موقع اسرة النور لطب الاسنان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انا مش عارفني انا تهت مني

3 مشترك

اذهب الى الأسفل

انا مش عارفني انا تهت مني Empty انا مش عارفني انا تهت مني

مُساهمة من طرف الدنيا حلوه 6/10/2008, 1:08 am

كتييييير اوى يا جماعة بنبقى مش عارفيين احنا ايه
غير طبعا ان انا اسمى كذا وساكن فى الحتة الفلانية

لا ....... بس كتير بنبقى مش عارفين احنا مين الشخصية اللى جوانا دى عايزة ايه من الحياة
عايزة تحقق ايه فى الدنيا
والحتة اللى فى الشمال دى (القلب يعنى) بتبقى مهزوزة ليه دايما ومش مستريحة خالص
تفتكروا يا جماعة احنا عايشين ليه
عشان نعبد ربنا وبس
ولا عشان نشتغل ونعبد ربنا
ولا عشان نقضيها حب وخروجات من البنات
طب تفتكروا لو واحد بيعمل ده كله يبقى نقول عليه ايه
يعنى واحد بيصلى ومتفوق فى جامعته وبيمشى من بنات نقول عليه ايه
ناس بتقول عليه منافق لان المفروض مش يصلى من هنا ويروح يغضب ربنا من هنا
وناس تقول من حقه ده واحد بيعمل واجباته فى الحياة يبقى يعمل اللى هوا عايزه
طب وانتا شايف ايه واوعى تقولى انا عن نفسى مش شايف اى حاجة خالص
انتا عايز تشوف نفسك ايه
طب بلاش
انتا عايز الناس تشوفك ايه
ولما تيجى تبص فى المرايا عايز تشوف مين
عايز تتعرف على نفسك بأى شخصية وخلاص ولا شخصية معينة
انا من رأى ان الواحد لازم يقعد ويتكلم مع نفسه و يعرف هوا مين وعايز ايه وهيعمل ايه فى الحياة
الدنيا حلوه
الدنيا حلوه
lev 3
lev 3

انثى عدد الرسائل : 611
العمر : 35
تاريخ التسجيل : 31/12/2007

الرجوع الى أعلى الصفحة اذهب الى الأسفل

انا مش عارفني انا تهت مني Empty رد: انا مش عارفني انا تهت مني

مُساهمة من طرف brave 6/10/2008, 2:21 am

أولا جزاك الله خيرا على الموضوع الجميل يا دنيا
ثانيا فمن المفترض فى المسلم أو الاسلام هو الدين الوحيد الذى جمع فى الشخصية المسلمة التوازن بين الدنيا والاخرة فليس هناك مادية جافة ولا رهبانية فى الاسلام
وأقول أنه لا يعنى عندما يكون هناك من يقوم بواجباته كاملة ان له متسع فى العصيان
لا طبعا واستحالة فالدنيا بالحلال هى للمسلم كما هى الاخرة
ومن أدعية الصحابة رضوان الله عليهم(اللهم اجعل الدنيا فى أيدينا ولا تجعلها فى قلوبنا)
والمعنى واضح فى الدعاء فنحن نعلم ماذا يحدث عندما تصبح الدنيا مستحوذة على قلوبنا
طبعا ننسى الاخرة
لكل منا توجهات دنيوية وأخروية لابد أن يجمع بينهما ليجمع بين حسن ثواب الدنيا والتقدم الذى يعود فى النهاية على جميع الامة كل فى مكانه وكل منا على ثغرة عليه أن يسدها وحسن ثواب الاخرة بالعمل الصالح الذى يؤهله لرحمة الله فى الاخرة هذا ببساطة أمل كل انسان فى الدنيا والاخرة
عفوا على الاطالة ويا رب اكون فهمت كلامك ولم أذهب بعيد قوى عنه
brave
brave
lev 2
lev 2

ذكر عدد الرسائل : 309
العمر : 39
تاريخ التسجيل : 14/05/2008

الرجوع الى أعلى الصفحة اذهب الى الأسفل

انا مش عارفني انا تهت مني Empty رد: انا مش عارفني انا تهت مني

مُساهمة من طرف amr_yadak 6/10/2008, 5:12 pm

طبعا الدنيا خلقت ليعمرها الانسان
والدين عبارة عن تلاته اشياء
عقيده .. وهي الاعتقاد بالاله الواحد وبالانبياء والملائكه الى اخره
وشرائع .. زي الصلاة والصوم والزكاة الى اخره
ومعاملات .. يعني معاملاتك مع المسلمين شكلها ازاي وبتتم ازاي

فلو انت عاوز تعيش مرتاح الضمير وواضح الهدف وتحقق الهدف اللي خلقت من اجله وهو العباده والاعمار
فلازم تحقق التلات حاجات دي كما امرك الله
تكون ذو عقيده صحيحه خالية من الرياء والشرك والشك
لان لو عقيدتك سليمه عمرك ما هتخاف غير من اللي خلقك ويستحيل انك تنافق حد او تسعى ورا رضا حد .. لما تلاقي نفسك كده اعرف ان عقيدتك سليمه ... غير كده يبقى لسه العقيد مش مظبوطه ومحتاجه تصلحها مع نفسك

ولو انت مقصر في الشرائع .. يبقى انت كده في المستوى التاني من المعاصي وضميرك هيفضل يأنبك على افتراض ان عقيدتك سليمه نوعا ما .. وعمرك ما هتحس بالراحه .. غير لما تنظم الشعائر اللي ربنا امر بيها

اما بقى لو معاملاتك مع الناس وحشه ... فانت كده في المستوى التالت .. يعني هتعتبر مسلم .. انما مسلم بيشوه صورة الاسلام ... بمعنى الدين كتشريع لما نزل نزل علشان يظبط المعاملات القائمه بين المسلمين لان لو المعاملات دي اتظبتط زي ما الاسلام امر المسلمين هينهضوا سريعا وهيكونوا في مقدمه الشعوب ولو الشرائع سليمه والعقيده سليمه بس المعاملات مش مظبوطه هتلاقيهم متخلفين وان اعلنوا اسلامهم .. لانهم ملتزموش بالجزء التالت من الاسلام .. واعتقد دا الوضع الحالي لينا
والمعاملات دي هي الي بيسميها الغرب الاتيكيت .. هتقولوا الاسلام فيه اتيكيت .. هقولكم لا الغرب اخد معاملاتنا وسماها اتيكيت
زي ايه طيب... مثلا لو تعرفوا ان الاسلام بيامر المسلم لو قعد مكان واحد قام من المجلس لامر ما ورجع تاني انك تؤوم للراجل من مكانه علشان ياخده تاني .. زي انك متغشش مثلا في اي حاجة ... او انك تكذب في اي امر مهما كان خطير الا في حالة الاصلا زي ماهو معروف ... وغيره غيره كتير جدا لايسع مجلدات ومراجع من احصائها ... انما لو راعيت ربنا في معاملتك مع الناس في كل صغيره وكبيره وتعاملت معاهم باحترام .. يبقى انت كده بتحقق الجزء الثالث من الاسلام

ولو حققت التلاته يبقى انت كده حققت الاسلام
يعني ممكن نقول
عقيده صحيحه = عدم خوف واستقرار وطمأنينه
شرائع صحيحه = ضمير مرتاح وهدوء نفسي
معاملات صحيحه = تعمير في الارض ونهوض بامة الاسلام

ارجوا اني مكنش طولت عليكم
amr_yadak
amr_yadak
admin
admin

ذكر عدد الرسائل : 1046
العمر : 38
تاريخ التسجيل : 07/07/2007

http://alnourfamily.montadarabi.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى