شفتو لما الراجل يدخل المطبخ؟؟؟

من طرف amalgam 17/5/2008, 12:26 pm

أنا طبخت رز
بقلم أشرف توفيق
شفتو لما الراجل يدخل المطبخ؟؟؟ W6w_w6w_20050510094310550410485e6

أيون.. أقر أنا المذكور أعلاه.. الساكن في العنوان اياه (حدايق المعادي) بأنني بحمد الله وتوفيقه وكرمه ثم بدعاء الوالدين ثم بالفلوس اللي فضلت معايا.. طبخت رز بنفسي.. وعلى المتضرر اللجوء لصاحب العمارة!!!

أكيد اللي عارفني قاعد يبص على الاسم كام مرة ويتأكد.. أيوه يا عم أنا.. واللي مش عارفني بيقول وإيه يعني لمّا يطبخ رز؟؟[img:ac1c]http://kshcool.rjeem.com/Agif/Smiles/image/36_1_54[1].gif[/img:ac1c]

أصل العبد لله اللي هو أنا ممنوع عني حاجتين: السجاير عشان حق ربنا.. والطبيخ عشان حق الجار!!

قاعد لوحدي في شقتي (3 أوض وصالة وحمام ومطبخ وشِرحة وبِرحة ويرمح فيها الخيل).. وزهقت بقى كل يوم أجيب أكل ديليفري (اصل أنا طول عمري كريم واللي ف جيبي مش ليّ).. قلت أغيّر بقى وأطبخ رز وخلاص.. واللي يحصل يحصل.. وعشان تعرفوا ليه أنا حاسس إني عملت "إنجاز" لما طبخت رز.. هاقول لكم أول مرة لما حبيت أطبخ..

كنت رايح اتغدى في شقتي القديمة.. وقدامي خيرات ربنا بقى.. والحاجات كلها أنا طابخها بإيدي طبعا.. اللانشون والجبنة الرومي والعسل والمربى.. كل ده أنا طابخه بإيدي يعني.. هو إيه الطبخ غير إني أحط الحاجات في أطباق؟؟

المهم.. قلت لنفسي يلاّ نعمل مغامرة ونطبخ بيض.. نعم؟؟؟ بيض؟؟؟؟ أيوه يا عم بيض.. أنتم فاكرين البيض سهل.. أنتم مثقفين؟؟؟ أنتم مش مثقفين..وقلت كمان هاعمله مقلي.. أيوه.. ثقة بقى.. مش أنا اللي أحط البيض في الميّة يطلع مسلوق!! لازم النفََس في الطبيخ!! شفتو لما الراجل يدخل المطبخ؟؟؟ W6w_w6w_20050508160133262316a21259

شفتو لما الراجل يدخل المطبخ؟؟؟ W6w_w6w_20050508160133262316a21259

جبت طبق وحطيته على البوتجاز وفضلت أخبط في البيضة إنها تتكسر.. أبدا.. لغاية ما رزعتها في البوتجاز ونفس الحالة مع البيضة التانية.. حطيت البيض في الطبق اللي ع البوتجاز.

شوية بقى "خير اللهم اجعله خير" لقيت فيه دخان كتير.. قلت يا واد يا "أشرف" ينفع كده؟؟ تنسى الزيت؟؟ لازم تحط زيت.. جبت إزازة الزيت وحطيت شوية.. بس برضه لقيت فيه دخان كتير..قلت يا واد يا "أشرف" ينفع كده؟؟ فيه بيض من غير ملح؟؟ أكيد ناقص ملح.. جبت كيس الملح وحطيت ملح.. بس برضه الدخان بيكتر.. قلت أكيد لازم يتحط زيت أكتر.. مسكت إزازة الزيت تاني وحطيت زيت كتير.. والدخان بيزيد.. يادي النيلة!!! مسكت كيس الملح أحط تاني.. ومش عارف إيه دخّل الملح في الدخان..[img:ac1c]http://kshcool.rjeem.com/Agif/Smiles/image/36_1_5[1].gif[/img:ac1c]

المهم فضلت أحط زيت وملح.. ملح وزيت.. والبيض لسة ما اتقلاش.. والدخان انتشر في المطبخ والشقة والعمارة والشارع..

سبت اللي يحصل يحصل وعملت وقفة مع نفسي من اللي هي كده وقلت ثواني بقى.. أنا كده خلصت نص إزازة الزيت ونص كيس الملح على بيضتين ولسه ماتقلوش.. صلاة النبي.. دا انا أجيب نص كيلو لحمة أوفر!!

شوية بقى ولقيت جارتنا اللي فوق بتنده ع اللي تحت.. يا "أم سيد" الدخان ده طالع منين؟؟؟ ترد "أم السيد": يمكن من عند "أم حمادة".. يا "أم حمادة".. الدخان ده منين؟؟ وانتشرت الدعوة من شقة لشقة وطبعا أخرتها قفلت البوتجاز وفضلت أبص للجريمة اللي أنا عاملها ومش فاهم حاجة..

بس الحمد لله اكتشفت الحل في الآخر.. وكويس إن الغلطة مش غلطتي يعني..

مش قبل ما يقولوا لنا نقلي البيض إزاي.. يقولوا إن الأطباق البلاستيك ما بيتقليش فيها!!!!!

