هريتوا قفايا

هريتوا قفايه

يا عالم كفايه
هريتوا قفايا
وخفو ايديكو ياناس ع القفا
سرقتم عشايا
عصرتم حشايا
وغول الجشع عندكم ما اكتفى
نصرتم عدايا
وبعتوا العبايا
وخدها عملها الحاخام منشفه
سكنتم سرايا
واحنا عرايا
بنرعش وانتم هناك ف الدفا
ظلمتوا الولايا
وجاعوا الصبايه
وعشتوا حياتكو ف هَنا مترفه
وجبتم اذايا
وذلى واسايا
فى جره الم..اجراءات مجحفه
وزير الجبايا
بيحكى ف حكايه
وحبه كلام همبكه وفلسفه
يبرر جنايه
عملها معايا
بحدوته بايخه وكمان مقرفه
وقال دى البلايا
وشح الجرايا
سببها ان انتم عالم مسرفه
وطبعا خَوايا
وقلت قرايه
وجهلى بامورى وعدم معرفه
يخلينى غايه
لسوء النوايا
عشان عينى عميا وايدى مكتفه
ويفضل منايا
اشبع ضنايا
وارضى بلقمه متــــــــــجففه
والوص من شقايا
وفقرى وحفايا
وتفضل حياتى متـــــــــخلفه
وأتوه من عمايا
وأقبل وصايا
وافضل فى حاله خضوع مؤسفه
وبارفع دعايا
لربى ورجايا
يزيح البلاوى المتســـــــــــــتفه

هههههههههههههه
وماخقي كان اعظم يا دياصتي
تصدق انا لسه واخد بالي من الاعلانات بتاعت ترشيد الاستهلاك
قال يعني عامة الناس عارفين ياكلو اصلا علشان يرشدوا في استهلاك التكييف
بزمتك مش دا استخفاف بعقول الشعب ؟؟
يعني هو في حد هيبقى عنده تكييف ومش لايق ياكل

يارب ياتهديهم يا تاخدهم

وزير الجبايا
بيحكى ف حكايه
وحبه كلام همبكه وفلسفه
يبرر جنايه
عملها معايا
بحدوته بايخه وكمان مقرفه

والله رائعة رائعة رائعة جدا جدا جدا
ربنا يباركلك
ونرجو المزيد