شكاوي الاعضاء من الكلية والحياة الدراسية

السلام عليكم ورحمه الله وبركاته
والله انا عندي شكوتين ممكن بسببهم احول من الكليه
الاولى:
هي ان الكليه بقت بيتنا الاول اللي بنقضي فيه يومنا كله ،اما البيت فهو للنوم بس مش اكتر
يعني م الساعه 8ونص للساعه 6ونص ف الكليه وبعدها سفر للبيت
يدوبك نلحق ننام عشان نصحى تاني يوم م الفجر ونجهز للكليه.
طبعا مفيش حاجه اسمها مذاكره او نخلص شغل للكليه ف البيت ولا نشوف اهلنا اصلا.

التانيه:
هي الوقفه ف الكليه والسكاشن وبالذات لما كنا في رمضان لانه تعب جامد جدا وارهاق لينا وخصوصا سكاشن الجراحه

انا معاكي في كلامك ده .. وعلشان كده احنا طالبا الدكاترة انهم يسعوا في انهم يرجعوا يوم السبت علشان اليوم يخف شويه وخصوصا الناس اللي بتسافر زي حالاتي اليوم بيضيع عندها زي الهوا .. والحقيقة الدكاترة فعلا بيحاولو انهم يرجعوا يوم السبت مع رئاسة الجامعة فربينا يسهل والموضوع ينتهي في اقرب وقت ..

اما بقى في موضوع الوقوف في السكاشن فدي امكانيات الكليه ووالله احنا بنعمل ضغط علشان يوفروا لنا كراسي في العيادات زي معملناها ووفروها لنا في المعامل .. فربنا يسهل ..

يا جماعه فعلا اليوم بيضيع بطريقه غريبه وخاصه السفر ومفيش وقت خالص للمذاكرة

ان شاء الله هنبدا نتكلم في ارجاع يوم السبت
لانه بكده هيوفر علينا وقت كتير اوي
وان شاء الله هيكون في استفتاء عن قريب ..

و الله المشكله دي مشكله كبيره
يعني الناس اللي بتسافر و ده حال معظم الطلاب بترجع البيت الساعه 6 تتعشى عشان وجبة الغدى دي اتلغت تقريبا و تنام
يعني المذاكره تقريبا صفر ربنا يعيننا على الارهاق ده و الله الواحد مش بيبقى قادر يكمل اليوم
طول النهار واقف في العيادات يا قاعد يكتب المحاضره
التعليق الوحيد اللي اقدر اقوله
ربنا معانا

انا مع twolights ف الكلام
انا مصدقت ان فيه يوم اجازه ع الاقل استريح فيه
كده كده الايام كلها ضايعه ع الفاضي
فنستريح يوم احسن
بصراحه دا رايي

أنا مش مع twolightsولا مع battota بالعكس يوم السبت احنا بنريح فيه ع الاخر ومش بنذاكر فيعتبر يوم ضايع لكنه لو رجع تاني هيخفف كتيييييير الايام التانيه وبالتالي هنرجع البيت بدرى شويه ونعرف نذاكر شويه
أما بقي المشكله أوممكن يكون اقتراح:. :idea: :idea:
سكاشن الاوبرتيف احنا بنشتغل مرتين كل 3أسابيع لاننا 3 ع اليونت طب ايه رأيكم لو ناخد سكشن الاوبرتيف مره واحده في السبوع لكل سكشن علي حده يعني هيكون في العياده سكشن واحد بس كل واحد علي يونت طبعا هيكون لوحده يعني مافيش حد بيقاسمه المكان ولا الوقت والعيانين يتوزعو علي عدد السكشن ده كده هيبقي قدامنا فرصه نشتغل مره كل أسبوع ياريت ياجماعه نعرف رأيكوايه ياريييييييييت توافقوني :roll: :roll: :roll:

انا مع dr_lala ف كلامها
لان خناقات يوم الاوبرتيف ع اليونت والبيشنت زادت
والواحد م اليوم اللي قبلها بيفكر هيشتغل على اي يونت وازاي يحجزها
وازاي يجيب بيشنت او يسرقه من حد (زي محصل معايا وكل ماجيب بيشنت الاقي واحد تاني اشتغله) ودي كمان مشكله انك تعمل كافيتي وواحد تاني يعمل امالجم ع الجاهز
حراااااااااااااااااااام والله اللي بيحصل ده

لا لا لا لا لا يا جماعه
السبت ايه اللي عاوزين ترجعوه
بلاش احسن كده كده ايام الكليه ضايعه
فعلي الاقل يكون يومين راحه

اما انا بجد زهقت من ام الكلية دي وربنا يعدي السنين اللي بقيا لي علي خير وبالنسبة علي الشكوي فانا مش عارفة اقول اية ولا اية عالعموم خليني سكتة احسن :x :roll: :o

عايزين جدول الامتحانات ينزل عشان نعرف راسنا من رجلينا


وشكرا

ياجماعه عايزين حد يقول للعميده ان موضوع امتحانات اعمال السنه اللي الاقسام بتعملها من غير مراعاه
لظروف امتحانات اخر السنه (العملي والنظري)متنفعش ابدا

