فلسفة حماااااااااااااااااار

عجبي عليك يا ابن ادم يا كبير الدار


قومت الدنيا وما قعدت لما قالوا حمار


هو اسمى شتيمه ولا ده عار


خلقنى ربى وخلقك ولا حدش له خيار


وانا مهما زاد الحمل فوقى صابر على المشوار


لا فى يوم أقول اشمعنا اخويا ولا اخد منه ثار


ولا يوم ابص لرزق غيري واطق منه واغار


ولا ارفع فى يوم عينى على جارتى واصون الجار


ولا مهر ادفع لحمارتى ولا شبكة وشوار


ولا شقة اجمع فى ثمنها ولا اجهز دار


ولا حرمى تتوحم عايزة الكافيار


ولا بنت تخرج عن طوعى وتجيب العار


ولا ابن يدمن ويهلوس ويقع ينهار


عايش فى حالى متهنى ولية افكار ؟


باكل وباشرب وانهق ما فيش اسرار


وعندي ابن ادم يخدمنى ليل ويا نهار


ان جعت يشترى برسيمي باغلى الاسعار


وفى مرضى يفضل يعالجنى ويدعى الستار


خادم امين من غير راتب ولا حتى ايجار


والحين عرفت يا بن ادم مين فينا حمار ؟؟؟

سبحان الله فعلا سبحان من رزقه
وأقول ان هناك من البشر من قال فيهم الله عز وجل فيما معناه انهم أضل من الانعام
موضوع جميل وشكرا على النشاط ده

فله شمعه منوره

فعلا دلوقتي الحمار بقى احسن من البني ادم

شكرا على المرور يا جماعة