علشان نعرف بعض

طبعا انتي دايما سباقه بالجديد يا سمر
على العموم اعرفكم بنفسي
انا اسمي عمرو عبدالباعث
الفرقة الثالثة - اسنان طنطا برده

بحب اغير اي حاجة للصح وبس

الاسم:محمد الجندى
الفرقة الثانية- أسنان طنطا.
معلومات إضافية:-
أحب قراءة كتب التراث- أحب التناصح - أكره التحزب و التعصب لغير الحق -سعيد بوجود منتدى يمثل طب أسنان طنطا

انا اسمي محمد طارق الوراقي
الفرقه الثالثه - طب اسنان طنطا

بحب الرسم و كتابة الشعر
شعاري هو : ابدأ بتغيير نفسك اولا و كن ايجابيا حتى تستطيع تغيير ما لا تحبه في مجتمعك
التواصل الاجتماعي هو دائما ما ابحث عنه و غالبا ما اجد السلبيه هي النقطه السوده في مجتمعنا
احب اقول حاجه اخيره : ياريت كل واحد فينا يحاول يطور نفسه بنفسه و اقصد هنا في الناحيه العلميه يعني مايكتفيش بالحاجات اللي بندرسها في الكليه بس لازم ندور على مراجع و كتب من اي مصدر عشان نقدر ننافس الدول التانيه في طب الاسنان . و ياريت نبقى ايجابيين .
thx alot
friends

انا اسمي احمد في طب طنطا
وبحب اهزر بس مليش نفس دلوقتي

حلوه الفكره ديه :cyclops: بس هاستشير بابا ينفع اكتب معلومات واللا لأه..طبعا اصل احنا مخابرات سريه :pirat: بس غالبا هيوافق ..لانه هوه اللي شجعني اني ادخل علي السايت واشارك..بابا عاجبكو شغلكوا اوي وبيفكر يكلم الطلبه عنده في الكليه يعملو سيت زيه..عموما ربنا يكرمكم ويجزيكم عنا خير الجزاء

السلام عليكم ورحمه الله وبركاته
انا اختكم ف الله : فاطمه
طالبه ف الفرقه التالته
ويااااااااااااااااااارب اخلص اللي باقيلي على خبر
ليا هوايات فنيه وميول فنيه جامده
عشان كده ماما كان نفسها تدخلني فنون جميله او تربيه نوعيه
لكن اراده ربنا فوق كل شيء
وربنا يوفقنا كلنا ف خدمه الناس ونساعد في تخفيف الامهم

انا وسام ابوريه طالب في الفرقه الاولي اسنان طنطا انا بحب اعمل علاقات جديده مع اصحاب كتير بس يا جماعه انا حاسس ان الدراسه صعبه اوي وحاسس اني نجحت بتوفيق ربنا في اعدادي مبحبش السفر لطنطا كل يوم علشان كدة مش منتظم في الكليه وانا شايف ان شاء الله ان المنتدي دة هيبقي كويس اوي بس عايز شويه اعلانات في الكليه يا جماعه

سلام عليكم انا محمد حديده طالب بالفرقه الثالثه طب اسنان طنطا؛
يمكن مليش هوايات لكن بحب اعمل صداقات ويبقى ليا صحاب كتير؛ انا بحب المجال اللى انا فيه جدا ونفسه كل اللى فيه يحبوه نفسى كمان نعمل توعيه للناس عن مجالنا واهميته ؛ياريت كل واحد فينا يشتغل بجد ويرضى ضميره عشان نحقق اللى عاوزينه باذن الله[/b]

السلام عليكم ورحمة الله وبركاته
أنا علياء
زميلتكم في الفرقه الثالثه
بحب أرسم بس رسمي مش حلو أوي وبحب جدا جدا ألعب مع الأطفال الصغيرين
علي فكرة السايت ده هايل بس ناس كتيييير مش عارفه عنه حاجه يا ريت تعملو له شوية دعايه
انا عاوزه أهني سمر جلال علي الندوه اللي عملتها برافو عليكي وربنا يوفقك

انا احمد الصفتى
الفرقة الثانية بكليه طب اسنان طنطا
وانا فعلا سعيد جدا ان فية منتدى لكليتنا :lol: :lol: :lol: :D :)

انا خالد

اعدادي اسنان اسكندرية

اخوكم اسلام حجاج (عاشق الغروب)الفرقة التانية
شعاري
دع الايام تفعل ما تشاء وطب نفسا اذا حكم القضاء
ولا تجزع لحادثة الليالي فما لحوادث الدهر بقاء
وكن رجلا علي الاقدار جلدا وشيمتك السماحة والوفاء
ولا ترجو السماحة من بخيل فما في النار للظمآن ماء
[/b][/url]