يعني مش معقوله كده ان امتحاناتنا كمان اسبوعين
وييجي حد يعملنا امتحان اعمال سنه دلوقت

نذاكر امتى يعني

كفايه نزول الكليه والله
وبعدين ما السنه طويله والفتره اللي فاتت كان فيها ايام فاضيه كتير

هولازم يعني ينكدو علينا ويقرفونا اكتر ماحنا قرفانين ويزنقو نفسهم ف اليومين دول

الله يرحم دكاتره الباثولوجي السنه اللي فاتت
من اول السنه حددولنا هنمتحن امتحانين امتى والتزمو بكلامهم

ودكاتدره الباثولوجي السنادي معلقين جدول في مواعيد امتحاناتنا والتزموا بيه

فيها ايه لما كل قسم يبقى عامله نظام وجدول يمشي عليه من اول السنه
واحنا ساتها نكون عارفين راسنا من رجلينا وساعتها والله هنذاكر ونبسطهم

وكمان جدول الامتحانات كل سنه يتعلق قبل الامتحان بوقت قليل وف يوم ميكونش فيه حد ف الكليه
عشان منعترضش او بمعنى اصح منلحقش نعترض

ياريت الكليه تبقى منظمه اكتر من كده عشان نتطور ونبقى كويسين

وياريت ميتحذفش كلامي

شكرا

والله احنا ما بيعجبنهش العجب ولو مافيش امتحانات نقول نيمونا و صحينا اخر السنه على هم ما يتلم...صح ولا ايه ياtwolights

battota كتب:ياجماعه عايزين حد يقول للعميده ان موضوع امتحانات اعمال السنه اللي الاقسام بتعملها من غير مراعاه
لظروف امتحانات اخر السنه (العملي والنظري)متنفعش ابدا

يعني مش معقوله كده ان امتحاناتنا كمان اسبوعين
وييجي حد يعملنا امتحان اعمال سنه دلوقت

نذاكر امتى يعني

كفايه نزول الكليه والله
وبعدين ما السنه طويله والفتره اللي فاتت كان فيها ايام فاضيه كتير

هولازم يعني ينكدو علينا ويقرفونا اكتر ماحنا قرفانين ويزنقو نفسهم ف اليومين دول

الله يرحم دكاتره الباثولوجي السنه اللي فاتت
من اول السنه حددولنا هنمتحن امتحانين امتى والتزمو بكلامهم

ودكاتدره الباثولوجي السنادي معلقين جدول في مواعيد امتحاناتنا والتزموا بيه

فيها ايه لما كل قسم يبقى عامله نظام وجدول يمشي عليه من اول السنه
واحنا ساتها نكون عارفين راسنا من رجلينا وساعتها والله هنذاكر ونبسطهم

وكمان جدول الامتحانات كل سنه يتعلق قبل الامتحان بوقت قليل وف يوم ميكونش فيه حد ف الكليه
عشان منعترضش او بمعنى اصح منلحقش نعترض

ياريت الكليه تبقى منظمه اكتر من كده عشان نتطور ونبقى كويسين

وياريت ميتحذفش كلامي

شكرا

انا عارفه ان موضوع الامتحانات دلوقتى ده مش عاجب ناس كتير
بس ده احسن ما نمتحن اول السنه الى جايه و منحسش بالاجازه
وعلى فكره الى متعرفيهوش ياbattota ان قسم الجراحه حاطط الجدول بتاعه من اول السنه
ومتحدد الامتحانات بالتاريخ بس هو علشان فى السادس و احنا بنكسل نطلع
والمعيدين قايلين من اول الترم ان فى امتحان mcq اَخر الترم او على الاقل المعيد الى بيدينى
ده بس مجرد توضيح

انا ماقولتش مايمتحنوناش يا تيمور
انا عارفه ان الامتحانات دي بنلم منها درجات

بس مينفعش يبقى عندنا امتحانات اخر سنه ف مواد كتير والوقت بين المواد مبيكونش مكفي

ونيجي نمتحن اعمال سنه قبلها باسبوع

ماحنا كان ممكن نمتحنه قبلها بشهر

عشان نقعد ف البيت ونذاكرونجيب تقدير ونتيجه تبسط

مش نحس اننا بنتعب طووول السنه وف الاخر ولا حاجه

قولوا ربنا يسهل والدكتوره شكريه تحاول تأجله للسنة الجاية ..

tifour كتب:والله احنا ما بيعجبنهش العجب ولو مافيش امتحانات نقول نيمونا و صحينا اخر السنه على هم ما يتلم...صح ولا ايه ياtwolights

على فكره بطوطه اللى بتسال مش انا يا تيفور
هههههههههههههه

بس ع العموم هرد عليك بردو
انا عن نفسى الامتحانات هى اللى بتصحينى وتخلينى ازاكر...بس مش معنى كدا انى اتفاجىء بمواعيد الامتحانات او يجمعوا الامتحانات كلها ف ميعاد واحد
كدا يبقى حرام والله

اما بقى لجدول النظرى انا مش فاهمه ليه مش نزل لحد دلوقتى
المفروض الامتحانات بعد اسبوعين

ياااااارب الامتحان يتاجل