شدوا الحزام

من طرف الدياصتي 31/8/2008, 7:43 pm

- شدوا الحزام -
شدوا الحزام على وسطكوا ..
شدوا الحزام ..
وياريت كمان تبطلوا نطق الكلام ..
وأوصيكوا تانى وتانى .. بكتر الصيام ..
أصل احنا دلوقتى فى أصعب مرحلة ..
لكن بقولها بملو فمى ..
وحياة أبويا ومن بعده أمى ..
راح تبقى بكره الدنيا وردى ..
وحتاكلوا لحمة بالحمام ..

شدوا الحزام واستحملوا ..
هانت خلاص .. طريق طويل .. بس لازم نكمله ..
دلوقتى احنا فى منتصف نص الزجاجة ..
يعنى بحمد لله مشينا ربعها ..
هانت خلاص ..
فاضل يادوبك نصها ..
ويبقى مش ناقص بأه غير ربعها ..
أظن ملكوش أى حجة فى انكوا تستحملوا ..
وتكملوا .. شد الحزام على وسطكوا
إوعوا بأه تستهبلوا ..

شدوا الحزام ده احنا خلاص فى آخر مرحلة ..
عنق الزجاجة ..
بس الحقيقة المشكلة .. إن الزجاجة مزفلطة ..
وكل ما نحاول نعدى م العنق ..
نقع .. ونتشلفط شلفطة ..
فبعتنا نستورد كيماوى ومدرك ايه ..
عشان ننضف الزجاجة المزفلطة ..
بس الكيماوى للأسف ..
طلع بتاع صراصير ونمل .. مش بتاع الزفلطة ..
فانا بقترح ان انتوا تاخدوه تشربوه ..
وتريحونا من الهبل والهلفطة ..

من طرف amr_yadak 31/8/2008, 9:10 pm

ههههههههههههههه والله الراجل دا بيقول كلام زي الفل
واتاري انا بقول هو احنا ليه مش عارفين نعدي من عنق الزجاجه
اتاريها طلعت مزفلطه

lough

من طرف amalgam 1/9/2008, 1:31 am

يعنى بحمد لله مشينا ربعها ..
هانت خلاص ..
فاضل يادوبك نصها ..
ويبقى مش ناقص بأه غير ربعها ..

ولا أجدع مسأله لفظية
بقى السر في الزفلطة
ااااااااااااااااه