:face: :face: :face: :face: :face: :face: :face: :face: :face:

بسم الله الرحمن الرحيم والصلاه والسلام على اشرف المرسلين سيدنا محمد صلى الله عليه وسلم
فى البدايه اشكر الله عز وجل على نعمه الاسلام وعلى الصحبه الصالحه التى تعينه على الخير دائما
احب اعرف بنقسى الاول اسمى "هانئ " طالب بالفرقه الرابعه ان شاء الله
بشكر جميع اللى شاركوا فى المنتدى واقول لهم ربنا يعنكم على الخير وعلى وجه الخصوص الدكتوره سمر ومشرفى الموقع .
معلش انا دايما مشاراكاتى قليله اوى بس انا على استعداد تام انى اساعد اى حد يكون فى امكانياتى انى اساعده .
وردا على زمايلى اللى سبقونى فى المشاركات بقولهم ياريت فعلا كل واحد يبقى قد المسئوليه اللى ربنا وضعه فيها ويكون فعلا انسان ايجابى حتى معلش لو مكنش ايجابى على الاقل ميكونش سلبى
ونصيحه لكل واحد من زمايلى انه يبص فى الزمن اللى هوه عايشه دلوقت وياريت كلنا نفكر فى الاشياء المهمه يعنى باختصار الحاجات اللى تخلينا بنى ادمين مش نفكر فى الهيافات والكلام الفاضى معلش ممكن ناس تضايق من كلامى ده بس معلش استحملونى عشان الواحد بجد حزين على اللى بيجرا فى الفترات الاخيره من احداث تخلى الواحد ملوش نفس يعمل اى حاجه او حتى يذاكر لان فى حاجات كتير متناقضه احنا بنعملها يعنى هضربلكوا مثال يعنى مثلا نلاقى احنا طالع عينينا فى الكليه وعمالين نلف حوالين نفسنا من امتحانات وريكوايرمنت وغياب فى السكاشن وزهق المحاضرات وطلوع الدور الخامس على السلم وشارطات مبتضمضيش وبيشنت مبيجيش وتيكنيشن ميساويش يعنى احنا مطحونين على الاخر وعلى الجانب المقابل نلاقى نفسنا شاغلين انفسنا بحاجات هايفه جدا جدا جدا وبناس ملهاش لازمه نقوم نشغل نفسنا ونقول مثلا هوه المنتخب عمل ايه امبارح / هيه مشكله عصام الحضرى اتحلت ولا لسه / هوه مين اللى بقى السوبر فى استار اكاديمى/ هو شريط عمرو دياب نزل ولا لسه .....والخ
بقى بالله عليكوا ينفع الكلام ده هوه احنا فى ايه ولا ايه
دا احنا فينا اللى مكفينا وزياده
دا بدل من نتكلم عن الاساءه للرسول والرسومات اللى اعيد نشرها من جديد / ولا اخواتنا اللى كل يوم بيموتوا فى غزه / ولا مشكله المواصلات ولا المرتبات ولا ...ولا....
طبعا عشان برضه اعرف الكل انا ولا ليه اتجاه سياسى ولا نيله ولا حتى بحب امشى فى مظاهرات اهوه معلش بتوع المظاهرات هما كمان عالم هايفه معلش يعنى يبقوا سايبين شغلهم وسايبين محاضراتهم ومصالحهم وقاعدين يلفوا فى الشوارع دول حتى ساعه الصلاه مبيصلوش ينفع الكلام ده ويارتهم بيغيروا حاجه ,التغيير مش بالصوت العالى وبس التغيير هيجى من جوانا احنا.
فى نهايه كلامى احب اقول لزملائى محدش يزعل من كلامى ده ومعلش طولت عليكوا بس لازم كل واحد يشيل هم دينه وهم الحال اللى احنا عايشينه ويبقى زى ماقولت ايجابى وبلاش يبقى سلبى وهايف.
"سبحانك ربك رب العزه عما يصفون وسلام على المرسلين والحمد لله رب العالمين"

saba7 2l fol
ana dr.ra3'id krayem
fe sana talta teb asnan tanta
we 3ayez 22ol lel montada kolo saba7 2l fol ya gama3a....

مساء الخير. أنا جيت على فكرة انتو فظاع و هايلين انا بأعجب بيكو يوم عن يوم

يا رب يجعلكوا دايما مع بعض............... ياللا بقى قوم ذاكر ياد منك له لها ليها

طب مييييييييييييييييييين هوا؟

اهلا بيه ف المنتدى ويارب نشوف تعليقه ع المواضيع وتعجبه