سر المهنة!!

هقولكم على سر المهنة
وخبرتي في الكلية
عشان تعرفوا غلاوتكم عندي....
حاجتين مهمين أوي ممكن أي بنوتة في أسنان تحصل لها
وأحب أقول إن الفضل يرجع بعد ربنا للدكتورة نيفين في قسم الاوبرتيف عشان الامانة.

أول حاجة :
لما الmercury ييجي على الدهب سواء خاتم أو غويشة
يمكن تعرفوا ايه اللي بيعمله؟؟؟؟
أولا بيبقع ولو كان كتير ممكن ياكل في الدهب
مشكلة , مش كده
وهتزعلي أوي عشان الخاتم باظ :pale:
بس هيكون درس عشان تحرمي تعملي amalgam أو تتدخلي العيادة أساسا بالدهب

الحل بسيط
هاتي شوية alginate powder وافركي بيهم المكان اللي بقى لونه فضي كذا مرة
هتلاقي اللون بيختفي بالتدريج لحد مايروح خالص ويرجع زي ما كان بإذن الله....



المشكلة التانية:
بقعة الdeveloper او( المظهر في الاحماض بتاعة x-ray(
يا سلام بقى لو اللبس جديد أو بتحبيه
لو جت ع البالطو بس في داهية
فداكي
ولا تقولي كلوركس ولا شاوت ولا الجن الازرق...

عاوزة الحل البسيط ومش مكلف ويرجع البلوزة زي ما كانت من غير ما يؤثر ع الالوان؟؟؟
تدفعي كام؟؟؟؟؟؟؟؟
ههههههههه
طيب طيب
هقولك

هاتي صبغة جاوا من أي صيدلية
وشوية fixer (مثبت الاحماض)
وحتتين قطن
أوكي؟
هاتي البلوزة أو الهدوم اللي إتبقعت وهي ناشفة
بعدين بلي القطنة الاولى بصبغة جاوا
واضغطيها بالراحة ع البقعة لحد ما تغطيها بالصبغة البني
ولاتقلقي
يعني هيحصل إيه زيادة؟؟؟
مهي بايظة بايظة
ههههههههه
بضحك معاكي متخافيش
دلوقتي بقى هاتي القطنة التانية وبليها أوي بالfixer
وسقسقيها ع البقعة اللي بقت بني
سبحان الله
ولاسحر ولاشعوذة
ايه ده؟ البقعة اختفت بإذن الله
الfixer امتص البقعة واللون البني
اغسليها بقى عادي
بس خلاص


شفتو بقى
وصفة سهلة
وبالهنا والشفا
أصدي جربوا وادعولي
واللي ماتعرضتش لحاجة من دي
نيالك يا ستي
اللهم لا حسد يعني
بس الحذر لايمنع القدر
والامر ميسلمش