المصيـــــــــــــــــــــــــــــــــف

استعرض الموضوع السابق استعرض الموضوع التالي اذهب الى الأسفل

المصيـــــــــــــــــــــــــــــــــف

مُساهمة من طرف dr_mony_2010 في 11/7/2008, 1:52 pm

الحمد لله الامتحانات خلصت - لولولولولولولولولى -
و النتيجة كمان طلعت - الناجح يرفع ايده :cheers: -
و هنروح المصيف -هيييييييييييييييييييييه ☀ -



بعد ما انتهت حالة الطوارئ اللي كانت في كل البيوت علشان الامتحانات والقلق على النتيجة..

بدأت حالة طوارئ جديدة بس المرة دي حالة الطوارئ لذيذة جدا جدا؛ لأن كلنا بنستناها من السنة للسنة...

ما تستغربيش قوي كده من كلامي..

دلوقتي هتعرفي ليه دي حالة طوارئ لذيذة؛ لأنها طوارئ الاستعداد للمصيف..

وطبعا المشكلة اللي بتعكنن علينا كلنا هي مشكلة تجهيزات المصيف..

بتلاقي الكل متضايق قوي وزعلان ومحتار ياخد إيه ويسيب إيه؟؟؟ يعمل إيه ويسوي إيه؟؟؟

ده غير إن فيه بنات كتير مش بتحب تروح المصيف علشان بتخاف على بشرتها وعلى شعرها من جو المصيف...جتهم خيبه !!!

أحنا هنا عشان نساعد ف كل حاجة ....

تجهيزات ما قبل المصيف

-----------------------------




أكيد كلنا بنخاف من تجهيزات المصيف علشان بتاخد وقت وجهد كبير ده غير إننا ساعات بننسى حاجات وساعات تانية بنحط حاجات مالهاش لازمة وبتاخد مكان على الفاضي في شنطة السفر...

ده غير إنك بتلاقي البيت كله واقف على رجْل والكل عصبي وعمال يزعّق كأنكم داخلين معركة حربية.. الكل على أعصابه خايف ينسى حاجة.

وعلشان كل الحاجات دي ما تحصلش هنقولك دلوقتي على الخطوات اللي إنت تعمليها علشان تجهزي كل حاجة هتاخديها معاكي في هدوء شديد جدّاً من غير ما حد يحس...

نشوف مع بعض الخطوات دي..

أولا: هاتِ ورقة وقلم



قبل موعد المصيف بأسبوع هاتِ ورقة وقلم واعملي كوباية شاي كبيرة، واقعدي بينك وبين نفسك وفكّري في الحاجات اللي أنت هتحتاجي لها في المصيف واكتبيها...

وخدي بالك وإنت بتكتبي إنك تقسمي الورقة دي إلى قمسين:

القسم الأول سمّيه: "احتياجات أساسية للبيت"
ودي حاجات بسيطة بس لازم تاخديها معاكي؛ لأن ببساطة شديدة الحاجات دي مفيش بيت في أي مكان يقدر إنه يستغنى عنها والحاجات دي زي "قصافة"، مجموعة الإسعافات الأولية "قطن، شاش، والأدوية اللي بتحتاجي لها"، "مقص"، "إبرة"، "خيط"، "مشط"، "ملقاط"، "فوط كبيرة"، "فوط صغيرة"، "ملايات سرير"، "كوفرتة"، "ليفة"، "فرشة أسنان"، و"معجون أسنان".

والقسم التاني سمّيه: "احتياجات شخصية"
وده تكتبي فيه كل الحاجات الشخصية اللي إنت محتاجة لها في المصيف وعلشان ما تاخديش وقت في التفكير هنقول لك عليها وهي: "صن بلوك"، "كريم مرطب"، "كريم ملطف"، "كريم أو زيت للشعر"، "شامبو"، "بلسم"، "مزيل العرق"، "شنطة مكياجك العادية"، "زبدة كاكاو"، "بونيه للشعر"، "كاب للحماية من الشمس"، "مراية صغيرة"، و"نضارة شمس".