'طبعا منقووووووول طبعا

[/size]

من طرف vezant 17/5/2008, 6:34 pm

هههههههههههه

من طرف marmer 17/5/2008, 11:26 pm

:lol: :lol: :lol: :lol: :lol:
انا مش صعبااااااااااااااان عليا غير الملح وازازة الزيت
الوااااااااااد دة خبرة

من طرف pedo 18/5/2008, 5:44 am

ههههههههههههههههههه
الموقف ده حصل معايا مره قبل كده
كنت بقلب برجر بشوكه بلاستيك
وفجأه لقيتها بتغوص في الزيت وتغوص وتغوص لحد ماتبقه في ايدي حوالي 2 :3 سم من الشوكه
وكل ده وانا نفسي اعرف سبب انها بتغوص وقعدت اسال نفسي النص التاني ده راح فين ؟؟؟؟؟؟؟؟؟

من طرف battota 18/5/2008, 11:06 am

ههههههههههه

من طرف amalgam 18/5/2008, 4:30 pm

ههههههههههههه
شكرا لمروركم
الاعتراف بالحق فضيلة يا بيدو
عشان تعرفوا قيمة الستات
:lol!: :queen:

من طرف القابض على سيفه 22/5/2008, 9:38 am

علشان كدة لازم الستات تتضرب بالكرباج علشان تبدع فى المطبخ اكتر
اضرب اشتم اركل هولاء النسوة

من طرف super_dentist 22/5/2008, 7:02 pm

ههههههههههههههههههههههههههههههههههه

اه يا ناصح بقى في حدا يعمل البيض في طبق بلاستك
امال الفراخ تتحمر في ايه

ههههههههههههههههههههههه

من طرف amalgam 22/5/2008, 8:49 pm

هههههههههههههههههههه
أحلى كومنت للسوبر
شفتو لما الراجل يدخل المطبخ؟؟؟ W6w200504111348476fff23c80

من طرف twolights 22/5/2008, 10:35 pm

توفيق ده شيف ماااااااهر
:lol: :lol: :lol:
وانا اللى كنت بسال ايه فايده الاطباق البلاستيك

:lol: :lol:

من طرف القابض على سيفه 23/5/2008, 2:20 pm

احلى كومنت السوبر على ايه يعنى مبلاش المجاملات دى
احلى كومنت القابض

من طرف amalgam 23/5/2008, 3:52 pm

ياجماعة في واحد بيكلم نفسه
عاوزين نعالجه بسرعة
لاحول ولا قوة الا بالله

ربنا يشفي
شفتو لما الراجل يدخل المطبخ؟؟؟ W6w_w6w_2005042720272258122e14

من طرف pedo 23/5/2008, 4:43 pm

دي شيزرفرنيا

من طرف القابض على سيفه 24/5/2008, 12:47 am

هو فين دة ال عاوز يتعالج
المشكله مفيش طبيب هنا غيرى
بسرعه ليبقى مرض مزمن زى هى هى هى حشو السنان

من طرف amalgam 24/5/2008, 5:50 pm

يا حرام
اللي بيكلم نفسه نسي اسمه كمان وفاكر نفسه دكتور

من طرف dr_mony_2010 24/5/2008, 8:16 pm

موضوع جاااااااااااااااااااااامد جدااااااااااااااااا
دا أنا معرفتش ابطل ضحك و ان بقراه
المفروض انهم يطلعوا قانون حظر تجول للرجالة ف المطبخ

من طرف amalgam 24/5/2008, 9:40 pm

ههههههههههه
عندك حق يا موني
حقنا للزيت عشان غالي اوي اليومين دولن
نورتينا يا موني بجد وشرفتينا

من طرف dr_mony_2010 24/5/2008, 10:18 pm

ههههههههههه
هى جت ع الزيت
أنا اخويا قرر ف يوم انه يسخن عيش ف الميكرويف عشان يفطر
و هو المفروض اخره 1 دقيقة
الباشا افتكره زى الفرن العادى
حطه و ظبط 12 دقيقة
و البتاع ولع ... و لولا ستر ربنا كان البيت كله ولع
الزيت دا همه سهل

من طرف vezant 25/5/2008, 12:32 am

ايه الميكرويف ده باه ان شاء الله
اما انتو عندكم هنا بتقولو حاجات غريبه
وايه البتاع اللي ولع
الميكرويف ولا رغيف العيش
طيب المهم مش اخوكي دلوقتي الحمد لله بخير

من طرف القابض على سيفه 25/5/2008, 10:03 am

مش ناوى تعترف بقى يا فيزنت ال انا وانت واحد

من طرف amalgam 25/5/2008, 3:45 pm

بيسخن العيش في الميكرويف؟
و12 دقيقة كمان؟؟؟؟؟؟
مستحييييييييييييل
الحمد لله ربنا ستر

من طرف dr_mony_2010 26/5/2008, 9:20 am

اه الحمد لله
ع الاقل ارحم من غيره و عارف الميكروويف
ايه يا عم فيزينت .... انت همك ايه اللى اتحرق ....
الاتنين طبعا ولعوا!!!

من طرف القابض على سيفه 26/5/2008, 9:32 am

هناك فى الفلاحين
محدش بيمسك عمدة ال لو كان عندة البتاع دة ال اسمه ميكرويف
علشان يكلمه الناس الابهه البوهات يعنى( ال بيلبسوا قميص وبنطلون ) بيه

من طرف dr_mony_2010 26/5/2008, 9:48 am

و الله!!!!
أصل العمدة بتاع بلدنا مش كده خالص.....

من طرف pedo 26/5/2008, 11:34 am

العمده بتاعهم مودرن شويه
عمده سبور

شفتو لما الراجل يدخل المطبخ؟؟؟

شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟

رد: شفتو لما الراجل يدخل المطبخ؟؟؟