اللي لابسين نضاره......افيدوني

من طرف battota 5/7/2008, 9:48 pm

السلام عليكم ورحمه الله وبركاته

بصراحه المشكله دي اللي هقولها مشكله ملقيتلهاش حل لغايه دلوقت
وياربت الاقي حل لاني تعبت وزهقت منها

المشكله بقى هي اني من فئه الطلبه اللي اتكتب عليهم يلبسوا نضاره(فاترينه يعني)

ف الشتا واحيانا الصيف ف حاله التكدس ونقص الاوكشوجين
واحنا بنشتغل ف بق البيشنت وطبعا لابسين ماسك

فجأه الاقي شبوره اتكثفت على ازاز النضاره

والاقيني من شايفه حاجه خااااااااااااااااااالص :face:

وربنا بيستر على بق البيشنت والحمد لله مبيتعورش(بس مش كل مره تسلم الجره)

ساعات كنت باخد نفس عميق قبل ماغطس ف بق البيشنت
بس بكون هموووت ومش بشتغل اكتر من ربع دقيقه

وفكرت اني اخلع النضاره وانا باشتغل
بس الصوره مش بتكون واضحه اوي لان الاضاءه مش كويسه(اذا كان في اضاءه اصلا)

ومره اشتغلت من غير ماسك للاسف ومكررتهاش تاني
تلاقي حاجات بتطير على وشك(ييييييييييييييييييييييييييعععععععععععععععع)
وف الاخر اللور لب عندي ورمت 3 تيام وسخونه

ياترى اللي بيلبسو نضاره(كتيييييييييييييير طبعا) حلو المشكله دي ازااااااااااااي؟؟؟؟؟؟؟؟؟؟

من طرف ahk 5/7/2008, 11:53 pm

افتحى الماسك من تحت
هويه بحيث يخرج الهواء من الماسك من تحت
يعنى هاتى ماسك من اللى بيتربط وارطى الجزء اللى فوق بس

من طرف dina 6/7/2008, 2:19 pm

في دكتور علمنا نقفلة كويس من فوق دة بالنسبة للي بيبقي قية حديدة اللي لونة ابيض و من يوميها النضارة بتبقي كويسة

من طرف amr_yadak 6/7/2008, 4:04 pm

بصي يا ستي
مع اني مش بشتغل اصلا بنضارة .. انما جربت اشتغل بالنضارة مره وحلها
انك تقفلي او تضغطي على الماسك من الجزء اللي فيه سلك على مناخيرك
بحيث ياخد شكل الطيه بتاعت المناخير .. وساعتها مفيش نفس هيتسرب اطلاقا
وحتي مش هتحتاجي تعملي التهويه من تحت الماسك