ثانيا: جهزي الملابس المناسبة

فيه حاجة لازم تاخدي بالك منها وإنت بتجهزي ملابس المصيف وهي إنك ما تخديش هدوم كتيرة واكتفي فقط بالملابس اللي هتحتاجي لها في الكام يوم اللي إنت قاعدة فيهم طبعا هتقولي: آخد إيه؟ وأسيب إيه؟..

حالا هأقول لك دلوقتي على الملابس اللي إنت محتاجة لها وهي:

-1-
هدوم خروج




ودي بتكون عبارة عن جوب وبلوزة وبنطلون علشان الفسح بالليل أو بالنهار واوعي تنسي إنك تختاري الألوان الفاتحة علشان تحسي بجمال المصيف..

-2-
هدوم للبلاج




شوفي يا قمر كل اللي هتحتاجيه بنطلون وتي شيرت أو تي شيرت وجوب علشان تلبسيهم وإنت قاعدة على البلاج ولازم تاخدي بالك إن الهدوم اللي هتلبسيها على البحر تكون هدوم ألوانها فاتحة؛ لأن زي ما إنت عارفة إن الهدوم الغامقة بتمتص أشعة الشمس ويا ريت كمان تكون الهدوم دي قطن أو كتان على قطن علشان تمتص العرق.

-3-
هدوم للنوم




حاولي ما تكتريش من هدوم النوم؛ لأنك مش هتحتاجيها كتير؛ لأن عادة مفيش حد بينام في المصيف غير كام ساعة على بعض، وبرضه خدي بالك إنك تجيبي هدوم قطن ويا ريت يكون فيهم حاجة بكم علشان ساعات الجو بيكون ساقعة في المصيف.

-4-
أحذية المصيف






حاولي تاخدي حاجات عملية علشان تساعدك على الحركة بسهولة سواء على الشاطئ أو وإنت خارجة بالليل.

-5-
شنطة للبلاج




يا ريت تاخدي معاكي شنطة كبيرة علشان تاخديها معاكي على البلاج وتحطي فيها كل احتياجاتك اللي إنت عايزاها زي "السندويتشات"، "فوطة البلاج"، والاحتياجات الشخصية التانية زي "كريم الوقاية من أشعة الشمس" و"بونيه للشعر" علشان لو هتنزلي البحر.

ثالثا: افحصي كل حاجة موجودة



بعد كده ابدأي في فحص كل الحاجات دي وشوفي إذا كانت الحاجات دي موجودة عندك في البيت ولا لأ علشان لو موجودة يبقى هتبدأي في حطّها في الشنطة ولو مش موجودة يبقى انزلي اشتريها وإنت لسه عندك وقت.

رابعا: جهزي سندويشات



يا ريت ليلة المصيف تجهزي السندويشات اللي إنت هتاخديها معاكي تاني يوم وإنت مسافرة.
أو ممكن تعملي وجبة كاملة وتاخديها معاكي علشان أول لما توصلي بالسلامة تسخنيها وتاكليها بدل ما تشتري أكل من برة..

أعتقد بكده تكوني جهّزتي كل حاجة في المصيف..

و المرة الجايه تعالي نشوف تعملي إيه علشان تحافظي على جمالك وإنت في المصيف..
avatar
dr_mony_2010
lev 3
lev 3

انثى عدد الرسائل : 503
العمر : 28
تاريخ التسجيل : 24/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف twolights في 11/7/2008, 5:47 pm

نايس توبيك يا مونى
بس انا صيفت خلاااااااااااص
كان لازم نصيف قبل النتيجه طبعا محدش كان ضامن ظروفه
ومتقلقيش عملت كل ده

وفعلا اصعب حاجه تحافظى على بشرتك هناك عشان كده انا مش بنزل الميه اصلا
وبتجنب فتره الظهر ع البحر لان الشمش فيها بتسمر وتحرق البشره اوى
وبرضو كنت لازم احط كريم قبل ما اروح

_________________


ارق القلوب...قلب يخشع لله
واعذب الكلام ...... ذكر الله
واطهر حب ....الحب فى الله
avatar
twolights
observer
observer

