لها حلو اوووى الفراخ دى ولو طبخه بامية 00 جميلة اوى
الملوخية دى حاطة عليها اية يا حبيبتى ؟؟ ولو عملة كيكة قالها انا بحب
اشرب شاى مع البسكويت الحلو دة

لو طلبت منك تنشر الهدوم قولها حاضر مع
ابتسامة حانية وبعد ما تخلص نشر الهدوم ادخل عليها وقولها انا نازل
اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان
متبقاش مقصودة منك

لو الزوجة قررت مسح الارضيات فى البيت حاول انك تروح
وتيجى على المناطق المبلولة متحجج بأنك محتاج تتصل ضرورى بواحد صحبك
ومرة عطشان ومرة تانية بتجيب الجرنال ومفيش مانع انك تقول انك حاسس ان
التليفون هيرن كمان شوية لو كانت مشغولة فى نظافة البيت او مع الاولاد
وطلبت منك تغسل كوبتين الشاى بتوع الصبح الموجودين فى الحوض ارجعلها
كمان دقيقة من دخولك المطبخ وانت ماسك كوباية من الاتنين وهى مكسورة
واسألها فى براءة ارمى دى فين ؟؟ وانت قاعد تتفرج على التلفزيون وهى
طالع عينها فى تنظيف البيت وبعد ما تخلص معلش ممكن كوبية مية علشان
ضهرى بيوجعنى
مع الاعتذار للزوجات
هههههههههههههه
طبعا احنا جايين نهدى النفوس أكيد انتم فاهمين

هى دى الطرق بس للعكننه على مراتك!!!
هع هع هع


هى بقى عندها مليووووووووووووووووووووووووووون ومليوووووووووووووووووووون طريقه للعكننه عليك
هع هع هع



وبعدين يا قابض لو انت عملت كده ف مراتك.... هتقول ان دمك خفيف
مش بتعكنن عليها
اوعى تقلل من قيمه شئنك يا راجل

ههههههههههههههههههههه

نا لو حببي اهزر مع مرتى هطخها بالنار وارملها العيال من فوق السطوح

يطخوا مع امهم
واتجوزا واحدة جديدة

واضح ان السوبر عنده الجديد
ورينا يا سوبر

قطيعه تقطعهم وتقطع الحلل
دوله صنف ما يملاش عنيه غير التراب والاسبستوس

اه والله ولايملي عينهم الاسبستوس الاسبستوسالاسبستوس

ونرح ونتعب ونجيب الاسبستوس وبرده مش بيحوء فيهم نعمل ايه تاني نجيب
البسكنتول بقي ونتوكل علي الله

هاتوا مستحضرات التجميل دى ممكن تبقوا حلويين زييى كدة

بقى مش العسل دة يقول للجمر انزل وانا اجعد مطرحك