انثى عدد الرسائل : 3278
تاريخ التسجيل : 01/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف dr_mony_2010 في 11/7/2008, 9:12 pm

twolights كتب:نايس توبيك يا مونى
بس انا صيفت خلاااااااااااص
كان لازم نصيف قبل النتيجه طبعا محدش كان ضامن ظروفه
ومتقلقيش عملت كل ده

وفعلا اصعب حاجه تحافظى على بشرتك هناك عشان كده انا مش بنزل الميه اصلا
وبتجنب فتره الظهر ع البحر لان الشمش فيها بتسمر وتحرق البشره اوى
وبرضو كنت لازم احط كريم قبل ما اروح

عادى يا تولايتس احنا بنروح نصيف قبل النتيجة بردو بس ملحقناش السنه دى ....لسه حنروح
يا مفتريه رايحة المصيف ليه لو مش نازلة البحر ....
لو كنت استنيتى العدد الجاى ...
كنت حقولك ... انك تنزلى فترة الصبح بدرى عشان بشرتك... و استخدمى مرطب وجه و واقى من الشمس مخصصللاطفال لو بشرتك حساسة ...
و فى واقى شمس ضد المياه و بيستمر لفترات طويلة ... و ممكن تختاري حسب المعامل بتاعها ... أو نوع الاشعة اللى بتحميكى منها ,
ارجو انك تكونى انبسطى على أى حال
avatar
dr_mony_2010
lev 3
lev 3

انثى عدد الرسائل : 503
العمر : 28
تاريخ التسجيل : 24/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف twolights في 11/7/2008, 10:26 pm

جدا يا مونى
وانا فعلا كنت بروح الصبح عشان بشرتى وكنت بحط كريمات برضو

بس مش بحب انزل الميه
مبروووووووووووك يا مونى والله وشك حلو علينا

_________________


ارق القلوب...قلب يخشع لله
واعذب الكلام ...... ذكر الله
واطهر حب ....الحب فى الله
avatar
twolights
observer
observer

انثى عدد الرسائل : 3278
تاريخ التسجيل : 01/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف e n في 12/7/2008, 1:11 am

"كريم مرطب"، "كريم ملطف"،


شكرا يا موني علي الموضوع
بس ايه الفرق ما بينهم غير ان الملطف بيلطف و المرطب بيرطب
avatar
e n
lev 1
lev 1

انثى عدد الرسائل : 65
العمر : 29
تاريخ التسجيل : 24/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف amalgam في 12/7/2008, 3:48 pm

لالالالالالا يا en
الفرق
ان المرطب بيرطب
والملطف بيلطف
هههههههههه

موضوع جميل يا موني
ومبروك النجاح ليكو كلكو

_________________



avatar
amalgam
observer
observer

انثى عدد الرسائل : 2553
تاريخ التسجيل : 04/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف dr_mony_2010 في 12/7/2008, 4:32 pm

صباح الفل يا en
بصى يا ستى ملطف ... دا فى حالات الحروق يعنى سيادتك فالحة و نزلتى ع البحر من غير ما تحطى كريم عشان الشمس ...
أما المرطب دا بتستخدميه ف حالات البشرة الجافة .... بس ف ناس زى مثلا عارفيين نوع بشرتهم ونوع العناية اللى لازمها و مطنشيين
....
يا رب تكونى عرفت الفرق
avatar
dr_mony_2010
lev 3
lev 3

انثى عدد الرسائل : 503
العمر : 28
تاريخ التسجيل : 24/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: المصيـــــــــــــــــــــــــــــــــف

مُساهمة من طرف doby في 12/7/2008, 5:30 pm

لذيذ اوى الموضوع ده يا مونى
وبتختارى المواضيع المناسبه فى ميعادها

_________________


ربنا أتنا فى الدنيا حسنه وفى الأخرة حسنه وقنا عذاب النار وأدخلنا الجنه مع الأبرار يا غزيز يا غفار يا رب العالمين
avatar
doby
moshrefa
moshrefa

انثى عدد الرسائل : 667
العمر : 30
تاريخ التسجيل : 18/10/2007

معاينة صفحة البيانات الشخصي للعضو http://www.medscape.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى